2020 November 14 Archive - People's Balita

April 25, 2024
Search in People's Balita
Ang Diyaryong Pinagkakatiwalaan

Archive for November 14th, 2020

Pagpapakawala ng tubig ng dams dapat kontrolin ng NDRRMC – Año

Posted on: November 14th, 2020 by @peoplesbalita No Comments

Ipinanukala ni Department of the Interior and Local Government (DILG) Secretary Eduardo Año na dapat ang National Disaster Risk Reduction and Management Council (NDRRMC) na lamang ang kailangang magdesisyon sa pag-aapruba sa mga dam kung dapat ba ang mga itong magpakawala ng tubig sa panahon ng kalamidad.

Ito ang siyang sinabi ng kalihim sa isang panayam sa kanya ng mga mamamahayag upang maiwasan ang pagkakaroon ng mga biglaang pagbaha kapag may mga malalakas na bagyong mananalasa sa bansa.

Aniya, sa kasalukuyan ang mga operators ng dam ay may kaniya-kanyang protocols sa pagpapakawala ng tubig sa kanilang mga ‘reservoirs’.

“We will propose na in times of calamities and typhoons, dapat may nagko-control diyan sino, kailan bubuksan ang dam. Kasi kailangan before the bagyo, puwede na tayo magbukas. lalo na kung mayroon tayong forecast kung gaano kalaki ‘yung ulan na darating. I will propose na pag-usapan sa NDRRMC sa time of calamity at typhoon, ang NDRRMC ang magbibigay ng approval kung kailan magbukas, ilang gate para controlled natin,” lahad ni Año.

Matatandaan na ilang opisyal ng lokal na pamahalaan sa Metro Manila at mga karatig lalawigan na isinisi ang mataas na pagbaha sa kanilang lugar ay bunsod na rin sa papakawala ng tubig sa panahon ng bagyo.

“Talagang parang ang lupa talagang na-saturate ng tubig. Nadagdagan pa ng pagpapalabas ng tubig sa dam. Anim na dam ang nagbukas ng tubig at ito ay nakadagdag sa pagbaha,” paliwanag pa ng opisyal.

Binigyang diin ni Año na ang kaniyang panukala na sa pagtatalaga sa ‘single authority’ para siyang mag-apruba sa pagbubukas ng gate ng mga dam ay makakatulong upang maiwasan ang biglaang pagbaha sa panahon ng mga kalamidad.

“In normal times they follow their protocols but during typhoons, there must be someone managing the opening of the dams in order to control the flow of water that would affect the LGUs and induce flooding,” giit ng kalihim.

Idinagdag pa ng DILG chief, na kanilang iimbitahan ang Magat Dam authorities sa susunod nilang pagpupulong ng NDRRMC upang talakyin ang nasabing panukala.

Iba’t ibang pigura ng mga nasawi at nawawala, naitala dahil sa bagyo… Bagsik ni Ulysess

Posted on: November 14th, 2020 by @peoplesbalita No Comments

NAKAPAGTALA ang NDRRMC ng 69 (as of Nov. 16 death toll) na kataong namatay bilang resulta ng pananalasa ng bagyong Ulysses.

Bitbit ng bagyong Ulysses ang malakas na hangin at matinding buhos ng ulan na siya namang nagpaalala sa maraming residente ng Luzon ng 2009’s Tropical Storm Ondoy.

Sa isang press briefing, nagbigay ang mga Cabinet officials ng iba’t ibang pigura pagdating sa numero ng mga namatay.

Sinabi ni Presidential Spokesperson Harry Roque, na 14 katao na namatay ang “LGU-verified.”

Gayunman, sinabi ng NDRMMC, na maliban sa 69 na namatay ay may naiulat na 12 katao naman ang nawawala dahil sa bagyong Ulysses.

Sa ulat, napanatili naman ng bagyong Ulysses, ang pang-21 bagyong tumama sa bansa ngayong taon, ang kanyang lakas nang makarating ito sa West Philippine Sea umaga ng Huwebes matapos manalanta sa Luzon.

Makararanas ng mahina hanggang katamtaman at paminsan-minsang mabigat na pag-ulan ang ilang parte ng Visayas at nalalabing bahagi ng Luzon, ayon sa huling weather bulletin ng PAG-ASA.

Sa kabilang dako, sinabi ni Interior Secretary Eduardo Año na 38,500 katao ang nasagip o na-rescue.

Samantala, nagbabala ang Philippine Atmospheric, Geophysical and Astronomical Services Administration (Pagasa) na tatlong pang tropical cyclones ang inaasahang papasok sa Philippine Area of Responsibility (PAR), bago matapos ang 2020.

Ito’y matapos ang sunud-sunod na bagyo na tumama sa Pilipinas sa loob ng buwang ito.

Ayon sa Pagasa, hindi paman kumakalahati ang buwan ng Nobyembre ay tatlong bagyo na ang nanalasa sa bansa.

Samantala, umakyat na sa 428,657 pamilya o 1,755,224 indibidwal na naninirahan sa 4,543 barangay mula sa Ilocos, Cagayan Valley, Central Luzon, Calabarzon, Mimaropa, Bicol, National Capital Region (NCR) at Cordillera Administrative Region (CAR) ang apektado ng nanalasang bagyong Ulysses, batay sa National Disaster Risk Reduction and Management Council (NDRRMC).

Sa naturang datos, 85,357 pamilya o 324,617 indibidwal ang naninirahan sa 2,991 evacuation centers habang nasa 52,574 pamilya o 231,701 indibidwal ang nasa labas.

Kasalukuyang patuloy pa rin ang pagsasagawa ng mga donation drive at pag-rescue ng mga ahensya sa Pilipinas upang matugunan ang iba pang pangangailangan. (Daris Jose)

Navotas, umayuda sa Marikina

Posted on: November 14th, 2020 by @peoplesbalita No Comments

Matapos masigurong nakauwi na sa kanilang mga bahay ang daan-daang pamilya ng Navotas City na inilikas mula sa coastals areas matapos ang pananalasa ng bagyong Ulysses, nagpadala naman si Mayor Toby Tiangco ng rescue team sa Marikina City.

Ayon kay Mayor Tiangco, ang team na mula sa kanilang Disaster Risk Reduction and Management Office (DRRMO) ay mga karanasan na sa anti-disaster operations, kasama ang rescue boat at utility truck para tumulong sa pagrescue ng mga residenteng binaha sa Marikina.

“Dahil nasiguro na natin na ang aming mga residente na naninirahan malapit sa mga baybayin na unang nailikas bago ang pananalasa ng bagyo ay nakabalik na sa kanilang mga tahanan nang ligtas, napagpasyahan kong oras na upang matulungan naman ang iba, sa labas ng lungsod, pahayag ni Tiangco.

Si Mayor Tiangco at kanyang kapatid na si Rep. John Rey Tiangco ay nagsikap na magtayo ng maraming mga pumping station na umabot na ngayon ng 54 na nakaposisyon sa buong lungsod dahilan upang mapigilan ang pagbaha.

Pinasalamatan naman ng alkalde ang city engineering office sa pagsiguro na gumagana lahat ng 54 ‘bombastik’ pumping stations.

Dagdag niya, maliban sa 54 bombastik stations sa lungsod, meron din silang 3.6 kilometrong dike mula Bagumbayan North hanggang Tangos South na nagpoprotekta sa mga kabahayang nakaharap sa Manila Bay.

Samantala, sa katabing mga lungsod ng Caloocan, Malabon at Valenzuela ay maraming mga pamilya din na apektado ng bagyo ang inilikas patungo sa mga itinalagang evacuation centers.

“Here in Valenzuela, we are sandwiched by two rivers – Meycauayan River and Tullahan River – and we evacuated 400 families living near these two rivers and our timely action has prevented possible casualties,” ani Mayor Gatchalian. (Richard Mesa)

Price freeze sa mga pangunahing bilihin sa mga lugar na nasa ilalim ng State of Calamity

Posted on: November 14th, 2020 by @peoplesbalita No Comments

TINIYAK ng Malakanyang na walang magaganap na pagtaas ng presyo ng mga pangunahing bilihin sa mga lugar na idineklarang nasa ilalim ng State of Calamity dahil sa matinding pananalasa ng bagyong Ulysses.

“Pinapaalalahanan din ang Department of Trade and Industry na base sa Republic Act 7581 o ang Price Act, ang presyo ng mga bilihin [sa mga lugar under State of Calamity] ay frozen sa kanilang prevailing prices sa ilalim ng automatic price control sa loob ng 60 araw,” ayon kay Presidential Spokesperson Harry Roque sa isinagawang National Disaster Risk Reduction and Management Council briefing.

Sinabi ni Sec. Roque na kabilang sa mga lugar na nakataas at dapat na ipatupad ang price freeze ay ang Batangas, Cavite, Catanduanes, Mindoro, Palawan, at Camarines provinces at maging sa Marikina City at Rizal.

Sa ilalim ng Section 6 of the Price Act, “if the prevailing price of any basic necessity is excessive or unreasonable, the implementing agency may recommend to the President the imposition of a price ceiling for the sale of the basic necessity at a price other than its prevailing price.”

All-Filipino lineup handang iparada ng Gilas

Posted on: November 14th, 2020 by @peoplesbalita No Comments

Handa ang Gilas Pilipinas na isabak ang all-Filipino lineup nito sa FIBA Asia Cup Qualifiers sakaling hindi umabot ang naturalization ni Ivorian Angelo Kouame.

Ilang araw na lamang ang nalalabi bago tumulak patungong Manama, Bahrain ang Gilas Pilipinas.

Subalit nananatiling optimistiko ang Samahang Basketbol ng Pilipinas (SBP) na makukuha ni Kouame ang naturalization papers nito bago ang qualifiers.

Alam ni SBP Special Assistant to the President Ryan Gregorio na hindi madali ang pagproseso ng naturalization.

At kung hindi papalarin, inihahanda na ng SBP ang isang solidong all-Pinoy lineup na haharap kontra Thailand at South Korea.

“That is really the plan. Some of the things are beyond our control. If there is a magic we can do for Kouame to be available come November 27 by all means we’re gonna take it,” ani Gregorio sa 2OT na iprinisinta ng Smart.

Kasama si Kouame sa 16-man Gilas Pilipinas pool na isinumite ng SBP sa FIBA.

Kung hindi man ito makaabot sa qualifiers sa Bahrain, nais itong ihanda ng SBP sa mga susunod na window ng FIBA tournament gayundin sa prestihiyosong FIBA World Cup na itataguyod ng Pilipinas sa 2023.

Dumating na rin sa Calamba si Kobe Paras ng University of the Philippines matapos makumpleto ang kanyang dental procedure.

Kasama nina Paras at Kouame sina Isaac Go, Rey Suerte, Allyn Bulanadi, Jaydee Tungcab, Dwight Ramos, Justine Baltazar, Dave Ildefonso, William Navarro, Calvin Oftana, Kemark Carino, Juan Gomez de Liaño, Javi Gomez de Liaño, Mike Nieto at Matt Nieto.

E-Scooter ordinance ipatutupad sa Valenzuela

Posted on: November 14th, 2020 by @peoplesbalita No Comments

IPAPATUPAD na sa Valenzuela City ang isang ordinansa na pumapayag sa mga e-scooters na dumaan sa lahat ng mga kalsada, kalye at eskinita sa lungsod maliban sa kahabaan ng MacArthur Highway.

Ito’y matapos aprubahan ang Ordinance No. 811, Series of 2020 o “2020 E-Scooter Ordinance of Valenzuela City” ng 8 th City Council sa ginanap na 14 th Special Session sa Valenzuela City Session Hall.

Ayon kay Mayor Rex Gatchalian, itinakda sa ordinansa na lahat ng sumasakay ng e-scooter ay dapat palaging may suot na helmet. Hinihikayat din ang pagsuot ng knee pads, wrist pads at elbow pads.

Nakasaad din sa ordinansa na tanging mga 17 taong gulang pataas lamang ang maaaring magmaneho ng e-scooter.

Ang mga 16 taong gulang pababa ay maaaring payagan bbasta’t gagamitin ang e-scooter sa sariling pribadong ari-arian o compound at may gabay ng kanilang mga magulan. Ang sinumang lumabag sa ordenansa ay pagmumultahin ng P500.00 o 24 oras na community service. (Richard Mesa)

28 JAPANESE FILMS, STREAMING FOR FREE AT THE JAPANESE FILM FESTIVAL PLUS!

Posted on: November 14th, 2020 by @peoplesbalita No Comments

TO continue sharing Japanese culture to the world amid the COVID 19 pandemic, the Japan Foundation, Manila (JFM) migrates its highly-anticipated Japanese Film Festival to an online platform!

The JFF PLUS: Online Festival is the digital edition of the Japan Film Festival that will run from November 20 to 29, 2020. JFM has carefully curated 28 Japanese films of different genres to be screened via the JFF Plus: Online Festival portal, watch.jff.jpf.go.jp.

This year, the festival puts the spotlight to 28 short and full-length feature films in various genres, which will be available for 24 hours in the newly launched JFF Plus website. Here’s the lineup of the films:

1. Our 30-Minute Sessions (2020) by HAGIWARA Kentaro
2. Little Nights, Little Love (2019) by IMAIZUMI Rikiya
3. The Great Passage (2013) by ISHII Yuya
4. Project Dreams – How to Build Mazinger Z’s Hangar (2020) by HANABUSA Tsutomu
5. Café Funiculi Funicula (2018) by TSUKAHARA Ayuko
6. 0.5mm (2014) by ANDO Momoko
7. Ecotherapy Getaway Holiday (2014) by OKITA Shuichi
8. A Story of Yonosuke (2013) by OKITA Shuichi
9. Railways (2010) by NISHIKORI Yoshinari
10. Lady Maiko (2014) by SUO Masayuki
11. Stolen Identity (2018) by NAKATA Hideo
12. Key of Life (2012) by UCHIDA Kenji
13. DANCE WITH ME by YAGUCHI Shinobu.

Fans of anime and other animated flicks out there must also catch the following titles:

14. Sumikkogurashi: Good to be in the Corner (2019) by Mankyu
15. Production I.G Animation: Tokyo Marble Chocolate (2007) by SHIOTANI Naoyoshi
16. GON, THE LITTLE FOX (2015) by YASHIRO Takeshi
17. Moon of a Sleepless Night (2015) by YASHIRO Takeshi
18. Norman the Snowman – The Northern Light (2013) by YASHIRO Takeshi
19. Norman the Snowman – On a Night of Shooting Stars (2016) by YASHIRO Takeshi
20. Pigtails (2015) by ITAZU Yoshimi
21. Kick-Heart (2013) by YUASA Masaaki
22. Li’l Spider Girl (2012) by KAIYA Toshihisa
23. Drawer Hobs (2011) by KISE Kazuchika
24. The Girl from the Other Side (2019) by KUBO Yutaro.

For those who love documentaries, JFF Plus also offers these films:

25. Peace (2010) by SODA Kazuhiro
26. Tora-san in Goto (2016) by OURA Masaru
27. Tsukiji Wonderland (2016) by ENDO Naotaro
28. The Flavor of Green Tea over Rice by OZU Yasujiro.

Aside from the featured films, everyone will get to know more about the film directors in the Watch section of the website or the official JFF Plus YouTube channel. There, they can watch the interviews of directors Imaizumi Rikiya, Okita Shuichi, Soda Kazuhiro, Yashiro Takeshi, and Shiraishi Kazuya, conducted by film critic Mark Schilling.

Mr. Suzuki Tsutomu, director of the Japan Foundation, Manila, feels excited to see the event’s new format and to bring the JFF Plus: Online Festival to Filipinos’ homes.

“In this time when we can’t go out and visit places, films allow us to take glimpses into new worlds, experience things, see places and gain new perspectives while staying safe in the con- fines of our homes.” said Mr. Suzuki.

The JFF Plus: Online Festival is made possible together with Japan Foundation Asian Center, in partnership with JT International (Philippines), the Film Development Council of the Philippines, the Embassy of Japan in the Philippines and SM Cinema..

To view the full schedule of the films, visit jff.jpf.go.jp/ or the JFM website. Follow the official JFM pages on Facebook and Instagram. (ROHN ROMULO)

2 DRUG SUSPECTS NALAMBAT SA HIGIT P.9M SHABU

Posted on: November 14th, 2020 by @peoplesbalita No Comments

Dalawang drug suspects ang nalamabat ng mga awtoridad matapos bentahan ng shabu ang isang police poseur-buyer sa isinagawang buy-bust operation sa Navotas City, kamakalawa ng hapon.

Sa kanyang ulat kay Northern Police District (NPD) Director P/Brig. Gen. Ronaldo Ylagan, sinabi ni Navotas police chief P/Col. Rolando Balasabas na ang pagkakaaresto kay Albert Ryan Pascual, 45 ng No. 50 T. Gonzales St. Brgy. San Jose at Jospeh Tinio, 42 ng 022 Pitong Gatang St. Brgy. Sipac-Almacen ay resulta ng isang linggong surveillance operation na isinagawa ng Station Drug Enforcement Unit (SDEU) sa pangunguna ni P/Lt. Genere Sanchez.

Si Pascual na listed drug pusher sa police drug watch list at Tinio na listed drug user ay nasakote dakong 5:15 ng hapon sa Road 10, Brgy. North Bay Boulevard North (NBBN) matapos bentahan ng isang sachet ng shabu ang isang police poseur-buyer kapalit ng P1,000 marked money.

Nakumpiska sa mga suspek ang 26 sachets na naglalaman ng 135 gramo ng shabu na may standard drug price P918,000.00 ang halaga, sling bag, marked money at P2,000 cash.

Pinuri naman ni Gen. Ylagan ang mga tauhan ng Navotas Police SDEU dahil sa matagumpay na operation na nagresulta sa pagkakaaresto sa mga suspek at pagkakakumpiska ng 135 gramo ng shabu.

Mahaharap ang mga suspek sa kasong paglabag sa Comprehensive Dangerous Drugs Act of 2002. (Richard Mesa)

Dingdong, pinangunahan ang panawagan para makaipon ng donasyon

Posted on: November 14th, 2020 by @peoplesbalita No Comments

AGAD na nagtulong-tulong ang mga bumubuo ng AKTOR para makaipon ng donasyon para sa mga biktima ng Bagyong Ulysses.

Ang AKTOR ay samahan ng mga Pilipinong aktor, sa pangunguna ng tapagtaguyod nitong si Dingdong Dantes. Sa pamamagitan ng social media, nanawagan ang grupo ng tulong sa publiko.

“Kapit-bisig nating tulungan ang mga nasalanta ng Bagyong Ulysses. Humihingi ang AktorPH ng tulong na abot sa kakayanan n’yo, malaking tulong ang anumang halaga o ang mga sumusunod: Damit, kumot, tuwalya, vitamin C, tubig, bigas, de lata,” panawagan ni Dingdong.

Maaaring daw dalhin sa TAuMBAYAN, 40 T. Gener cor K1st, Barangay Sacred Heart, Kamuning, Quezon City ang mga donasyon.

Katuwang ng AKTOR ang Catholic Bishops’ Conference of the Philippines (CBCP), Andrew’s Fund PH, at YesPinoy Foundation sa naturang relief operation.

*****

NAGPASALAMAT ang Kapuso comedienne na si Chariz Solomon sa lahat ng frontliners na naka-duty kahit nanalasa ang Bagyong Ulysses.

Sa Instagram post ng Bubble Gang star, nagpasalamat siya sa security guards at maintenance personnel sa kanilang village, na tuluy-tuloy ang trabaho kahit masama ang panahon.

“Grabe yung mga night shift guards and maintenance namin dito sa village kagabi. Nagliliparan mga gamit kagabi sa labas, at nagbabagsakan mga puno pero nasa labas sila natanggal nila in no time yang mga puno na bumagsak at humarang sa kalsada (tinalian na yan ng maayos prior bumagsak parin)”

“Tapos mas inuna pa nila irelocate mga sasakyan namin sa safe parking spots kaysa sa safety nila. Salamat sa mga security and maintenance namin na sobrang maaasahan talaga.”

Kaya nagpaalala si Chariz sa marami na suklian ang kabayanihan ng frontliner na nagbibigay serbisyo sa gitna ng isang bagyo.

Post pa niya: “Guys kung meron kayong superhero story kagaya nila manong guards namin, bawi tayo sa kanila. Alam kong trabaho nila ito pero aminin natin, it takes a really good person to brave a storm like that for other people na ni hindi mo kaano-ano. Kindness above all talaga. Thank God for them!”

*****

KILALANG animal welfare advocate ang Kapuso star na si Carla Abellana kaya naman ikinalungkot niya ang sinapit ng ilang mga hayop sa nagdaang hagupit ng Typhoon Ulysses sa iba’t ibang lugar sa Pilipinas.

“Lord, please bless all the animals affected by Ulysses too. They are helpless. I cannot imagine the amount of fear and suffering, especially for in their cages or left behind tied up with a chain or leash. How will they survive the cold rain and the floothose who were left locked indoors, left trapped ding?”

Dagdag pa ni Carla, kung pupuwede lang daw sana ay siya na mismo ang tutulong: “I desperately want to be out there to help. Just like during the Taal eruption early this year. But I can’t this time and I’m having the same kind of anxiety again for the animals. Please send persons to help, them, Lord.”

Kasalukuyang nasa lock-in taping si Carla kasama ang iba pang co-stars niya para sa primetime series na Love of My Life. (RUEL J. MENDOZA)

Ads November 14, 2020

Posted on: November 14th, 2020 by @peoplesbalita No Comments