• February 10, 2025
  • Search in People's Balita

  • Ang Diyaryong Pinagkakatiwalaan

 

Archive for January, 2025

Bagong negosyo ni Rhea na ‘Audrey’, ni-lauch na… JENNYLYN at SAM, nakisaya sa pagdiriwang ng Chinese New Year

Posted on: January 31st, 2025 by Peoples Balita No Comments
DUMALO sina Jennylyn Mercado at Sam Milby sa pagdiriwang ng Chinese New Year ng HQ ng Beautéderm Corporation, na pinangunahan ng founder na si Rhea Tan noong Miyerkules, Enero 29, sa Angeles City.
Sinamahan sina Jen at Sam ng iba pang Beautéderm ambassadors na sina DJ Chacha, Kitkat, Alma Concepcion, Rochelle Barrameda, Jimwell Stevens, Anne Feo, Maricel Morales, Thou Reyes, Ervic Vijandre, Wency Lagumbay, Pepita Curtis, at AJ Morales, gayundin ang lokal.  ambassadors, Marlon Tuazon, Joanna Ning Cordero, Atty.  Nicolette Henson, Voltaire Zalamea, Mich Viray, Frederick Policarpio, Dr Minnie Uy, at Mutya Ning Kapampangan Natalya Linsay.
Taun-taon, ipinagdiriwang ng business mogul at ng kanyang kumpanya ang Chinese New Year para ipahayag ang pagpapahalaga, pag-asa sa kaunlaran, at paggugol ng oras sa mga celebrity endorsers.
“When you’re in business, you have to constantly coming up with new ideas and exploring new possibilities, and each new year should bring about progress not only in business but also as a person,” pahayag ni Ms. Rei sa kanyang speech.

Pagkatapos ay nagpasalamat siya sa mga Beautéderm endorsers sa pagdalo sa event, at sinabing ang kanilang pagpunta ay naging mas memorable sa selebrasyon.

Bukod sa pagdiriwang ng 2025 CNY, inilunsad ng Beautéderm CEO ang kanyang bagong negosyo, ang AUDREY, ang luxury house para sa genuine leather bags.  Kasama sa mga materyales na ginamit ang premium na tunay na balat ng baka at ng tupa.
“The launch of our new venture, AUDREY, which sells genuine and premium leather bags, represents progress. This new endeavor aims to promote local craftsmanship while showcasing what a Philippine brand has to offer the world. And I am optimistic about 2025 and proud of this brand, built with style and brilliance,” pagbabahagi pa niya.
Ang passion ni Tan sa designer and luxury items ang nagbigay inspirasyon sa kanya na mamuhunan sa A-List Avenue, isang boutique na naglalaman ng mga authentic at high-end designer pieces.
Matatagpuan sa store ang mga limited-edition na Hermes Birkin at Kelly bag, kasama ng iba pang prestihiyosong tatak tulad ng Louis Vuitton, Chanel, at Gucci.  Dito rin madalas pinagkukunan ng mga celebrity at mga kilalang content creator ang kanilang mga bag at relo.
Mahigit dalawang taon na ang A-List Avenue, na matatagpuan din sa HQ ng Beatederm, ay nagtatampok ng mga mararangyang interior at isang eksklusibong kapaligiran na nagpaparamdam sa bawat kliyente na parang isang VIP.
Si Ms. Rhea Tan, sa kabila ng kanyang abalang iskedyul, ay patuloy na naglalaan ng oras upang matugunan ang mga kahilingan ng kanyang kumpanya.
Hopeful and confident siya sa taong 2025 na maabot ang mas maraming lokal at international costumers.
Ang kanyang Beautéderm Corporation ay mayroon na ngayong anim na sub-brand, kabilang ang Beautéderm, BlancPro, Beauté Beanery, BeautéHaus, Belle Dolls, at AUDREY.  (ROHN ROMULO)

Ads January 31, 2025

Posted on: January 31st, 2025 by Peoples Balita No Comments

Upcoming films for February top billed by Renée Zellweger, Tilda Swinton, Julianne Moore, Bill Skarsgård, Nicolas Hoult

Posted on: January 31st, 2025 by Peoples Balita No Comments
Don’t miss these upcoming films, opening in cinemas in February 2025!
February 12 – Bridget Jones: Mad About the Boy (Universal PicturesCast: Renée Zellweger, Hugh Grant, Emma Thompson, Chiwetel Ejiofor, Leo Woodall, Colin Firth, Jim Broadbent, Gemma Jones, Isla Fisher
Directed by: Michael Morris
Bridget Jones (Renée Zellweger) navigates life as a widow and single mom with the help of her family, friends, and former lover, Daniel (Hugh Grant). Back to work and on the apps, she’s pursued by a younger man and maybe – just maybe – her son’s science teacher (Leo Woodall).
February 19 – The Room Next Door (Warner Bros. Pictures, Ayala Malls Cinemas EXCLUSIVE)
Cast: Tilda Swinton, Julianne Moore
Directed by: Pedro AlmodóvarIngrid (Julianne Moore) and Martha (Tilda Swinton) were close friends in their youth, when they worked together at the same magazine. Ingrid went on to become an autofiction novelist while Martha became a war reporter, and they were separated by the circumstances of life. After years of being out of touch, they meet again in an extreme but strangely sweet situation.
February 26 – Nosferatu (Universal Pictures)
Cast: Bill Skarsgård, Nicolas Hoult, Lily Rose-Depp, Aaron Taylor-Johnson, Emma Corrin, Ralph Ineson, Simon McBurney, Willem Dafoe
Directed by: Robert Eggers
Robert Eggers’s gothic reimagining of the classic 1922 vampire film of the same name, Nosferatu is a tale of obsession between a haunted young woman, Ellen (Lily Rose-Depp), and the vampire Nosferatu (Bill Skarsgård). He becomes infatuated with her, causing untold horror in his wake.
(Schedules are subject to change without prior notice.)
(ROHN ROMULO) 

Dapat may kanya-kanyang category ang beauty pageants: JEAN, nag-agree kay GLORIA na ‘di pabor sa bagong regulasyon

Posted on: January 31st, 2025 by Peoples Balita No Comments
DAHIL nalalapit na naman ang beauty pageant season dito sa Pilipinas, natanong namin si Jean Saburit, na Binibining Pilipinas-Young 1975, kung ano ang opinyon niya sa ilang beauty pageants ay pinapayagan nang sumali ang mga may asawa at anak, transgender women at maging ang mga senior citizens.
“What,” bulalas ni Jean.
“I didn’t know that! Pati sixty, seventy?”
Binanggit namin kay Jean na si Miss Universe 1969 Gloria Diaz, sa isang panayam, ay sinabing hindi siya pabor sa mga bagong rules and regulations ng ilang pageants.
“I agree, I agree with Glo,” pakli ni Jean.
“Gloria is a good friend of mine and you know, when you’re friends you agree on most things.
“I was with her just before Christmas.
“I agree with her. Dapat may mga kanya-kanyang category, pag Miss, Miss lang!
“E di gumawa ka ng Mrs. Universe. For ano di ba, for may mga asawa.
“I’m against it. They can have their own. I’m not, you know, natutuwa nga ako sa mga ano, nanoood nga ako ng mga Miss Gay, nagiging judge ako ng Miss Gay Philippines. e.”
Pero hindi raw siya pabor na pagsamahin sa iisang pageant ang mga tunay na babae at mga transgender o transsexual.
“Kasi maano e, maiiba yung category.”
Tanong pa ni Jean, “Ibig sabihin, operada na dun? E kung hindi pa operada dun?
“But still, you know, you still have your Adam’s apple, you still have your muscles and your boobs will still be flat.”
Sa makabagong siyensiya ay nagagawan naman na ng paraan na magkaroon ng dibdib ang isang tao at mabago ng hugis ng katawan.
“So that’s not natural anymore,” bulalas ni Jean.
“Kami kasi noon natural lahat, e.  Wala kaming mga reto-retoke pati mga mukha namin, walang retoke.
“Dapat may kanya-kanya silang pageant. They should have their own.
“I don’t mind supporting them, I mean you know, but then, hindi naman yung paghaluin kasi parang nakaka, paano iyan, di ba?”
Kasama si Jean ‘Prinsesa ng City Jail’ at gumaganap siya bilang si Sonya.
Bida sa naturang GMA Afternoon Prime series ang Sparkle loveteam na sina Sofia Pablo bilang Princess at Allen Ansay bilang Xavier.
Mula ito sa direksyon ni Jerry Lopez Sineneng at napapanood mula Lunes hanggang Biyernes, 3:20 p.m. at abroad via GMA Pinoy TV.
(ROMMEL L. GONZALES)

May sarili na ring vlog, ang ‘Glad To Be With You!’: GLADYS, may pagbibidahang serye at dalawang Netflix films

Posted on: January 31st, 2025 by Peoples Balita No Comments
ISA talaga si Gladys Reyes sa mga artistang malaki ang pagpapahalaga sa traditional entertainment media na kanyang kinalakihan sa showbiz.
Kaya kahit usung-uso na ang iba’t-ibang social media na meron din ang mga celebrities bukod sa mga content creators at bloggers, tahasan pa ring sinabi ng Primera Kontrabida na kailangan pa rin niya ang tulong ng kanyang media friends.
Kaya naman kung may pagkakataon at nagpapatawag siya ng get-together na siya mismo ang punong abala.  Mula sa personal na pag-iimbita sa kanyang mga kaibigang manunulat, hanggang sa pagpi-prepare ng giveaways, at pagho-host ng event.
Last Tuesday, January 28 ay nag-invite siya sa kanilang resto ng asawa at chef na si Christopher Roxas sa ‘That’s Diner’ Sta. Lucia, Cainta branch.  Meron din silang branch sa San Pedro, Laguna.
Sa wakas natikman na rin namin ang ipinagmamalaking specialty ng resto, na iba’t ibang luto ng bulalo, na ang karneng baka ay mula pa sa Batangas, kaya siguradong malambot, masarap at makatas.
Lumabas nga ang kahusayan sa pagluluto ng mister ni Gladys. Kaya naman may iba’t ibang twist ang mga inihahain nila sa amin, bukod sa classic na bulalo supreme, na puring-puri ni Eugene Domingo.
Na-enjoy namin ang bulalo kare-kare na naka-mix na ang bagoong, na sini-serve sa sizzling plate. Ang sarap-sarap, promise, dahil saktong-sakto na ang timpla.
Meron ding bulalo sizzling at bulalo sinigang, pero type namin tikman next time ang bulalo kansi.
Winner din ang grilled bangus na may pagpipilian toppings, with Bicol express or katakam-takam na Laing, na parehong pinasarap ng coconut cream ng American Garden.
Pinatikim din ang kanilang version ng dinakdakan, na parang sisig ang dating. Pagbabahagi pa ni Gladys, gustung-gusto raw ito ni Vice Ganda dahil authentic ang lasa.
Anyway, masayang-masaya si Gladys dahil maganda ang pagpasok ng 2025 sa kanyang showbiz career.
May teleserye na siya sa GMA 7, ang ‘Cruz vs. Cruz’ na kung saan first time niyang makakasama ang nagbabalik-Kapuso na si Vina Morales.  Kaya kaabang-abang ang mga intense scenes nila.
Pa-trivia pa ni Gladys, nagkasama na rin Tope at Vina noong bata pa sila, sa pelikulang ‘Maging Sino Ka Man’ nina Sharon Cuneta at Robin Padilla.
May dalawang Netflix movie siya na ipalalabas, na hindi pa puwedeng I-reveal kung anu-ano ito.
Pero isa pa sa ikinatutuwa ng premyadong aktres, ay ang pagkakaroon niya ng sariling vlog sa kanyang Gladys Reyes Channel sa YouTube.
Caption niya, “Welcome mga ka Gen-C! As in Generation Clara! This is my very first vlog episode!!! GLAD TO BE WITH YOU!”
Ang guests niya sa first episode at Ate Uge niya at bff na si Carmi Martin.  In-upload ito last January 17 at may 107k plus views na agad.
Aminado naman si Gladys na medyo late na raw siya sa pagba-vlog, na dapat daw last year pa niya sinimulan.
Pero ngayon ay pinaghandaan na niya ang mga content na kanyang ilalabas at maging engaging at susubaybayan nang makakapanood.
Pinakita sa teaser ng vlog ang interview niya si Maricel Soriano, na talagang kaabang-abang ang kanilang mga eksena.  Kasama rin sa pinakita si Ryan Bang, at ang mag-asawang Doc Rob at Patricia Javier.
Dagdag pa niya, “may request din sa one-on-one namin ni Christopher, na ang mga anak namin ang magtatanong, na very personal.
“Of course with Judy Ann (Santos), with Angelu (de Leon), with Claudine (Barretto) at marami pang iba.”
For sure, magki-click din ang kanyang vlog na ‘Glad To Be With You!’.
Kaya mag-subscribe na at I-share ang kanyang YouTube channel.
(ROHN ROMULO)

Taliwas sa naging pahayag ni Direk Darryl: MTRCB, nilinaw na ‘di pa nila nirerebyu ang ‘Pepsi Paloma’ dahil kulang pa sa requirements

Posted on: January 31st, 2025 by Peoples Balita No Comments

SA Facebook post ng controversial director na si Darryl Yap, nagpasalamat ito sa mga husgado at sinabing ni-review na ang pelikulang ‘Pepsi Paloma’ ng MTRCB.

Ayon kay Direk Darryl,  “Nagpasalamat na po ako sa husgado for protecting my rights of artistic expression and the public’s right to the truth.

“The teaser is just a micro-part of my movie. I have been allowed to release the whole movie. For that, i am deeply humbled and profoundly blessed

“Our film is now being reviewed by MTRCB.

“Thanks!”

Tungkol sa kanyang FB post, naglabas naman ng pahayag ang MTRCB tungkol sa pelikulang nabanggit, nilagdaan ito ni Atty. Paulino E. Cases, Jr. (MTRCB Vice Chairperson and Chairperson of the Hearing and Adjudication Committee)

Ayon sa pahayag…

“Taliwas sa maling pahayag, nilinaw ng MTRCB na ang pelikulang Pepsi Paloma ay HINDI TOTOONG kasalukuyang nirerebyu dahil hindi pa kumpleto ang mga kinakailangang requirements na isinumite ng PinoyFlix.

“Binibigyan linaw ng Ahensiya na HINDI TINANGGAP ng MTRCB Registration Unit ang mga materyales na isinumite ng kinatawan ng Pinoyflix sapagkat hiningan ng MTRCB Legal Affairs Division ang nasabing distributor ng Sertipiko o Clearance na Walang Nakabinbing Kasong Kriminal mula sa Regional Trial Court,  Sertipiko o Clearance na Walang Nakabinbing Kasong Sibil mula sa Department of Justice, at Sertipiko o Clearance na Walang Nakabinbing Kasong Administratibo mula sa Office of the City Prosecutor.

“Bilang parte ng standard review process ng Ahensiya, nakipag-ugnayan kahapon ang Legal Affairs Division sa distributor upang ipabatid ang mga kulang na requirements.

“Ginagawa ito ng MTRCB upang masiguro na ang lahat ng pelikula ay naaayon sa Presidential Decree No. 1986 at sa mga patakaran nito. Binubuo ang MTRCB ng 30 Board Members, isang Vice Chairperson, at isang Chairperson. Ang bawat aplikasyon ay dumaraan sa isang tatlong-miyembrong komite, at kapag kinakailangan, sa ikalawang pagsusuri na binubuo naman ng limang miyembro.

“Ang MTRCB ay naninindigan na hindi nito ipagsasantabi ang maling impormasyon at anumang paninirang maaaring makasira sa reputasyon at mandato nitong protektahan ang interes ng publiko. Ang anumang sadyang pagpapakalat ng maling impormasyon ay aaksyonan alinsunod sa batas.”

Sa latest FB post naman ng direktor, makikita ang letter mula sa MTRCB at mababasa ang caption niya na…

“Ang Kapalaran ng #TROPP #TROPP2025 The Rapists of #PepsiPaloma”

At sa comment section nilagay niya…

“Narito ang liham ng MTRCB sa aming distributor; nawa’y maipaliwanag ng mga may alam sa batas.

“Maraming Salamat.”

(ROHN ROMULO)

Ginebra hindi nagpaiwan sa Bolts 91-87

Posted on: January 31st, 2025 by Peoples Balita No Comments
PINATIKIM ng Barangay Ginebra ang kanyang beteranong karanasan sa paglalaro laban sa Meralco Bolts 91-87 sa huling laro ng eliminations ng PBA 49th Season Commissioner’s Cup sa Araneta Coliseum.
Mayroon ng walong panalo at apat na talo ang Gins kung saan tabla na sila ng Converge sa ikatlong puwesto.
Habang ang Bolts ay mayroong pitong panalo at apat na talo kung saan mayroon pa silang isang laro kontra sa Magnolia sa araw ng Biyernes.
Bumida sa panalo ng Ginebra si RJ Abarrientos na nagtala ng 17 points habang mayroong 15 points si Justin Brownlee at 13 points si Stephen Holt.
Naging malaking hamon naman sa Bolts ang laro dahil sahindi paglalaro ng kanilang import na si Akil Mitchell dahil sa back spasm.
Inamin naman ni Ginebra coach Tim Cone na naghahanda na ang kaniyang koponan para sa playoffs.
Hindi naman umubra ang nagawang 15 points ni CJ Cansino at 13 points, 13 rebounds naman ni Raymond Almazan para sa Bolts.

Kai Sotto hindi muna makakasama sa mga laro ng Gilas ngayong taon

Posted on: January 31st, 2025 by Peoples Balita No Comments
TULUYAN  ng hindi isinama ng Gilas Pilipina sa lineup si Kai Sotto para sa third window ng FIBA Asia Cup 2025 sa Agosto.
Sinabi ni Gilas coach Tim Cone, na maaaring tumagal pa ng isang taon ang paggaling ni Sotto sa kanyang torn ACL sa tuhod nito kaya imposible na makasama siya sa torneo na gaganapin sa Saudi Arabia.
Dahil dito ay target nilang makasama si Sotto sa World Cup qualifiers sa susunod na taon.
Umaasa naman si Cone na magiging matagumpay ang isasagawang operasyon ni Sotto sa buwan ng Pebrero.
Bilang kapalit ng 7-foot-2 na si Sotto ay si Troy Rosario na sasabak na sa Asia Cup Finals Qualifiers sa susunod na buwan.
Dito ay makakaharap ng Gilas ang Taiwan at ang New Zealand.
Magugunitang natamo ni Sotto ang kaniyang injury sa paglalaro niya sa Japan B. League nitong Enero.

Defense spending sa Pinas, pinalakas

Posted on: January 31st, 2025 by Peoples Balita No Comments
PINALAKAS ng Pilipinas ang defense expenditures nito upang magawa ng military na mapagyaman ang malakas na kooperasyon kasama ang mga kaalyado.
Sinabi ito ni National Security Council (NSC) Assistant Director General Jonathan Malaya mataps na mawagan si United States President Donald Trump sa kaalyado nito kabilang na ang mga miyembro ng North Atlantic Treaty Organization (NATO), na palakasin ang kanilang defense spending ng 2% ng kanilang gross domestic product.
“I think we have (shown) to the United States that we have been ramping up also our defense spending, we now have a very clear Comprehensive Archipelagic Defense Concept (CADC) which really requires enormous sums of money in investment into Philippine defense, military spending or security spending,” aniya pa rin sa Utak Forum na idinaos sa New Dapo Restaurant sa Quezon City, araw ng Miyerkules.
Sa ilalim ng CADC, tinitingnan ng Philippine military na ipagtanggol ang ‘domains’ ng bansa kabilang na ang 200-nautical mile exclusive economic zone nito.
Sinabi ni Malaya na naglaan ang Maynila ng mas maraming pondo para ipagpatuloy ang Rehorizon 3 ng Armed Forces of the Philippines Modernization Program, nakatuon sa pagkuha ng ‘equipment at weapon systems’ para sa “external defense and territorial security of the country.”
“So if we follow the logic where he (Trump) is asking NATO members to devote more of their resources, I think we’re also doing the same,” ang sinabi ni Malaya.
Sa kabilang dako, sinabi naman ni Malaya na ang presensiya ng US Medium Range Capability Typhon missile system ay hindi para sa ‘offensive purposes.’
“I think the Philippine government has made very clear its position that the presence of the Typhon missile system in the Philippines was part of course of the ‘Balikatan’ exercises so the purpose of that was to train Filipino troops in utilizing this, it is not for offensive purposes, it is primarily for defensive purposes and to ensure that the Philippines has capacity to operate such weapon system and the Philippines has expressed its interest to buy this types of systems in the same manner that we bought the BrahMos missile system,” litaniya ni Malaya.
Dumating ang missile system sa Pilipinas noong nakaraang taon at ginamit para sa pagsasanay sa panahon ng Filipino at American exercises noong nakaraang taon.
Tinuran ni Malaya na maaari itong gamitin para sa CADC ng Pilipinas.
“Very clearly it is for defense purposes so as mentioned by the AFP, this is a sovereign act, this is a decision of the Philippine government and it is not meant for any other state, it is for the territorial integrity of the Philippines,”aniya pa rin.
Nauna rito, binatikos ng Tsina ang deployment ng missile system sa Pilipinas, sabay sabing banta ito sa ‘regional peace at security.’ ( Daris Jose)

Fr. Licuanan itinalaga sa Quiapo Church

Posted on: January 31st, 2025 by Peoples Balita No Comments
INANUNSIYO ng Minor Basilica at National Shrine of Jesus Nazareno o kilalang bilang Quiapo Church ang pagkakaroon nila ng bagong parish priest.
Itinalaga ng Archdiocese of Manila si Father Ramon Jade Licuanan na siyang mamumuno ng minor basilica sa susunod na buwan.
Papalitan ng nasabing padre si Father Rufino “Jun” Sescon Jr na itinalaga bilang bagong obispo ng Diocese ng Balanga.
Bago ang pagkakatalaga nito ay naging parish priest si Licuanan sa San Felipe Neri Parish sa lungsod ng Mandaluyong.
Siya rin ang kasalukuyang Executive Secretary ng Catholic Bishops Conference of the Philippines-Episcopal Commission on Youth, ganun din ang Commissioner of Manila Archdioceses-Commission on Youth. (Gene Adsuara)
People's Balita.
All rights reserved. © Copyright 2025.