HUMINGI na ng paumanhin si Australian Olympian Rachael Gunn sa breakdancing community ng kanyang bansa.

Kasunod ito sa kontrobersiya na kaniyang kinaharap noong lumahok siya sa Paris Olympics.

Nabigo kasi siya sa B-Girls competitions ng magtala ng zeo points.

Dagdag pa ng 36-anyos na breakdancers na nalulungkot siya na marinig ang nasabing mga negatibong komento.

Inakusahan kasi siya na minanipula niya ang selection process kabilang ang pagbuo niya ng sariling governing body.

Maging ang kaniyang asawa ay kaniyang kinuha para maging judge sa qualification trial.

Ang nasabing alegasyon din ay ikinalungkot ng Australian Olympic Committee (AOC) at ng World DanceSport Federation (WDSF).

Giit nito na hindi nakakatuwa ang alegasyon dahil sa itinuturing siyang top-ranked sa Australian B-girls noong 2020, 2022 at 2023 kung saan naimbitahan siyang maging representatives sa ilang mga World Championships.

AALIS na si Evan Fournier sa National Basketball Association(NBA) matapos ang 12 season na paglalaro.

Sa kasalukuyan ay isang unrestricted free agent si Fournier matapos niyang tanggihan ang alok sa kanya ng Detroit Pistons na $19 million contract para sa 2024-2025 season.

Noong Pebrero 2024, napunta siya sa Detroit bilang bahagi ng Bojan Bogdanovic deal ngunit pinili nitong pasukin ang free agency.

Batay sa opisyal na report ng NBA, maglalaro na si Fournier sa Greek powerhouse team na Olympiacos. Una na ring pumirma ng kontrata ang batikang NBA player sa naturang koponan na nagkakahalaga ng $4 million para sa dalawang taon.

Sa mga unang season niya sa NBA, nagawa niyang mag-average ng career-high na 18.5 points per game ngunit matapos siyang mapasama sa ilang trade deal ay dahan-dahan ding bumaba ang kanyang naipapasok na points per game.

Siya ay bahagi ng NBA draft 2012 at pinili ng Denver Nuggets bilang first-round pick. Hindi naman siya nagtagal sa Nuggets at napunta sa Orlando Magic kung saan niya ginugol ang ilang taon.

Mula sa Orlando, napunta siya sa Boston Celtics ngunit kinalaunan ay tuluyan ding na-trade sa New York Knicks.

Habang nasa Knicks, nagawa niyang itala ang franchise record para sa pinakamaraming 3-pointer sa isang seaon – 241.

Nitong nakalipas na 2024 Olympics, naging bahagi si Fournier ng French basketball team at nag-ambag siya ng 9.8 ppg at 2.2 apg.

ITINUTURING ni Creamline star Michele Gumabao ang pagkopo sa korona ng 2024 Premier Volleyball League (PVL) Reinforced Conference bilang pinaka mahirap.

Wala kasi sa Cool Smashers sina key players Alyssa Valdez, Tots Carlos at Alas Pilipinas members Jia De Guzman at Jema Galanza nang kunin nila ang pang-siyam na kampeonato.

“Mahirap siguro as compared to last season,” ani Gumabao. “Mas mahirap siguro ‘yung kabuuan na pinagdaanan talaga ng team this season kasi ang dami din talagang nawala.”

Inangkin ng Creamline ang PVL Reinforced Confe­rence title matapos walisin ang 25-15, 25-23, 25-17, sa kanilang ‘winner-take-all’ championship game sa harap ng 8,289 fans noong Miyerkules sa Philsports Arena sa Pasig City.

Ito ang ikatlong sunod na korona ng Cool Smashers matapos pagreynahan ang nakaraang 2023 Second All-Filipino at 2024 All-Filipino Conference.

“Napakita namin na Creamline is really teamwork talaga, hindi na ‘yung isang taong gumagalaw. Talaga ‘yung system talaga namin, that’s what I’m really happy naman that ‘yung system namin na-apply namin each and every game and kita naman ‘yung results buong season,” wika ng 32-anyos na si Gumabao.

Umiskor si Gumabao ng 10 points sa paggupo ng Creamline sa Akari habang may triple double na 19 points, 12 excellent digs at 13 excellent receptions si Bernadeth Pons.

Hinirang ang 27-anyos na si Pons bilang tournament Most Valuable Player.

PUMANAW na ang Ugandan marathon runner na si Rebecca Cheptegei matapos na siya ay silaban ng nobyo.

Ang 33-anyos na si Cheptegei ay nagtamo ng matinding sunog sa halos 80 porsyento ng kanyang katawan ng sunugin siy ang kanyang nobya habang nasa kanilang bahay sa western Trans Nzoia County.

Hawak na ng mga kapulisang ang nobyo nito na kinilalang si Dickson Ndiema.

Nagtapos si Cheptegei sa pang-44 sa women’s marathon ntong Paris Olympics.

Labis naman na nalungkot si International Olympic Committee (IOC) President Thomas Bach, sa sinapit ni Cheptegei kung saan ang kaniyang pagsali sa nasabing torneo ay isang inspirasyon.

Bumuhos naman ang mga pakikiramay mula sa iba’t

ibang atleta sa buong mundo.