2020 June 17 Archive - People's Balita

April 20, 2024
Search in People's Balita
Ang Diyaryong Pinagkakatiwalaan

Archive for June 17th, 2020

Pinoy boxer Mike Plania, wagi matapos ang big upset vs Greer sa Las Vegas

Posted on: June 17th, 2020 by @peoplesbalita No Comments

Nagtala ng malaking upset win ang Pilipinong si Mike Plania sa bakbakan nila ng Amerikanong si Joshua Greer Jr. ngayong Miyerkules (Manila time) sa MGM Grand Conference Center sa Las Vegas.

Si Plania, na unang Pinoy boxer na nakatapak sa ring mula nang magsimula ang coronavirus pandemic, ay nagwagi sa pamamagitan ng majority decision, 94-94, 96-92, 97-91.

Maganda agad ang panimula ng 23-anyos na si Plania kung saan agad nitong pinadapa si Greer matapos ikonekta ang kaliwang hook sa unang round.

Muli namang napatumba ni Plania si Greer sa ikaanim na yugto ng bakbakan, gamit ulit ang makamandag nitong kaliwa.

Bagama’t ipinilit ni Greer na makahabol sa laban, mistulang huli na ang lahat upang iayon sa kanya ang sagupaan.

Bago ang laban, si Greer (22-2, 12 KO) ang heavy favorite at ang numero unong contender para sa isa pang Pinoy na si John Riel Casimero na hawak ang WBO bantamweight title.

Tubong General Santos City, nakamit na rin ngayon ni Plania (24-1, 12 KO) ang kanyang ikasiyam na sunod na panalo.

POC tiniyak na pahihirapan ang host country na vietnam sa SEA Games 2021

Posted on: June 17th, 2020 by @peoplesbalita No Comments

Tiniyak ni Philippine Olympic Committee na pipigilan nila ang bansang Vietnam na mangibabaw sa 31st Southeast Asian Games sa susunod na taon kahit na sa teritoryo nila ito gaganapin.

Sinabi ni POC President Abraham “Bambol” Tolentino, na magiging competitive at pahihirapan nila ang host country.

Isang paraan na kanilang gagawin ay ang pagbuo ng national squad pero depende pa rin ito kung mayroon ng bakuna.

Magugunitang nanguna ang Pilipinas sa katatapos na Southeast Asian Games noong nakaraang taon na mayroong 149 gold medals habang pumangalawa ang Vietnam na mayroong 98 golds.

NBA players, binigyan ng June 24-deadline para ihayag kung maglalaro sa season restart

Posted on: June 17th, 2020 by @peoplesbalita No Comments

Binigyan na ng palugit ang mga players ng NBA hanggang Hunyo 24 upang abisuhan ang kani-kanilang mga teams kung lalahok o hindi ang mga ito sa pagbabalik ng mga laro ng liga sa Walt Disney World.

Mismo kasing mga NBA players ay hindi nagkakaisa sa muling pagpapatuloy ng season sa Orlando dahil sa samu’t saring mga dahilan, tulad ng coronavirus pandemic at social issue sa Amerika.

Batay sa memo mula sa National Basketball Players Association, nagkasundo rin daw ang liga at ang unyon na sa muling pagpapatuloy ng season, sinumang players na mas pipiliing hindi muna maglaro ay babawasan ng 1/92.6th ang kanilang kompensasyon sa kada game na hindi nila sasalihan, na may limitasyon na hanggang 14 laro.

Maliban dito, inabisuhan na rin ng NBA ang mga players na sasailalim sila sa ilang mga proseso sa oras na umalis sila sa Disney campus na walang pahintulot.

Kabilang na raw dito ang pagsailalim sa 10 hanggang 14 na self quarantine, pagbawas sa sahod sa kada larong hindi lalahukan, at enhanced testing gaya ng deep nasal swab.

Una rito, sinabi ni NBA Commissioner Adam Silver na kung hindi raw panatag ang isang player na maglaro sa Disney sa anupamang rason, hindi naman daw nila kinakailangang mag-report sa kanilang

Duque, DOH officials pinaiimbestigahan ng Ombudsman

Posted on: June 17th, 2020 by @peoplesbalita No Comments

Pinaiimbestigahan ng Office of the Ombudsman sina Health Sec. Francisco Duque III at iba pang opisyal at empleyado ng Department of Health (DOH) na may kaugnayan sa naging hakbang ng kagawaran sa laban kontra COVID-19 pandemic.

Sinabi ni Ombudsman Samuel Martirez na ipinag-utos niya ang pagbuo ng dalawang investigating teams na tututok sa umano’y mga iregularidad at anomalya na ginawa ng mga opisyal at empleyado ng DOH.

Kabilang sa mga iimbestigahan ay ang delayed procurement ng Physical Protective Equipment (PPE), at iba pang medical gears na kailangan para sa proteksyon ng mga healthcare workers laban sa nakakamatay na sakit.

Nais din siyasatin ang umano’y lapses at irregularities na nagresulta sa pagkamatay ng mga medical workers at sa patuloy na pagsirit ng numero ng mga namamatay at nahahawa na medical frontliners.

Kasama rin sa imbestigasyon ang hindi pagkilos sa release at processing ng benefits at financial assistance ng mga nasawi at infected medical frontliners.

Bukod dito, ipinasisilip din ang nakakalito at delayed reporting ng COVID-19 related deaths at confirmed cases.

Ilang linggo bago ipatupad ang lockdown noong Marso 15, sinabi ni Martirez na nagsimula na ang kanilang field investigation office sa pagsasagawa ng imbestigasyon sa ilang reklamo sa DOH subalit hindi aniya nakikipagtulungan ang mga opisyal at kawani ng DOH.

Sa ngayon, binibigyan ng kapangyarihan ni Martirez ang binuong joint-investigation team na maghain ng criminal at administrative case sa mga mapapatunayang may pagkukulang at paglabag sa batas. (Daris Jose)

WHO ikinatuwa ang primary result ng dexamethasone mula UK vs COVID-19

Posted on: June 17th, 2020 by @peoplesbalita No Comments

Ipinagmalaki ni World Health Organization Director-General Tedros Ghebreyesus ang initial clinical trial result mula sa United Kingdom na nagpapakita ng pagiging epektibo ng isa sa mga posibleng gamot laban sa coronavirus disease.

Ang dexamethasone ay isang uri ng corticosteroid na kaya umanong pagalingin ang mga COVID-19 positive patient na nasa malubhang kalagayan. Habang may kakayahan din itong pababain ng one-third ang tsansa na mamatay ang isang pasyente .

Batay pa sa preliminary findings ng ahensya, kaya rin nitong bawasan ng one-fifth ang tsansa na mamatay ang mga pasyenteng nangangailangan ng oxygen o ventilator support subalit hindi makikita ang benepisyo ng naturang gamot sa mga mild cases.

Nagpaabot din ng pagbati si Ghebreyesus sa gobyerno ng Britanya, University of Oxford, at pati na rin sa lahat ng ospital at pasyente sa UK na nagtulong-tulong para maisakatuparan ang tinaguarian ngayong “lifesaving scientific breakthrough.”

Taong 1960 pa ginagamit ang murang steroid na ito para sa mga taong may rheumatoid arthritis, asthma at sakit sa balat. Kasama rin ito sa listahan ng WHO Model List of Essential Medicines noong 1977 na kasalukuyan ng off-patent at murang mabibili saan mang dako ng mundo.

Patuloy naman na hinihintay ng mga researchers ang full data analysis ng trial mula sa WHO. Nakatakda ring maglabas ang ahensya ng meta-analysis na magbibigay ng karagdagang impormasyon tungkol sa gamot. Inaasahan na rin ang gagawing update ng WHO sa kanilang clinical guidance kung paano at kailan gagamitin ang dexamethasone kontra COVID-19.

Una rito ay pinuri ni United Kingdom Prime Minister Boris Johnson ang tagumpay ng kanilang bansa ngunit binigyang-diin ng prime minister na hindi ibig sabihin nito ay pwede nang balewlain na lang ang umiiral na social distancing sa UK. (Daris Jose)

Fund raising ng Muaythai Association of the Ph, pandagdag sa budget ng national athletes

Posted on: June 17th, 2020 by @peoplesbalita No Comments

Aktibong nagpa-fund raising ang Muaythai Association of the Philippines para maidagdag na tulong sa national athletes kasunod ng pagbawas ng 50% sa budget ng mga ito.

Sa interview kay Asst. Sec. Gen. Francis Amandy ng Philippine Muaythai, sinabi niyang nag o-online selling sila at online tutorial kung saan ang lahat ng kinikita ay binibigay sa mga atleta.

Dagdag pa ni Amandy na nakakatuwa dahil maging ang national athletes ay may kanya-kanya ring paraan upang makapag-training pa rin sa kabila ng mahirap na sitwasyon.

”Resourceful lang kung baga balik tayo sa sinauna na imbis na sumisipa tayo sa mga modern na mga punching bags, mga kicking shield, kicking pads sp nandoon sila sa mga puno. Sila yong gumagawa ng paraan kung ano yong mga ilalagay nila doon” pahayag ni Francis Amandy Asst. Sec. Gen. ng Philippine Muaythai.

PH, ADB, tinintahan ang $500M loan accord para sa 4Ps program sa gitna ng COVID-19 crisis

Posted on: June 17th, 2020 by @peoplesbalita No Comments

Humiram ng panibagong $500 milyong loan ang Pilipinas mula sa multilateral lender Asian Development Bank (ADB) bilang budgetary support para sa conditional cash transfer program ng pamahalaan sa gitna ng coronavirus disease 2019 (COVID-19) pandemic.

Sa isang pahayag, sinabi ng Department of Finance (DOF) na nilagdaan nila Finance Secretary Carlos Dominguez III at ADB country director for the Philippines Kelly Bird ang loan agreement para sa Expanded Social Assistance Project (ESAP) noong Hunyo 15.

“We thank the ADB for again extending its support to our sustained efforts to mitigate the impact of the COVID-19 pandemic on our economy and our people. This budget-support loan will not only help bridge our funding gap for our COVID-19 response but will also strengthen our social protection program as we restart our economy and help people get back on their feet amid the pandemic,” pahayag ni Dominguez.

Layunin ng ESAP, na bumubuo sa suporta ng ADB para sa social protection programs sa bansa, na tulungan ang pamahalaan sa patuloy na pagpapatupad ng pamahalaan ng conditional cash transfer initiative nito na tinatawag na Pantawid Pamilyang Pilipino Program (4Ps).

Layunin ng $500-milyong loan na ipagpatuloy ang pagpopondo ng education at health grants sa eligible 4Ps household-beneficiaries para sa loob ng apat na taon simula 2020.

Sinabi ng ADB na magbibigay din ito ng $3.1 milyong technical assistance grant upang “help improve the family and youth development sessions, update the list of eligible poor households, provide a package of livelihood and other support to help up to 3,000 households graduate out of poverty, support information technology (IT) reforms to automate compliance verification and grievance redress, and prepare for the integration of the 4Ps database with the government’s national ID system.”

Ito ang ikalawang karagdagang pondo na ibinigay ng ADB sa ilalim ng Social Protection Support Project (SPSP), na sumusuporta rin sa 4Ps.

“The ADB was among the first multilateral development institutions to provide assistance to the Philippines’ COVID-19 response with its delivery of a US$3-million grant for the government’s purchase of medical supplies for its frontline health workers, and another emergency grant of US$5 million to leverage private-sector donations for a food distribution program that has benefited 55,000 poor households in Metro Manila and neighboring areas,” ayon sa DOF.

PBA, pinatawan ng 3-game suspension, P75-K multa si coach Tab Baldwin

Posted on: June 17th, 2020 by @peoplesbalita No Comments

Pinatawan na ng PBA ng three-game suspension at ng P75,000 multa si Ateneo coach Tab Baldwin dahil sa binitawan nitong mga batikos sa liga, at sa mga referee at coaches.

Ibinaba ni PBA Commissioner Willie Marcial ang parusa isang araw matapos ang pag-uusap nila ni Baldwin sa ginanap na conference call kasama ang mga opisyal ng liga.

Sa pahayag ng PBA, nanindigan silang malaking kasiraan umano sa liga ang naging pahayag ni Baldwin, na tumatayo rin bilang assistant coach ng TNT KaTropa.

Una nang humingi ng paumanhin si Baldwin kay Marcial sa idinulot na kontrobersya ng kanyang mga komento.

LTFRB, LTO gagamit ng online, cashless transactions sa panahon ng “new normal”

Posted on: June 17th, 2020 by @peoplesbalita No Comments

Ang Land Transportation Franchising and Regulatory Board (LTFRB) at Land Transportation Office (LTO) na nasa ilalim ng Department of Transportation (DOTr) ay nagsusulong ng technological innovations na makakatulong upang magkaroon ng limitadong human intervention at physical contact sa mga transactions sa loob ng mga nasabing ahensya ng pamahalaan.

Simula sa Martes, ang LTFRB ay maglulungsad sa National Capital Region (NCR) ng isang makabagong initiative, ang tinatawag na Public Transport Online Processing System (PTOPS).

Nagkakaroon na ng pilot testing at consultation sa mga stake holders simula noong June 1 at matatapos sa June 15 ang PTOPS na siyang magbibigay daan upang ang mga transactions ay gagawin na lahat sa pamamagitan ng ng online upang mas maging mabilis at accessible sa lahat ng stakeholders ang services ng LTFRB at LTO. Hindi lamang kasama sa online services ang publication at hearing ng mga cases

Gagawin ang PTOPS sa pakikipagtulungan ng PISOPAY.COM. Ang online transactions ay maiiwasan din ang physical contact at ang physical distancing ay patuloy na magagawa na isa sa mga precautionary measure upang hindi kumalat ang COVID-19.

“Using PTOPS, a user can easily create an account, select the type of transaction, and schedule an appointment online with the LTFRB or LTO,” ayon sa DOTr.

Hindi lamang physical distancing at personal contact ang maiiwasan kundi mahihinto rin ang pagkakaron ng mga corrupt practices sapagkat mababawasan ang human intervention.

Ayon kay Chairman Martin Delgra na kailangan ng masanay ang mga stakeholders sa ganitong mga paraan sapagkat ito na ang simula ng new normal.

“We are making our services accessible at the comfort of your homes and we have to adapt to this new reality. In this way, we lower the risk of possible virus transmission,” dagdag pa ni Delgra.

Sinisimulan na rin ng DOTr ang pagpapatupad ng mga safety protocols tulad ng pagkakaron ng cashless transactions at digital payments ngayong new normal.

“The Department has encouraged various digital payment providers to make their services available to transport operators and drivers to pave the way for cashless or contactless transactions in public transportation, such as taxis, and transport network vehicle services (TNVS).

Sa LTO, may mga bagong procedures din ang ipatutupad para sa mga iba’t ibang transactions ditto sa pamamagitan ng Land Transportation Management System (LTMS).

Ang LTMS ay makakatulong upang ang isang stakeholder ay magawa ang transaction sa pamamagitan ng online processing kasama dito ang driver/conductor’s application para sa renewal ng driver’s license, request para sa bagong records, at request tungkol sa Certificate of No Apprehension.

“For settlement of traffic violations, motorists with admitted cases may settle their violations outright by paying fines at any LTO District Office Cashier or via electronic payment channels and online banking,” sabi ng LTO.

Samantala, para naman sa mga contested cases, ang isang motorista ay maaaring magbigay ng position papers sa pamamagitan ng online sa ilalim ng LTMS. Habang ang mga notification para sa schedule ng hearing at settlement updates ay ipapadala naman sa pamamagitan ng electronic mail (email) at portal dashboard.

Sangayon, ang LTMS ay nasa pilot stage pa lang sa ibang LTO offices na nasa ilalim ng general community quarantine (GCQ).

“We are doing the pilot-testing at 24 LTO Offices to iron-out the technical glitches, and thus ensure that everything will run smoothly. Once all are in place, the LTMS will be implemented in all LTO Offices nationwide. LTMS will limit human intervention so as to comply with the safety protocol advised by health authorities,” ayon kay Assec Edgar Galvante. (LASACMAR)