2 BANGKAY NG LALAKI LUMUTANG SA MALABON
- Published on September 2, 2021
- by @peoplesbalita
DALAWANG bangkay ng lalaki na pinaniniwalaang nalunod ang natagpuan matapos lumutang sa magkahiwalay na lugar sa Malabon city.
Ayon kay Malabon Police chief P/Col. Albert Barot, dakong ala-6 ng umaga nang makita ng ilang nagja-joging ang bangkay ni Ernesto Francisco Jr, 29 ng 27 Bernales II, Brgy. Baritan na nakalutang sa Megadike Riverbank, Brgy. Dampalit.
Ipinaalam ng mga naka-saksi ang insidente kay Ex-O Fernando Ramos, 42 ng Brgy. Dampalit na siya namang nag-report sa Sub-Station 7.
Sa pahayag ng ama ng biktima na si Ernesto Sr, kay police investigators PSSg Mardelio Osting at PSSg Diego Ngippol, madalas umalis ng kanilang bahay ang kanyang anak na walang paalam at nakikipag-inuman sa mga kaibigan at gabi na kung umuwi.
Huli niya itong nakita noong August 28, dakong alas-4 ng hapon, nang umalis ang biktima sa kanilang bahay subalit hindi na nakauwi hanggang sa matagpuan itong patay.
Sa isinagawang cursory examination ng mga tauhan ng SOCO, nakitaan ng mga gasgas sa ulo at katawan ang biktima habang nagsasagawa pa ng imbestigasyon ang pulisya para matukoy kung may naganap na foul play sa pagamatay nito.
Samantala. isang bangkay din ng hindi kilalang lalaki na tinatayang nasa 25-30 ang edad, 5’5 ang taas, nakasout ng short at walang suot na damit ang natagpuan nakalutang sa San Miguel Compound sa Industrial Road, Brgy. Potrero dakong alas-6 ng umaga. (Richard Mesa)
-
Kinatuwaan ang pag-amin na six months nang may ‘LQ’: SHARON, magiging single sana uli kung ‘di pa sila nagkabati ni Sen. KIKO
NATUWA ang mga netizens nang mismong kay Megastar Sharon Cuneta nagmula ang pag-amin na nagkaroon sila ng matagal na LQ or ‘lovers quarrel’ ni former Senator Francis Pangilinan na tumagal din ng ilang buwan. Sunud-sunod na pag-amin ang ginawa ni Sharon sa kanyang Instagram account, matapos umamin na nagkabati na muli sila ng […]
-
Ni-reveal sa isang video post kasama ang pamilya: IYA, buntis na naman sa ika-limang anak nila ni DREW
BUNTIS muli si Iya Villania na ika-limang anak nila ni Drew Arellano. Sa kanilang Instagram Reel, nag-post ng video at larawan ang pamilya Arellano na sumasayaw sa tugtuging “Mambo No. 5” ni Lou Bega. Isa-isang nagpakita ang mga anak nina Drew at Iya, na sina Primo, Leon, Alana, at Astro, at sa huli, […]
-
OCTA sa gov’t: Maging maagap vs Delta variant
Inirekomenda ng OCTA Research group sa pamahalaan na magpatupad na sa lalong madaling panahon ng “bold moves” gaya ng “circuit-breaker” lockdowns laban sa Delta variant sa Pilipinas. Sa Laging Handa briefing kaninang tanghali, sinabi ni Dr. Guido David na ang reproduction number ng COVID-19 sa National Capital Region (NCR) ay pumalo na sa […]