116 bagong kaso ng COVID Delta variant, na-detect – DoH
- Published on August 9, 2021
- by @peoplesbalita
Naka-detect ang Department of Health (DoH) ng karagdagang 116 na bagong kaso ng Delta variant ng COVID-19 sa bansa.
Dahil dito, mayroon nang kabuuang 331 Delta variant cases sa Pilipinas.
Maliban dito, mayroon ding 113 na bagong kaso ng Alpha, 122 naman ang bagong kaso ng Beta variant habang 10 ang bagong kaso ng P.3 o ang Philippine variant.
Sa bilang na 116 na mga bagong kaso ng Delta variant cases, 95 ang local cases, isa ang returning overseas Filipino (ROF) at ang 20 ay inaalam pa kung saan nagmula.
Nasa 83 cases dito ay may address sa National Capital Region (NCR), habang ang 3 ay mula sa Calabarzon, 4 sa Central Visayas, 2 sa Davao Region, 1 sa Zamboanga Peninsula, 1 sa Cagayan Valley, at 1 sa Ilocos Region.
Ayon sa DOH, ang lahat ng 116 na bagong Delta variant cases ay pawang gumaling na.
Ngayong araw din, nakapag-record ang DoH ng 8,127 na mga bagong kaso ng COVID-19, bagay na mas mataas kumpara nitong mga nakaraang araw. (Gene Adsuara)
-
Lalaki pinagbabaril sa Malabon, dedbol
TODAS ang 40-anyos na lalaki matapos pagbabarilin ng isa sa dalawang hindi kilalang suspek sa Malabon City, kamakalawa ng madaling araw. Dead-on-the-spot ang biktimang si alyas “Ruel”, residente ng C, Perez St. Brgy. Tonsuya sanhi ng isang tama ng bala sa ulo habang mabilis namang tumakas ang mga suspek patungong Sanciangco St. sa […]
-
4 na lungsod sa NCR nabakunahan na ang kalahati ng populasyon
May apat na lungsod sa National Capital Region (NCR) ang nakalahati na ng kanilang populasyon ang naturukan ng first dose ng COVID-19 vaccine. Nangunguna rito ang San Juan City kung saan mayroong halos 70,000 sa populasyon nito o 81.5% sa lungsod ang naturukan ng unang dose ng COVID-19 vaccine. Sumunod ang […]
-
Irving isinusulong na gawing logo ng NBA si Bryant
Desidido pa rin si Brooklyn Nets star Kyrie Irving na dapat ipalit si Kobe Bryant sa logo ng NBA. Kabilang kasi si Irving sa inilunsad na petition noong 2020 ng pumanaw ang Los Angeles Lakers star sa helicopter crash kasama ang anak nitong si Gianna at pitong iba pa. Sinabi ni […]