KINAKILIGAN ng netizens ang mini-movie na One True Pair na hatid ng Jollibee Studios na balik-tambalan ng isa sa pinakasikat at pinakaminahal na loveteam ng bansa na sina John Lloyd Cruz at Bea Alonzo.

Pansin na pansin na very personal sa kanila ang script na sinulat ni Joler Mijares, kaya naman marami ang nagri-react sa linyahan nina Lloydie at Bea, dahil alam natin kung ano ang nangyari sa kanilang past relationships.

Ang ganda rin ng pagkakadirek ni JP Habac na ang huling film project ay Dito at Doon nina Janine Gutierrez at JC Santos, na pinalabas during pandemic. Nakaka-LSS din ang ginamit na kanta ‘Pasalubong’ na collab ng Ben & Ben at ni Moira dela Torre.

Milyun-milyon na agad ang Facebook views ng One True Pair na loob lang ng ilang oras at nasa more than 100k naman sa youtube na sa #13 on trending.

Kitang-kita at lumabas na pa rin na perfect pair talaga sina JLC at Bea forever.

Isa sa tumatak sa amin ang linyahan tungkol sa pagpapapatawad.

Say ni Gela na character na pino-portray ni Bea, “may pagpapatawad na kahit walang humihingi, kailangan mong ibigay. At may mga sorry na kahit hindi mo narinig kailangan mong tanggapin.”

Ang mini-movie na ito dahil talagang mararamdam at tatagos sa puso ng mga makapapanood.

Reaction naman ng netizens:

“Close to real life yung script nila. May chemistry pa rin talaga.”

“Jusko ang ganda! The chemistry is still very strong and ang natural ng batuhan ng linya.”

“Jusko, tinginan at mga ngiti pa lang talaga iba na! Kakilig pa rin.”

“Ang lakaaaaaaas ng kilig koooooowwwww. Super Bea and JLC fan here! ANG LAKAS NG CHEMISTRY NILA!”

“Love it!!! Movie please.”

“There are loveteams na maski matagal na sila, may kilig at spark pa rin maski alam mo reel lang sila. Although a part of you wishes sana maging real.”

“Iba talaga tandem nila!!!! Kilig parin!!! Bea and John lloyd forever!!”

“Hoooii… ba’t ako kinilig?

Akala ko wala na… pero meron! meron! meron pa pala!”

“Sila talaga yung best example na ang magkaloveteam hindi kailangan maging magjowa in real life para mag-work ang tandem.”

“May talent kasi si Bea and John unlike sa iba. Kaya para bumenta idadaan na lang sa pagpapa-cute.”

Sa banda huli ng mini-movie, winner din sa amin ang batuhan ng characters nina JL at Bea para sa isa’-isa.

“Ikaw ang ningning sa aking bituin.”

“Ikaw ang sandalan sa aking upuan.”

“Ikaw ang chicken joy sa aking spaghetti.”

(ROHN ROMULO)

‘PAG nagkataon, baka ilang araw lang pagbalik ni Dingdong Dantes mula sa kanyang lock-in taping at quarantine ay magkakahiwalay silang muli ng misis na si Marian Rivera.

Usap-usapan na nga na isa si Marian sa magiging judge ng Miss Universe 2021 na gagawin sa Israel. Sa December 12 ang coronation night, pero siyempre, marami pang activities before the actual pageant kaya mas maaga itong lilipad kasama ang kanyang glam team.

Sa ngayon, wala pa rin official na confirmation mula kay Marian, maging sa Triple A Management, pero may nakapagsabi sa amin na handpicked daw talaga si Marian ng Miss Universe organization na maging isa sa mga judge.

December 5 na yata ang alis niya pa-Israel kasama ang kanyang glam team. Sa totoo lang, nae-excite kami sa ipapakitang looks ni Yan at sigurado, magsa-shine siya sa Miss U.

***

TATLONG buwan talaga na walang labasan at hindi nakasama ng Kapuso actor na si Wendell Ramos ang kanyang pamilya.

At dumating pa sa punto na nanganak ang kanyang misis at may bago siyang baby pero hanggang ngayon, hindi pa rin niya ito nakikita other than video and pictures.

Pero nakikita namin ang mga Instagram posting ni Wendell at puro gratefulness o pasasalamat ang mga postings niya, kaya positibo lang talaga ito sa lahat ng nangyayari sa kanya, lalo na nga naman at pandemic pa.

Sa recent IG post ni Wendell, mixed emotion daw ang napi-feel niya. Excited siya na makikita at makakasama na niya ang pamilya, lalo na ngayong papalapit na ang Kapaskuhan, pero siyempre, nami-miss na rin niya ang Prima Donnas family na talagang naging close naman sila sa loob ng tatlong buwan na magkakasama sila.

Teka, naalala namin kamakailan lang na may lumabas na blind-item na may actor raw na lumabas ng lock-in taping ng Prima Donnas, may balita kami kung sino ito, pero mukhang hindi naman daw gano’n ang nangyari at mali ang lumabas na balita.

Pero ang sigurado, hindi ito si Wendell na tatlong buwan ngang hindi talaga lumabas, huh.

***

BATA pa lang ang Kapuso actress na si Bianca Umali ay Kapuso na siya at ngayon nga na muli siyang nag-renew ng kontrata sa GMA Artist Center, 14 na taon na raw na Kapuso ang magandang actress.

`Nang tanungin namin kung paano siya bilang Kapuso na sa network na lumaki, nagdalaga, “Hindi ko alam kung paano ko ide-describe. Pero siyempre, I’m very lucky to be a Kapuso since I started.

      “I feel flattered, honored and very thankful.”

Dramatic actress talaga si Bianca pero recently, pinapasok na rin niya ang singing. Kaya tinanong namin ito kung sa pag-sign-up niya ngayon, may mga request siya sa network at GMAAC na mga gusto naman niyang gawin.

     “Yes, I am very open, me and my team and the whole network po, napag-uusapan namin kung ano pa ang gusto kong gawin.

“Nasasabi ko rin naman po kung ano ang mga gusto kong magawa at kung ano pa ‘yung mga gusto kong roles and so far naman po, hindi pa po ako dumarating sa situwasyon na kailangan kong sabihin kung ano ang gusto kong gawin dahil lahat po ng naibibigay sa akin consistently, lahat po ay gusto kong gawin.”

Hindi na raw niya kailangang mag-request dahil naibibigay naman sa kanya, gaya nga ng last teleserye niya, ang Legal Wives.

Natawa naman si Bianca nang kamustahin namin siya at ang puso niya. May nasulat kasi na diumano’y break na sila ng boyfriend at kapwa Kapuso na si Ruru Madrid.

      Pero sey ni Bianca, “My heart is very okay and happy po. Masaya po ako sa lahat-lahat.”

(ROSE GARCIA)