2020 LBC RONDA: OCONER, BAGONG HARI
- Published on March 5, 2020
- by @peoplesbalita
KINORONAHAN ni George Oconer ang sarili bilang bagong hari ng LBC Ronda Pilipinas habang ang kanyang koponan na Standard Insurance-Navy ay muling tinanghal na team champion sa 10th anniversary race ng event na nagtapos kahapon (Miyerkules) sa harap ng provincial capitol sa Vigan, Ilocos Sur.
Nakontento ang 28-anyos na si Oconer na manatili sa likod ng peloton na unang dumating sa finish line ng Stage 10 criterium na pinagharian ng kakamping si Jan Paul Morales para mauwi ang kanyang unang titulo.
Matapos ang 10-stage at 11 araw na event na tumahak sa kabuuang 14 lalawigan at nagsimula sa Sorsogon, tinanghal na kampeon si Oconer matapos makalikom ng kabuuang oras na 32:42:12 kung saan 68 mula sa 88 orihinal na cyclist na lumahok ang natira.
Maliban sa pag-uwi ng premyong nagkakahalaga ng P1 milyon at eleganteng tropeo, si Oconer ay tinanghal din bilang best Filipino cyclist sa kasalukuyan.
Ang pagwawagi ni Oconer ay nagtampok din sa dominasyon ng Standard Insurance-Navy sa Ronda kung saan ang lima pa nitong siklista na kinabibilangan nina Ronald Oranza, Ronald Lomotos, John Mark Camingao, Junrey Navarra at El Joshua Carino ay nakapasok sa top 10 sa likod ng anak ni two-time Olympian Norberto Oconer para mauwi ng koponan ang team crown.
Nakapasok din sa top 10 ng individual race sina Go for Gold riders Jonel Carcueva, Daniel Ven Carino at Ismael Grospe, Jr. at Marvin Tapic ng Bicycology-Army.
Maliban sa team title, nagwagi rin ang Standard Insurance-Navy sa limang stage kung saan ang tatlo rito ay hatid ni two-time Ronda king Morales, na nauwi rin ang CCN Sprint award na hatid ng LBC at suportado ng Manny V. Pangilinan Sports Foundation.
Tinanghal naman si Navarra bilang Versa King of the Mountain sa event na suportado rin ng Palayan, Nueva Ecija, Versa, 8A Performance, Print2Go, Petron, Green Planet, Bike Xtreme, Standard Insurance, Spyder, CCN, Lightwater, Prolite, Guerciotti, Black Mamba, Boy Kanin, Vitamin Boost, NLEX-SCTEX, Maynilad, 3Q Sports Event Management Inc., LBC Foundation at PhilCycling.
-
SHARON, pinasalamatan ni Sen. KIKO sa throwback post; pinauuwi na dahil miss na miss na
NAKATUTUWA ang throwback photo post ni Megastar Sharon Cuneta kasama ang asawang si Sen. Kiko Pangilinan na kuha noong 1997 sa New York. Sa naturang post ni Mega, inamin niya na may mga pagkukulang din ang kanyang butihing esposo. Panimula niya sa kanyang IG post, “Distance has a way of making […]
-
DOTr naglaan ng P40 billion kontrata sa NSCR line
KINUHA ng Department of Transportation (DOTr) ang Filipino, Indonesian at Spanish builders upang magplano at magtayo ng P40 billion na Manila section ng North-South Commuter Railway (NSCR). Sa isang notice of award, ang DOTr ay naglaan ng Contract Package (CP) S-01 sa isang joint venture ng kumpanyang Indonesia PT Adhi Karya (Persero) […]
-
Tayuan sa bus, nakasabit sa jeep bawal – MMDA
BINALAAN ng Metropolitan Manila Development Authority (MMDA) ang mga tsuper at operator ng mga pampasaherong bus at jeep sa mahigpit na pagbabawal sa mga nakatayo o nakasabit na pasahero kahit na inilagay na sa Alert Level 1 ang National Capital Region (NCR). Sinabi ni MMDA officer-in-charge and general manager Romando Artes na ito […]