• March 29, 2024
  • Ang Diyaryong Pinagkakatiwalaan

Archive for October 15th, 2020

SPONSORSHIP AT DEBATE SA P4.5-T BUDGET MULING BINUKSAN

Posted on: October 15th, 2020 by @peoplesbalita No Comments

INIREKONSIDERA ng mababang kapulungan ng Kongreso ang second reading approval ng 2021 proposed P4.5 trillion national budget.

 

Ito ay para muling maipag- patuloy ang sponsorship at debate pati na rin ang period of amendments na natigil nang magmosyon si dating Speaker Alan Peter Cayetano na aprubahan sa ikalawang pagbasa ang 2021 General Appropriations Bill (GAB) noong nakaraang linggo.

 

Sa kabila ng pagrerekonsidera sa budget approval, tiniyak naman ni House Committee on Appropriations Vice Charman Joey Sarte Salceda na magiging mabilis ang pag-apruba sa GAB, na sinertipikahang urgent ni Pagulong Rodrigo Duterte noong nakaraang linggo.

 

Sa darating na Biyernes aniya, target nilang maaprubahan ang 2021 budget.

 

Ilang kongresista ang umapela sa mga nakalipas na araw na muling buksan ang plenary debates sa panukalang pondo upang sa gayon ay mabusisi ng husto ang nilalaman nito.

 

Mahalaga rin aniya na matiyak na wasto ang alokasyon sa iba’t ibang sektor at ahensya ng pamahalaan alinsunod sa itinatakda ng Saligang Batas.

 

Sa ngayon, 18 ahensya pa ng pamahalaan ang hindi pa natatalakay ang budget sa plenaryo ng Kamara.

 

Pero habang tinatalakay sa plenaryo ang budget, sinabi ni Salceda na patuloy na kikilos naman ang small committee na binuo para tumanggap ng amiyenda mula sa mga kongresista.

 

Sa ganitong paraan ay mapapabilis aniya ang approval ng budget.

 

Kaugnay nito, umapela nang pagkakaisa si Velasco sa mga kasamahan niya sa Kamara upang sa gayon ay maisakatuparan ang pangakong maaprubahan on time ang 2021 budget. (Daris Jose)

Perez, Adams aangas sa Dyip

Posted on: October 15th, 2020 by @peoplesbalita No Comments

MAPUWERSA ang bagong kumbinasyon ng Terrafirma Dyip sa katauhan nina Christian Jaymar (CJ) Perez at Roosevelt Adams.

 

Kapwa top picks ng behikulo ang dalawa. Si Perez sa 34 th Phil- ippine Basketball Association Rookie Draft 2018 at si Adams ay sa 35 th PBA RD 2019.

 

Dalawang ‘halimaw’ sila ng Terrafirma na dapat katakutan ng mga karibal sa 45 th PBA Philippine Cup 2020 eliminations restart sa Clark Freeport Economic Zone bubble sa Angeles City, Pampanga na nagbukas nitong Linggo, Oktubre 11.

 

Kasama ng dalawang kampeon sa National Collegiate Athletic Asso- ciation o NCAA vuhat sa Colegio de San de Letran sina Christian Balagasay at Bonbon Batiller, na magpapaharurot sa nagbagong-bihis na Dyip.

 

“We are a very dangerous team,” paalala ng 22-anyos, 6-5 ang taas at tubong Arizona, USA na si dams. “So watch out for us.”

 

Nagpasikot-sikot ang Filipino-American cager sa mga koponan ng Maharlika Pilipinas Basketball League o MPBL teams saka nagpa- draft sa propesyonal na liga.

 

Magkatulad ng takbo at matapang na umaatake sa sina Adams at Perez na ikasasakit ng ulo ng mga kalaban.

 

Misyon ni Perez sa mahigit dalawang buwang liga ang naumpisahan sa nakaraang season nang gawaran siya ng Rookie of the Year.

 

“Dalangin ko lang na hindi ako mawala sa kondisyon,” namutawi naman sa dating NCAA Most Valuable Player buhat sa Lyceum of the Philippines University. “Kaunting adjustment pa saka gigil. Sana mapatunayan ko na worthy ako du’n sa ROY award.”

 

Nakatakdang makilatis ang dalawang angas ni ni coach Johnedel Cardel ang bagong langis na Dyip kontra Talk ‘N Text Martes (Oktubre 13) ng gabi sa Angeles University Foundation Sports Arena ang Cultural Center.

 

Sige nga mapanood ang kumbinasyong Perez at Adams. (REC)

‘All is well’ kina Velasco, Cayetano matapos ang meeting kay Duterte – Sen. BG

Posted on: October 15th, 2020 by @peoplesbalita No Comments

MASAYANG ibinalita ni Sen. Bong Go na “all is well’ na sa pagitan nina bagong Speaker Lord Allan Velasco at dating Speaker Alan Peter Cayetano.

 

Ito ang naging pahayag ni Sen. Go matapos pulungin ngayong hapon ni Pangulong Rodrigo Duterte sina Cayetano at Velasco na una nang nagbangayan sa pagka-speaker.

 

Sinabi ni Sen. Go, parang isang tatay si Pangulong Duterte na kinausap ang kanyang mga anak.

 

Pinayuhan daw ni Pangulong Duterte sina Velasco at Cayetano na magkaisa at ipasa na ang P4.5 trillion proposed 2021 national budget.

 

“All is well. Parang tatay si Tatay Digong kinausap mga anak niya. Pinag-payuhan na mag-kaisa. One majority and pass the budget on time para sa sambayanang Plipino,” ani Sen. Go. (Ara Romero)

Power struggle sa Kongreso, posibleng magtagal pa kung hindi pa nagbabala si Pangulong Duterte sa mga nagbabangayang personalidad – Malakanyang

Posted on: October 15th, 2020 by @peoplesbalita No Comments

KUMBINSIDO ang Malakanyang na mas humaba pa sana ang tensiyon ng awayan sa kapangyarihan sa Mababang Kapulungan ng Kongreso kung hindi pa nagsalita kamakailan si Pangulong Rodrigo Roa Duterte.

 

Ayon kay Presidential spokesperson Harry Roque, maaaring magtagal pa ang agawan sa puwesto kung hindi nagbigay ng mensahe ang Presidente sa mga sangkot na personalidad.

 

Mabuti naman ayon kay Sec. Roque at nakuha ng mga kinauukulan ang mensaheng nais ipaabot ng Chief Executive na ang gusto lang naman ay maipasa ang proposed 2021 national budget.

 

Kung hindi po siguro dahil dito ay lalo pang napahaba iyong agawan sa puwesto,” ayon kay Sec. Roque.

 

Kaya, nagpapasalamat ang Malakanyang sa Kongreso bunsod ng naging tugon nito sa panawagan ng Chief Executive.

 

Nakuha naman aniya ng mga kongresista ang pahiwatig ng Presidente na ang habol ay ang pondong magagamit ng pamahalaan sa susunod na taon habang wala itong pakialam sa pulitika.

 

Magugunitang, nagbabala ang Pangulo kamakailan na kung hindi maaayos ang gulo sa Kamara ay siya na ang gagawa ng aksiyon na may kinalaman sa budget ng bansa na gagamitin sa 2021.

GABBI, natupad na ang wish na makasama ang boyfriend na si KHALIL

Posted on: October 15th, 2020 by @peoplesbalita No Comments

“ALWAYS proud of you, my love!! Welcome to GMA @TheKhalilRamos.”

 

Ito ang greetings ni Kapuso Global Endorser Gabbi Garcia sa kanyang Instagram bilang sagot sa pag-welcome ng GMA Network na “Welcome our newerst Kapuso @The KhalilRamos,” nang mag-sign ito ng exclusive management contract sa GMA Artist Center last Tuesday, October 13, na makakasama na niya ngayon sa GMA.

 

Si Khalil ang first Kapamilya artist na lumipat sa Kapuso Network sa taong ito.

 

Three years na ring may relasyon sina Gabbi at Khalil na kahit magkaiba silang network, si Khalil ang taga-produce ni Gabbi ng mga videos niya sa kanyang vlog.

 

Thankful si Gabbi na dahil sa mga videos na ginagawa ni Khalil nagugustuhan ito ng kanyang mga subscribers na umabot na ng 1 million-subscriber-mark sa You Tube. Tinawag nga ni Gabbi na ‘one-man prod team’ang boyfriend.

 

Noon, nag-wish si Gabbi na sana raw ay makasama na niya sa GMA Network si Khalil, like sa All-Out Sundays nang mawala nga ang franchise ng ABS-CBN. Mukhang nakarating ito sa GMA at answered prayer ang wish ni Gabbi at nagkaroon ito ng katotohanan.

 

Now na isa nang certified Kapuso, Khalil looks forward to portraying challenging roles that GMA is known for highlighting on screen.

 

Nagpasalamat naman si Khalil sa kanyang bagong management. (NORA V. CALDERON)

LA LAKERS, ‘DI MUNA MAGSASAGAWA NG ANUMANG URI NG SELEBRASYON HANGGA’T MAY PANDEMYA

Posted on: October 15th, 2020 by @peoplesbalita No Comments

PORMAL nang inanunsyo ng Los Angeles Lakers na hindi raw muna sila magsasagawa ng anumang uri ng selebrasyon bilang pag-iingat sa coronavirus disease 2019 (COVID-19).

 

Kasunod ito ng pagkakasungkit nila ng kampeonato sa NBA Finals matapos ang isang dekada.

 

Sa pahayag ng Lakers, matapos ang kanilang konsultasyon sa mga city authorities ay nagkasundo sila na gawin na lamang ang pagdiriwang sa oras na ligtas na itong gawin.

 

“We cannot wait to celebrate our NBA title with our fans,” saad ng Lakers. “After consulting with the City and the County, we all agree that a joyful and inclusive public celebration will take place as soon as it is safe to do so. In the meantime, thank you again, Lakers Nation, for your support!” Sa kasalukuyan, nakabalik na sa Los Angeles ang koponan.

 

Una rito, nasa 1,000 katao ang nagtipon-tipon sa downtown matapos ang tagumpay ng Lakers kontra sa Miami Heat sa Game 6 kung saan ang iba ay nagtungo pa sa home court ng koponan sa Staples Center.

 

Kalaunan ay naging magulo ang sitwasyon kaya napilitan ang mga pulis na dakpin ang nasa 76 indibidwal.

 

Nagpaalala naman si Los Angeles Mayor Eric Garcetti na bawal pa rin ang mga public gatherings at kung gusto raw talaga ng mga fans na magdiwang ay sa bahay na lang daw muna ito dapat idaos.

Football star Cristiano Ronaldo, nagpositibo sa COVID-19

Posted on: October 15th, 2020 by @peoplesbalita No Comments

NAGPOSITIBO sa coronavirus ang football star na si Cristiano Ronaldo.

 

Ayon sa Portuguese Football Federation, walang anumang sintomas ito ng virus at ito ay naka-isolate na ngayon. Nakapaglaro pa ang 35- anyos na Juventus forward labans a France sa Nations League nitong Linggo at friendly game naman sa Spain noong nakaraang linggo.

 

Dahil dito ay hindi na siya makakapaglaro sa laban ng kaniyang koponan sa Sweden sa Nations League.

No. 1 most wanted ng Malabon, nalambat sa Bulacan

Posted on: October 15th, 2020 by @peoplesbalita No Comments

NAGWAKAS na ang pagtatago ng isang tinaguriang No. 1 Most Wanted Person ng Malabon City matapos matunton ng pulisya kanyang lungga sa Marilao, Bulacan.

 

Pinuri ni National Capital Region Police Office, Chief, P/ MGen. Debold Sinas ang mga operatiba ng Warrant and Sub- poena Section at Intelligence Section ng Malabon Police Station sa ilalim ng pangangasiwa ni city police chief P/Col. Jessie Tamayao dahil sa pagkakaaresto kay Elizalde Leo, 33, residente ng Flovi Homes, Brgy. Tonsuya alas-5 ng hapon sa Brgy. Loma De Gato, Marilao Bulacan.

 

Ang pagkakaaresto sa suspek dahil sa tip na natanggap ni Col. Tamayao mula sa isang impormante hinggil sa pinagtataguang lungga ni Leo kaya’t agad niyang inutusan ang Tracker Team ng Intelligence Section para alamin ang naturang report.

 

Matapos ang dalawang linggong surveillance at monitoring, nakumpirma ng Tracker Team lungga ng akusado sa Brgy. Loma De Gato.

 

Kaagad nakipag-uganayan ang mga operatiba ng Malabon police sa Marilao Police Station saka isinilbi ang warrant of arrest na inisyu ni Presiding Judge Misael Ladaga ng Malabon City Regional Trial Court (RTC) Branch 292 para sa kasong homicide kontra sa akusado.

 

Ipinabatid sa suspek ang kanyang mga karapatan sa konstitusyonal nang siya ay arestuhin bago dinala sa Malabon City Police Station Custodial Facility para pansamantalang pagkakulong habang hinihintay ang pagpapalabas ng utos mula sa korte.

 

“Team NCRPO’s relentless campaign against Most Wanted Persons has arrested a lot law offenders in the Metro and even the neighboring provinces. Rest assured that we will not slacken in this fight but instead intensify our efforts to finally give justice to their victims,” ani MGen. Sinas. (Richard Mesa)

Metro Manila, 7 pang lugar COVID-19 hotspots

Posted on: October 15th, 2020 by @peoplesbalita No Comments

NANANATILING hotspot sa COVID-19 ang Metro Manila sa loob ng nakalipas na dalawang linggo maging ang mga lalawigan ng Cavite, Rizal, Batangas, Laguna, Bulacan, Negros Occidental at Iloilo.

 

Ito ang resulta ng pagsusuri ng UP-OCTA Research Team base sa mga datos na naitatala ng Department of Health (DOH) sa mga bagong kaso kada araw.

 

Kahit na may panawagan na para sa pagpapaluwag ng ‘lockdown’, ipinanukala naman ng UP team sa pamahalaan na magdeklara ng mas mahigpit na ‘quarantine’ partikular sa Bauan, Batangas; Calbayog sa Western Samar; at General Trias sa Cavite.

 

Ito ay dahil sa pagtaas ng ‘attack rate per 1,000 people’ ng virus sa Bauan mula 6.2% noong Oktubre 4 sa 11.9% nitong Oktubre 11; 5.1% sa 8% sa Calbayog at 4.9% sa 7.6% sa General Trias.

 

Nabatid naman na patuloy ang pagdagsa ng mga bagong kaso ng COVID sa Metro Manila na mas mababa sa 1,000 kaso kada-araw.

 

Ngunit iginiit ng mga mananaliksik na maaaring agad na mabaligtad ito kung hindi mapapanatili ng pamahalaan ang mahigpit na panuntunan sa kaligtasan. (Ara Romero)

Mas maraming taong makalabas ng bahay, pinagayan na ng gabinete –Palasyo

Posted on: October 15th, 2020 by @peoplesbalita No Comments

KINUMPIRMA ng Malacañang na mas maraming tao na ang pinapayagan ng gabinete na makalabas mula sa kanilang mga bahay bilang bahagi ng pagbuhay sa ekonomiya ng bansa sa gitna ng COVID-19 pandemic.

 

Sinabi ni Presidential Spokes- man Harry Roque, inaprubahan sa full-Cabinet meeting kagabi ang rekomendasyon ng Department of Trade and Industry (DTI) para sa expansion ng age group na papayagang makalabas gaya ng mga nasa edad 15 hanggang 65.

 

Magugunitang dati ay bawal lumabas ng bahay ang mga edad 21 pababa at 60-anyos pataas, kabilang na ang mga buntis, mga may immu- nodeficiency, comorbidity o iba pang health risks.

 

Maliban dito, suportado rin ng gabinete na paikiliin o bawasan ang curfew hours at multiple work shifts para dumami ang mga manggagawa at mamimiling mag-aambag sa paglago ng ekonomiya at gradual expansion ng business capacity sa 75 hanggang 100 porsyento.