SA pagtira ni Heart Evangelista sa Paris, marami raw siyang natutunan gawin na hindi raw niya madalas gawin sa Pilipinas.

Kabilang sa mga enjoy siyang gawin sa Paris ay ang magluto, mag-grocery shopping at ang maglaba. Pambawi raw ni Heart tuwing laundry day niya ay ang makita ang magandang view mula sa kanyang laundry area.

“Kahit nahihirapan ang maglaba, maganda naman ‘yung background, nakagagaan ng feeling,” tawa pa ni Heart.

Tinanong si Heart kung may balak na bang mag-migrate ito sa France since parati naman siyang nandoon. Bukod sa kanyang trabaho na pag-attend ng mga fashion events kunsaan lagi siyang inaabangan ng mga photographers at social media influencers, inaiisip na rin ni Heary na mag-invest ng properties doon. Nauna na nga raw ang pagbili niya ng apartment sa Paris.

“I just really like to invest on properties. I’m always there so, imbes na mag-hotel, at least meron akong sariling lugar,” sey ni Heart na umuwi ng Pilipinas kamakailan para sa ilang commitments pero babalik daw ito ng Paris dahil puno ang kanyang schedule doon na dapat niyang puntahan.

Pero homebase pa rin daw ni Heart ang Pilipinas. Parang second home daw niya ang Paris.

May rason pa rin daw si Heart na maging masaya and to celebrate ang pagdating ng bagong pag-asa sa 2023 sa kabila ng kanyang pagiging tahimik sa tunay na estado ng pagsasama nila ng mister niyang si Sen. Chiz Escudero.

“I turned 38 this February, and then it’s gonna be my lucky number 8, and you need to really celebrate 8 and isabay mo siya sa lahat ng good happenings in life,” sey pa ni Heart.

***

MASAYANG-MASAYA ang model-turned-comedian na si Wilma Doesnt sa success nang kinabibilangan niyang GMA Afternoon Prime teleserye na ‘Abot Kamay Na Pangarap.’

Natuwa raw ang buong cast nang umabot na sa 1 billion views ang mga napapanood na episodes nila sa YouTube.

“Thank you, Lord dahil malaking biyaya sa amin ang show na ito. Ang gagaling kasi ng mga bida rito na sina Jillian Ward at Carmina Villarroel. At siyempre, yung buong cast at crew, tulung-tulong kami para makapaghatid kami ng magagandang epsiodes mula Lunes hanggang Sabado. Abangan pa nila ang mga darating pang episodes na magpapasaya at dudurog sa inyong mga puso,” sey ni Wilma.

Kelan lang at binalikan ni Wilma ang kanyang nakaraan, kung paano siya nadiskubre bilang isang model noong late ’90s sa Cavite.

“Na-discover ako noong nagwawalis lang ako sa labas ng bahay namin ng fashion director na si Robby Carmona. Naligaw lang siya, tapos ako ‘yung napagtanungan niya dahil nga nasa labas ako ng bahay namin.

“Kasi naman itong nanay ko, echosera, ang init-init pinagagalitan ako, pinarusahan ako, ‘Magwalis ka sa labas!’ Ako naman, sumunod,” kuwento ni Wilma.

Pagkatapos niyang bigyang ng directions si Carmona sa pupuntahan nito, pagkaraan ng two hours ay bumalik daw ito at hinanap si Wilma, sabay alok kung gusto ba nitong maging isang modelo.

“After two hours bumalik siya, tapos sabi ko ‘Ay kawawa naman ‘yung mamà,’ Tinandaan niya pala kung saan niya ako nakita. Binalikan niya talaga ako.

“Noong tinanong ni Kuya Robby ang nanay ko, ‘Puwede ko po bang gawing model ang anak niyo?’ ‘Yung nanay ko ‘Oho sige ho, ngayon na ba?’

“Sabi ko ‘Puwede ba ako do’n?’ Kasi siyempre wala ka namang self-confidence. Sabi ng nanay ko ‘Puwede ka do’n. Tinatanong niya kung puwede ka, puwede ka ‘nak!'”

“Doon ko napatunayan na ‘pag para sa iyo ‘yon mangyayari ‘yon para sa iyo,” sey ni Wilma na nagretiro na sa pagiging model at ngayon ay may sariling restaurant business kasama ang husband na si Gerick Parin.

(RUEL J. MENDOZA)

MARAMING natuwa nang si Kapuso Primetime Princess Barbie Forteza ang naging cover ng Cosmopolitan PH magazine this month. 

May caption ito na: “Independent, passionate and fearless. – Barbie Forteza is a Modern Filipina that the next generation can relate.

“Barbie earned her star the old school way for 13 years – her ability to breathe life into any character she portrays, she demonstrated her brilliance in a way similar to what her industry forbears would boast about.”

At pinatunayan ito ni Barbie nang tanggapin niya ang role ni Klay, ang new Gen Z na pumasok sa historical fantasy portal na “Maria Clara at Ibarra,” kaya tumanggap siya ng mga recognition she truly deserves.

 “I’m truly grateful po na part ako ng important milestone sa GMA Primetime,” sabi ni Barbie.

“Salamat po sa buong creative team, na passion project nila ito na nag-research para magawa ito.  Malaki rin po ang tiwala ko sa management nang ibigay nila ang role sa akin na magagampanan ko ito kaya naman hindi ako nagpabaya.

“Dahil dito, naliwanagan ko ang story ng Noli Me Tangere na hindi ko napag-aralan sa school noon.  Yung lalim po ng acting ko, natural na lumabas sa akin, salamat na nakasama ko si Julie Anne San Jose dahil naging best of friends kami na nagtutulungan sa eksena at iyong katuparan ng dream kong makatrabaho si Dennis Trillo, na napakahusay umarte at very professional, at si David Licauco, my love interest, a friend, at third project na namin ito sa GMA.”

Congratulations sa “Maria Clara at Ibarra” na in 2 and a half months, na napapanood gabi-gabi sa GMA-7, nakakuha na ito ng 1 billion views sa TikTok.

***

MABILIS na nilinaw ni Kapuso actress Heart Evangelista, ang lumabas na balitang magma-migrate na siya sa ibang bansa.

Kaya raw bumili siya ng apartment sa Paris, since madalas pa raw siyang nasa ibang bansa kaysa sa Pilipinas. Plus kumalat pa ang balitang medyo hindi na sila nagkakasundo ng husband niyang si Senator Chiz Escudero, although wala namang patunay tungkol sa isyung iyon.

Kaya sinamantala nang linawin kay Heart ang issue nang bumalik siya ng bansa para sa ilang commitment niya sa GMA.

Totoo ba ang balitang magma-migrate na siya sa ibang bansa?

“No, I just really like to invest on properties,” sagot ni Heart.

“I’m always there, so, kaysa mag-hotel ako, mas mabuti na iyong may sarili na akong bahay doon.  Bale second home ko lamang iyon, but Pilipinas pa rin ang home base ko.

“At since matagal-tagal na rin ako roon, marami na akong natutunan.  Natuto na akong mag-grocery, magluto, at natuto na rin akong maglaba, kahit medyo nahihirapan ako, pero ini-enjoy ko iyon.”

Sa ngayon, looking forward na si Heart sa 2023 kasi raw she will turn 38 na at lucky number daw niya ang 8, kaya need niyang i-celebrate ang kanyang 38^th birthday sa February 14, 2023,

Ngayong December ay naka-schedule na muling bumalik ng Paris si Heart.

                                                  ***

NAGING masaya ang cast ng GMA Afternoon Prime series na “Abot-Kamay na Pangarap,” nang magkaroon sila ng taping sa isang lugar sa Caloocan City.

Ang eksena ay nagkaroon ng medical mission ang mga doctors ng Apex Medical Center, kaya may mga kasama silang ilang members of the Armed Forces of the Philippines, na kailangan sa story, na nagbantay at tumulong din sa kanila during the taping.

Kaya nag-decide ang mga artistang kasama sa cast, headed by Jillian Ward at Andre Paras, na mag-chip in sila at bumili ng mga bagay at pagkain na ipinamigay nila sa mga elementary school children sa Caloocan City, na kasama sa eksena.  Kaya naman masayang-masaya ang lahat ng mga batang kasama, sa mga blessings na natangap nila, after ng taping.

Ang “Abot-Kamay na Pangarap” na nagtatampok din kina Carmina Villarroel, Richard Yap at Dominic Ochoa, ang top-rating serye sa hapon, ay nakakakuha ng 7 million views in less than 24 hours.

Napapanood ito Mondays to Saturdays, 2;30 PM, after “Eat Bulaga.”

(NORA V. CALDERON)

SA latest episode ng ‘Korina Interviews’ ng NET25 na napanood kahapon (Dec. 11), may inamin si Karla Estrada kay Korina Sanchez-Roxas.

“Masayang-masaya ang puso ko, ang tagal mo namang magtanong, ” natatawang tugon ni Queen Mother kay Ate Koring dahil in love na in love siya sa kanyang partner.

“Oo, hindi ako napapagod sa kakaibig,” sagot uli ni Karla sa tanong ni Korina.

“Hangga’t tumitibok ang puso mo, eh talagang… gustung-gusto ko kasi ang feeling na in love. May minamahal, may pakilig-kilig at inspirasyon.

Dagdag pa niya, “lalo na Ate, mae-experience mo yan ‘pag nagsilakihan na ang mga kids mo, si Pepe at si Pilar. At hindi na tumatabi sa kuwarto mo, ay naku, magdadrama ka na mag-isa ka na lang sa buhay.

“Kaya para sa akin, importante talaga na meron kang kasamang tumanda.

Lahat ng babae nangangarap magsuot ng ‘traje de boda’ kaya pwedeng-pwede pang humabol ang actress-turned politician.

Bukod dito, natunghayan din ang kuwento ng pag-angat ni Karla mula sa kahirapan sa Tacloban after niyang mag-stow away sa barko pa-Maynila upang tuparin ang kanyang pangarap.

Wala mang suwerte sa pag-ibig, biniyayaaan naman siya bilang isang single parent ng mga mabubuti at matatagumpay na mga anak, at isa na sa mga ito ay ang superstar actor/singer na si Daniel Padilla na bali-balita ring malapit nang pakasalan si Kathryn Bernardo.

Inamin ni Karla na naging madali naman ang pagpasok niya sa showbiz, dahil marunong siyang kumanta at nakaka-arte din. Kaya nang nag-audition siya kay German Moreno ay agad siyang natanggap sa ‘That’s Entertainment’.
Pero sa kalagitnaan ng buhay niya sa industriya ay dumating ang mga pagsubok. Nahirapan daw siyang bumangon after niyang manganak kay Daniel at nasundan pa ni Carlito.

Pero ang maganda ay hindi siya sumuko dahil naka-focus sa kanyang mga pangarap.

Inamin din niyang gustong makabalik sa pagho-host ng isang show. Pero this time mas relax, pero mas maraming matutulungan.

Usapang magkaibigan sa umaatikabong chikahan ang naganap sa pagitan nina Karla at Korina sa ‘Korina Interviews’, na puwedeng panoorin ang kabuuan sa YouTube channel ng Net25 at Rated Korina.

(ROHN ROMULO)