2 lalaki kulong sa dalang P346-K shabu
- Published on October 14, 2020
- by @peoplesbalita
NABUKING ang dalang higit P346,000 halaga ng shabu ng dalawang drug suspects makaraang masita ng mga pulis dahil sa paglabag sa curfew at hindi pagsuot ng face mask sa Malabon city, kamakalawa ng gabi.
Kinilala ni Malabon Police Chief Col. Jessie Tamayao ang naarestong mga suspek na si Henison Tanghal alyas Entong, 42, at Christopher Reyes, 44, pedicab driver, kapwa ng Celia 2 St. Brgy. Bayan-Bayanan.
Sa report ni Col. Tamayao kay Northern Police District (NPD) Director P/Brig. Gen. Ronaldo Ylagan, alas-11 ng gabi, nagsasagawa ng Oplan Galugad na may kaugnayan sa Simultaneous Enhanced Managing Police Operation (SEMPO) ang mga tauhan ng Malabon Police Sub-Station 7 sa pangunguna ni PLT Robert Kodiamat sa kahabaan ng Celia 2 Brgy. Bayan- Bayanan nang makita nila ang mga suspek na lumabag sa curfew at walang suot na face mask.
Inaresto ng mga pulis ang mga suspek at nang kapkapan ay nakumpiska sa kanila ang 41 piraso plastic sachets na naglalaman ng aabot sa 51 gramo ng hinihinalang shabu na may standard drug price P346,800 ang halaga, dalawang weighing scale, isang kulay asul na medi- cine kit at P3,300 cash.
Pinuri naman ni Gen. Ylagan ang Malabon Police sa pamumuno ni Col. Tamayao dahil sa matagumpay na pagkakaaresto sa dalawang drug suspects na nagresulta sa pagkakumpiska ng naturang illegal na droga. (Richard Mesa)
-
Tolentino na gbabu na sa Ateneo at UAAP
KAKAYOD na para sa Choco Mucho Flying Titans ng Premier Volleyball League (PVL) na magbubukas sa Abril si Fil-Canadian Katrina Mae ‘Kat’ Tolentino na nakalabas na sa 14 araw na quarantine at nasa bansa na buhat sa Canada. Kinansela ang 82nd University Athletic Association of the Philippines (UAAP) 2019-20 sa nakalipas na Marso […]
-
NDRRMC naghahanda na para sa Bagyong Siony
NAGHAHANDA na ngayon ang National Disaster Risk Reduction and Management Council (NDRRMC) bilang paghahanda sa Bagyong Siony sa kabila ng nagpapatuloy na disaster response sa Bagyong Rolly. Kahapon pinulong ng council ang mga Regional DRRMCs para talakayin ang on-going preparation sa Severe Tropical Storm “Siony.” Base sa latest weather bulletin ng Philippine Atmospheric, […]
-
Pag-ahon ng turismo sigurado dahil sa mas maluwag na paglalakbay — Bongbong
Ngayong nakikita na ang unti-unting pag-ahon ng sektor ng turismo, para kay Presidential aspirant Ferdinand “Bongbong” Marcos, Jr., ito na ang pagkakataon para sa mga Pilipinong nagtatrabaho sa tourism industry na maka-recover matapos na lubhang maapektuhan dahil sa pandemiya. Ayon kay Marcos, halos lahat ng sektor sa bansa ay naghirap dahil sa […]