SHOOT sa selda ang apat na hinihinalang tulak ng ilegal na droga matapos makuhanan ng mahigit P.4 milyong halaga ng shabu sa magkahiwalay na buy bust operation ng pulisya sa Navotas City.

Sa ulat ng Station Drug Enforcement Unit (SDEU) kay Navotas police chief P/Col. Mario Cortes, nakatanggap sila ng impormasyon hinggil sa umano’y ilegal drug activities ni alyas Jomar, 30, ng Brgy. Daanghari kaya isinailalim nila ito sa validation.

\

Nang positibo ang report, agad bumuo ng team si P/Capt. Luis Rufo Jr., saka ikinasa ang buy bust operation na nagresulta sa pagkakaaresto sa suspek at sa kanyang kasabwat na si alyas Marvin, 42, dakong alas-12:33 ng hating gabi sa M. Naval St. Brgy. San Roque.

Nakuha sa mga suspek ang aabot 55.84 gramo ng hinihinalang shabu na nagkakahalaga ng P379,712.00 at buy bust money na isang P1,000 bill, kasama ang dalawang P1,000 boodle money.

Nauna rito, ala-1:34 ng madaling araw nang madakma naman ng kabilang team ng SDEU sa buy bust operation din sa M. Naval St., Brgy. San Roque ang dalawa pang tulak na sina alyas Olive, 48, at alyas Sonny, 50, kapwa ng lungsod.

Ani Capt. Rufo, nakumpiska sa mga suspek ang humigi’t kumulang 10.57 gramo ng hinihinalang shabu na nagkakahalaga ng P71,876.00 at buy bust money.

Pinuri naman ni Gen. Gapas ang Navotas police sa kanilang pagsisikap na tugisin ang mga taong sangkot sa pagpapakalat ng iligal na droga na nagresulta sa pagkakaaresto sa mga suspek na kapwa mahaharap sa kasong paglabag sa RA 9165 o ang Comprehensive Dangerous Drug Act of 2002. (Richard Mesa)

PINANGUNAHAN ni Pangulong Ferdinand R. Marcos ang kampanya laban sa lumalaganap na Online Sexual Abuse and Exploitation of Children (OSAEC).

Binigyang diin ng Chief Executive ang epekto sa ‘puso at pundasyon’ ng bawat komunidad sa Pilipinas.

Sa naging talumpati ng Pangulo sa idinaos na **Iisang Nasyon, Iisang Aksyon: Tapusin ang OSAEC Ngayon Summit 2024, tinukoy ng Pangulo na halos kalahating milyon ng kabataang Filipino ang biktima ng OSAEC.

“Many of these victims live within our midst, and several may even be the sons, daughters, and neighbors of those we know, while the perpetrators are the victims’ families or relatives who are expected to care for them,” ayon sa Punong Ehekutibo.

“We are here today to confront one of the greatest challenges of our time. The challenges that we face in government are always the challenges that are brought to us by the future. And what exemplifies our future more, what symbolizes our future more than our children? And that is why this strikes at the very heart of our society. It undermines the foundations of what we are, of who we are as a people,” aniya pa rin.

“In every community that is alive with the laughter and the chatter of children, there is a dark reality— where half a million Filipino, 1 in every 100 Filipinos has been victimized. It is an appalling statistic. We cannot allow this to continue. We will not allow it to continue. It is the horrible scourge of Online Sexual Abuse or Exploitation of Children or OSAEC, which remains widespread now in our country,” ang winika ni Pangulong Marcos.

Kinilala ang pangangailangan na gumawa ng malawak na aksyon laban sa OSAEC, lumikha ang Pangulo ng Presidential Office for Child Protection (POCP), magsisilbi bilang ‘epicenter’ ng lahat ng pagsisikap, resources, at estratehiya upang matiyak na ang bawat bata sa bansa ay protektado at suportado.

“As this is a battle that we must not lose and we will not lose, this Administration created the Presidential Office for Child Protection or POCP, which is a critical step in our fight against this crisis,” ang inanunsyo ni Pangulong Marcos.

“The POCP will serve as the epicenter of our efforts, bringing together resources and strategies to ensure that every child in our country is protected and supported,” anito.

Tinukoy naman ng Chief Executive ang Anti-OSAEC and Anti-CSAEM Act at ang Expanded Anti-Trafficking in Persons Act of 2022 bilang ‘legislative strides’ na nakatutok sa walang humpay na pagtugis sa mga salarin at papanagutin sa batas.

“On the legislative side, such as the Anti-OSAEC and Anti-CSAEM Act as well as the Expanded Anti-Trafficking in Persons Act of 2022, also underscore our relentless pursuit to bring these perpetrators to justice,” ayon sa Pangulo. (Daris Jose)