MAG-POST ba naman si Mavy Legaspi ng picture ng isang mukha ng babae na kalahating lips at highlight ang dimples nito.

Hindi man kita ang buong mukha, e, makikilala naman talaga na walang iba ito kung hindi si Kyline Alcantara.

At ang pa-caption ni Mavy, “her. her smile. her dimples. Yup, that’s the post.”

So, ini-assume na nga ito agad, as in, agad-agad ng mga fan na pag-amin na ni Mavy sa kanilang relasyon. Na waley na, officially, sina Kyline at Mavy na.

At ang dami rin celebrities o mga kaibigan nila na nag-react talaga sa IG post na ito ni Mavy.  Una na ang kakambal niya na si Cassy Legaspi at nag-comment nang, “maverick peter! Ano nanaman to?”

Ni replayan siya ni Mavy nang, “maria Cassandra! Ako lang toh!”

     Si Rita Daniela ay napa- “Ayun na”. Si AC Bonifacio naman, “Mavy Ha.” Nagsipag-react din sina Rayver Cruz, Juancho Trivino, Mark Herras, Sam Cruz at Leon Barretto.

May mga nag-comment pa na ang tapang daw ni Mavy dahil nagawang umamin. At dahil umamin na nga raw si Mavy, sabihan din daw nito ang kapatid na si Cassy na umamin na rin sa totoong relasyon nila ni Darren Espanto.

So, sina Mavy at Kyline na nga ba?      Siyempre, nagtanong-tanong na kami.  At ang siste, pwede naman daw na may something nga ang dalawa. Pero ang mas sigurado, sobrang close nina Mavy at Kyline kahit na noon pa.

At ang another catch, eh, baka rin daw nagsisimula ng mag-ingay ang dalawa. Hindi pa nari-reveal, pero sina Kyline at Mavy ay dalawa sa cast ng magsisimula ng mag-taping na I Left My Heart in Sorsogon.

Yes, after ni Cassy, si Mavy naman nga ang papasok na rin sa pag-arte at serye. At ang balita namin, second week of July ay required ng mag-quarantine ang mga ito at kung negative naman ang magiging resulta ng PCR swab test, diretso na ng Sorsogon for the taping.

Makakasama nilang dalawa sa serye sina Heart Evangelista at Richard Yap.

***

MUKHANG kailangan nina Jennica Garcia at Alwyn Uytingco na resolbahin na lang kung ano talaga ang totoong lagay ng marriage life nila in private.

Base sa mga comments na nababasa namin, hindi na natutuwa ang ibang netizens. May ibang ang feeling na raw, baka gawa-gawaan lang daw ng mga ito ang hiwalayan issue, huh!

Ilan sa comments ng netizens sa isang vlog; “Much better to manage it privately iho at iha. Anak nyo kawawa sa kakaganyan nyo sa socmed.”

“I do not understand how is this a public concern na need pa niya i broadcast. Family matters like this dapat privately nila ayusin.”

“Parehas sila, yung girl ayan may career na uli,public sympathy kasi.”

     “Imagine having family issues and sharing it to socmed world maya’t maya. Iba na talaga ngayon. I hope they don’t regret this socmed drama.”

     Posibleng naging ganito ang impression ng netizens dahil sa magkasunod na posting ni Alwyn sa kanyang Instagram account. Literal na ipinagsisigawan nito na mahal na mahal niya si Jennica at hindi niya susukuan.

Si Jennica naman, may mga Tiktok post na parang banking on her recent status na kesyo single na siya.

Well, tingnan na nga lang natin kung makakatulong nga sa kanila ang mala-social media serye ng marriage status nila.

***

HALATANG naging maingat sa pagsagot sina Rita Daniela at Ken Chan sa tanong na tila napaka-suwerte nila among Kapuso stars, parang ang ingat-ingat nilang sumagot.

Ang siste kasi, talagang ‘yung mga challenging roles, ‘yung mga pinapangarap lang halos ng karamihang artista na magampanang role, palaging sa kanila ipinagkakatiwala ng GMA Network.

Katulad nga ngayon sa bago nilang GMA Afternoon Prime, ang Ang Dalawang Ikaw kunsaan, sa trailer pa lang, kitang-kita na ang husay na ipinamalas ng RitKen sa first mature roles nila.

Kaya ang tanong nga namin sa kanila kung nararamdaman ba nila na may mga ibang Kapuso stars na rin na naiinggit o nagseselos sa kanila.

“Ano ba ‘yun,” ang tila mas kinabahan pang reaksyon ni Rita.

“Wala naman, honestly,” sey naman ni Ken.

“At ang nakakatuwa, hindi namin naramdaman ‘yun sa mga kapwa artista namin dito sa GMA. Never. Actually, lahat sila nagko-congratulate sa amin, lahat sila nagpi-PM sa amin.

    “Kahit sina Kuya Tom Rodriguez, ate Carla Abellana, minessage nila ko. Sina Kuya Dennis Trillo, sina Barbie Forteza, sina Julie Anne San Jose.

“Ang sarap sa pakiramdam na napaka-supportive nila at hindi ko nararamamdaman ang selos o ingot, wala po talaga.”

(ROSE GARCIA)

PATULOY ngang pinag-uusapan ang ‘tequilla body shot’ scene nina Sharon Cuneta at Marco Gumabao para sa Revirginized ng Viva Films na mapapanood ngayong Agosto sa Vivamx.

Noong isang araw lang, nag-trending ng almost six hours ang ‘Mega is Revirginized’ na umabot sa Top 9, kaya pinasalamatan ng Megastar ang kanyang mga Sharonians.

Samantala, sa rami ng natanggap na panglalait ni Sharon dahil sa still photos na pinost ni Direk Darryl Yap sa kanyang Facebook account, may buweltang post siya sa kanyang mga hater at basher.

Kasama sa post niya ang isang video na kuha sa movie nila ni Marco, na marami na talaga ang excited na mapanood ang kabuuan ng movie na kung saan proud na proud siya sa character na ginampanan sa Revirginized.

Sa simula ng kanyang IG post, “In the end, no matter how our movie does or what people say, I will still ALWAYS LOVE CARMELA, my character in ‘Revirginized.’

“Thank you for her, Direk Darryl. Thank you Marco my Pawi – though short, really sweet – for helping me to relive my 20s in our scenes.

“Thank you, dearest CARMELA – my alter-ego/Sasha Fierce – for taking me on an adventure unlike any I could have ever imagined I would be going on in my 50s!

“I’m a gaddam good ACTOR and darn PROUD OF IT! Hahahahaha!

“At sorry po Direk Darryl!!! Di mo po pinadala eh di pinost ko. Hahaha! Laaab yu! @vincentimentsofficial @gumabao.marco.”

Buwelta pa niya, “At sa mga bashers, pag 55 na kayo at malapit lapit ang itchura nyo sa akin ngayon, chaka lang kayo magkaka-K mandiri! Yuck kayo! Hahahahaha!”

Samantala, aliw na aliw naman si Sharon sa viral na ‘cartoon face art’ na ginawa ng mga Sharonians na kanyang ni-repost, meron pa ngang buong pamilya ang ginawa ng nakakaaliw na face art.

Post nga ni Sharon, “Am so aliw with these apps that I wanna be in a cartoon hahaha!”

***

PARA sa virtual Pelikulaya: LGBTQIA+ Film Festival sa taong ng Film Development Council of the Philippines, handog nito ang PLUS sa LGBTQIA+ sa pagbibigay ng marami pang films na magha-highlight ang beauty and strength of this colorful community.

Kahapon, June 18, 2021, napapanood na ang pelikula ni Adolfo Alix Jr.’s: 4  Days, Daybreak, Porno, at Muli sa ilalim ng SUBSCRIPTION tab.

Mapapanood din for free ang short film nina Janina Gacosta at Cheska Marfori na, Ang Gasgas na Plaka ni Lolo Bert, under the BASIC tab.

Panoorin ang eleven (11) promising and critically acclaimed LGBTQIA+-centric films for only Php99.00/month; and since we love the diversity here, you can watch five (5) films for free.

Available pa rin ang Cannes Film Festival 2019 Best Screenplay and Queer Palm awardee, Portrait of a Lady on Fire, sa halagang Php220.00/7-day access and will expire 48 hours after its first play.

Let us continue to promote inclusivity and diversity through PelikuLAYA: LGBTQIA+ Film Festival. 

Mag-register na at mag-subscribe sa WWW.FDCPCHANNEL.PH.

Mabuhay ang Pelikulang Pilipino!

(ROHN ROMULO)

ANO kaya ang programang ibibigay ng GMA 7 sa bagong Kapuso artist na si Pokwang?

After lumipat sa Kapatid network ay official Kapuso artist na ang komedyana matapos na ito ay pumirma sa GMA 7.

Siya ang latest sa mga dating Kapamilya talents na lumipat ng tahanan at tinanggap bilang mga bagong Kapuso.

Kabilang din sa bagong Kapuso ang former Hashtag member na si Luke Conde.

Nag-renew naman ng kanyang GMA Network contract si Yasser Marta na huling napanood sa seryeng Bilangin ang Mga Bituin bilang partner ni Kyline Alcantara.

***

MAY bagong movie si Direk Erik Matti titled A Girl and A Guy na ipalalabas sa Upstream.ph bilang bahagi ng Upstream Original.

Tungkol daw sa Generation Z ang pelikula at bida rito sina Candice Ramos, Sarah Holmes, Alexa Miro at Rosh Barman. 

Makilala raw natin ang Gen Z thru this movie at ang kanilang pagiging reckless. Pero hindi raw niya ipinasok sa movie ang kanyang opinion about Gen Z kundi ipinakita lang niya ang mundo ng mga kabataan ngayon, na ibang-ibang sa nagdaang henerasyon.

Hindi rin hinuhusgahan ni Direk Erik ang Gen Z kundi ginawa niya ang pelikula pero ipahayag ang kwento ng mga ito. In the process, naunawaan niya how different the Gen Z people are. Mas naintindihan daw niya ang mga ito.

“I also didn’t put my own words into their story, na parang I am apologizing for them. I accept them and I don’t want to judge them. Kung ano ang makita ninyo sa movie, that’s how the Gen Z’s are. Ganyan sila mag-isip. I can tell the movie this way,” pahayag pa ni Direk Erik.

Ang mahirap lang daw sa movie, marami raw itong sex and nudity, graphic sex. Pero kailangan daw ni Direk Erik na mag-balancing in dealing with the sexy scenes and nudity. Kung may nudity ang babae, may nudity rin ang lalake. The last film na ginawa niya with nudity was Rigodon.

“If you want to tell the story of Gen Z, dapat walang censorship,” sabi pa ng award-winning director.

Puring-puri rin niya ang kanyang amazing cast na buong-buo ang tiwalang ipinagkaloob sa kanya.

“I told what I need for the roles. Pero sinabi ko rin sa kanila na, in terms of nudity, I can’t tell them what will be seen. Are they ready for it? Lahat naman sila said yes and they trust me.”

Naintindihan naman daw ng cast ang intention niya sa pelikula. “My cast are made up of actors who are raw but they are instinctive. They easily get what I want and they are intelligent actors kaya it was such a delight to work with them.”

Needless to say, naibigay ng kanyang cast kung ano ang kailangan niya sa pelikula and Direk Erik couldn’t be happier.

“It’s a brave movie but you have to see beyond the nudity. The nudity is secondary to the whole movie. After watching the film, you will fall in love with this generation,” pagwawakas pa ng premyadong director.

A Girl and A Guy will be streamed sa Upstream.ph simula June 24.

(RICKY CALDERON)