2 DRUG SUSPECT TIKLO SA P374K SHABU SA VALENZUELA
- Published on December 7, 2021
- by @peoplesbalita
DALAWANG hinihinalang drug personalities kabilang ang 49-anyos na ginang ang arestado matapos makuhanan ng mahigit P.3 milyon halaga ng shabu sa buy bust operation sa Valenzuela City.
Kinilala ni Valenzuela Police Station Drug Enforcement Unit (SDEU) chief P/Lt. Joel Madregalejo ang naarestong mga suspek na sina Joven Palileo, 39, ng Gumamela St. Gen. T. De Leon at Rosa Flora Gatus, 49 ng Yakal St. Old Prodon, Gen. T. De Leon.
Sa ulat, dakong alas-6:30 ng umaga nang magsagawa ang mga operatiba ng SDEU ng buy bust operation sa Urutia St , Bgry. Gen. T. De Leon kung saan isang undercover police ang nagawang makipagtransaksyon sa mga suspek ng P9,000.00 halaga ng shabu.
Matapos tanggapin ng mga suspek ang marked money mula sa poseur-buyer kapalit ng isang medium plastic sachet ng shabu ay agad silang sinunggaban ng mga operatiba.
Nakuha sa mga suspek ang tinatayang nasa 55 grams ng hinihinalang shabu na may standard drug price P374,000.00, marked money na isang tunay na P1,000 bill at walong pirasong P1,000 boodle money at mobile phone.
Nahaharap ang mga suspek sa kasong paglabag sa RA 9165 o Comprehensive Dangerous Drug Act of 2002. (Richard Mesa)
-
Billy, pinararating na gusto lang nilang maka-inspire at makatulong
NGAYONG nasa TV5 na si Billy Crawford ay dalawa agad ang shows niya, ang daily na Lunch Out Loud at weekend Masked Singer Pilipinas na parehong produced ng Brightlight Productions. Kaya parang wala namang nabago sa trabaho ni Billy d dahil nu’ng nasa ABS-CBN siya ay dalawa o tatlo ang programa (It’s Showtime, Pilipinas […]
-
Rookie card ni LeBron posibleng maibenta sa $1-M sa auction
Posibleng umabot sa mahigit $1 million ang presyo sa auction ng pirmadong rookie card ni NBA star LeBron James. Ayon sa Goldin Auctions ang LBJ 2003-2004 Upper Deck Exquisite card ay isa sa 23 nagawa kung saan ito ay pang-14. Mayroong kondisyon ito na 9.5 o tinatawag na “gem mint” at good as […]
-
TUMANGAY NG MOUNTAIN BIKE, ARESTADO
KINADENA na, tinangka pang nakawin ng isang miyembro ng ‘Bahala na Gang’ ang isang mountain bike habang nakaparada sa isang parking sa Malate, Maynila. Kasong Theft ang kinakaharap ng suspek na si Eric Bedonio, 40, may live-in partner ng 1880 Mayon St., Bulkan, Punta Sta Ana Manila dahil sa reklamo ni Maria Ninel Madlangbayan, 16, sa […]