• March 26, 2025
  • Search in People's Balita

  • Ang Diyaryong Pinagkakatiwalaan

 

Archive for January 19th, 2025

“Quezon” marks the continuation of TBA Studios’ cinematic “Bayaniverse”

Posted on: January 19th, 2025 by Peoples Balita No Comments
TBA Studios has announced that its highly-anticipated biographical historical movie “Quezon” is set for production this year with a target theatrical release later this year.
“Quezon” marks the continuation of TBA Studios’ cinematic “Bayaniverse”—a series of films based on Philippine history that includes box office hits “Heneral Luna” and “Goyo: Ang Batang Heneral.”
It is also the company’s first major film production since 2020, after bringing award-winning international films such as the Academy Award-winning “Everything, Everywhere All At Once” and “Past Lives”, and the Dolly de Leon-starrer “Triangle of Sadness” to Philippine theaters as a distributor.
Filming for “Quezon” is set to start in March 2025.
The movie is expected to follow the life of Manuel L. Quezon, a Filipino lawyer and soldier who became the President of the Commonwealth of the Philippines from 1935 to 1944, highlighting his tumultuous presidential campaign against then-President Emilio Aguinaldo.
According to TBA Studios President and COO Daphne Chiu, “Quezon” will be released both locally and worldwide. She added that the film will be produced as a stand-alone—a movie that exists within the same cinematic continuity of TBA Studios’ beloved historical films “Heneral Luna” and “Goyo: Ang Batang Heneral”, but will be made accessible to moviegoers who have not seen the earlier films.
Jerrold Tarog, the director and co-writer of “Heneral Luna” and “Goyo: Ang Batang Heneral,” is set to return to helm “Quezon.”
The film is supported by the Philippine government agency National Commission for Culture and the Arts (NCCA) and the Film Development Council of the Philippines (FDCP), the latter announcing last year a funding support for the movie. This landmark partnership signals a shared goal between TBA Studios, NCCA, and FDCP to further strengthen the local film industry by delivering and promoting world-class films.
Casting for the movie’s major and supporting roles is currently underway and will be announced soon. Chiu teases that the cast will feature names that will surprise and excite audiences and hardcore fans of the Bayaniverse alike.
TBA Studios made its mark in the Philippine film industry with the box-office and critical success of “Quezon’s” historical film predecessors—with “Heneral Luna” earning the title as the Philippines’ highest-grossing historical film of all time during its record-breaking theatrical run in 2015 and the Philippines’ official entry for Best Foreign Language Film at the 88th Academy Awards.
(ROHN ROMULO)

Gustong tumulong at maka-inspire sa marami: GELA, passion and advocacy project ang ’Time To Dance’

Posted on: January 19th, 2025 by Peoples Balita No Comments
MAGSISIMULA na ang kilig at galing ng mga mananayaw sa “Time To Dance,” ang newest dance survival reality show ng ABS-CBN at Nathan Studios sa pangunguna nina Gela Atayde at Robi Domingo, na ipalalabas ngayong gabi (Enero 18) sa Kapamilya Channel, Kapamilya Online Live, at A2Z.
Sa naganap mediacon noong Huwebes (Enero 16), ikinwento ng New Gen Dance Champ na si Gela ang dahilan kung paano nabuo ang “Time To Dance.”
“This is really a passion project of mine,” panimula niya.
“It was really pitch to me na magka-dance show, na dream ko rin naman.  Pero idea po talaga ito ng Star Magic and Direk Lauren (Laurenti Dyogi), it was really him who believed in me in the first place.
“And of course, with the help of my mom (Sylvia Sanchez), who conceptualized all of these.  It was really a collaboration of different productions.
“But aside from that, my mom always say na, dahil nakita nila ang puso ko and for passion for dance. Not just dance itself but for the community.
“This is an advocacy project for me. It’s because being part of the dance community, I see the ins and outs of what really happens. ‘Yung mga kulang, yung mga sobra. 
“Here in ‘Time To Dance,’ I want to be able to help those who want to explore dance more and also inspire. 
“I have teammates kasi na that weren’t really financially stable enough to fly with us also to compete. So, that was the realization that like hit me na I will be able to help, because I’m privilege enough too and I’m very thankful I am and given this opportunity.
“Nabuo ang “Time To Dance” because of the heart and passion na nakita nila sa akin Nina Direk Lauren and my mom,” pahayag pa ni Gela.
Ibinahagi ni Gela ang inclusivity sa show dahil tampok dito ang mga dancer na may iba’t ibang edad, karanasan, at pisikal na abilidad. Naikwento niya rin na makakasama sa show ang celebrity performers na sina AC Bonifacio at Darren Espanto at sikat na dance coaches na sina Chips Beltran, Lema Diaz, at Jobel Dayrit bilang guest judges at coaches.
Samantala, puring-puri ni Robi ang hosting skills ni Gela, na isang first-time host.
“Kitang-kita kay Gela yung gigil talaga na pag-ibayuhin pa ‘yung kanyang craft. Ang laki ng improvement niya since day one. In hosting, what you want is that connection, it’s not all about talking. Ramdam na ramdam namin yun sa kanya,” komento ni Robi.
Binigyang-diin rin ng direktor ng World of Dance Philippines na si Vimi Rivera, na bahagi ng dance council sa show, ang layunin ng “Time To Dance” na maipakita ang talento ng local dance community ng bansa. Sinabi niya rin na ang show ay “more than just a competition.”
Say naman ng American dancer/TikTokerist na si Ken San Jose, na 3rd placer ‘World of Dance Philippines’, “grabe, I fell sobrang honored, galing ako sa survival show na ‘World of Dance’, pero contestant pa ako, ngayon naging judge na ako.
“Sobrang honored ako especially being with Coach Vimi and Gela, such high level and incredible people in dance.
“Of course si Kuya Robi, he taught me everything I know.  It’s really nice that I get to be a part of this and put my inputs and share to the contestants. And to see and be a part of their journey through out the show, as well.” 
Sa pilot episode ng show, ipapakilala ang 17 dance hopefuls na sasabak sa matinding training kasama ang pinakamagagaling na coach mula sa Philippine dance community.  Masusubukan ang gigil, galing, at puso ng mga mananayaw sa group dance evaluations at kapana-panabik na one-on-one dance combats. 
Sino kaya ang magpapakita ng gigil at galing at magiging kauna-unahang grand winner ng  “Time To Dance”? Abangan sa pinakabagong dance survival reality show tuwing Sabado, 8:30 pm sa A2Z, Kapamilya Channel, Kapamilya Online Live, MYX, iWantTFC, at TFC. 
Para sa iba pang updates, sundan ang @abscbnpr sa Facebook, X, Instagram, at TikTok o bisitahin ang www.abs-cbn.com/newsroom

***

UPANG mas maproteksyunan pa ang mga datos na kasalukuyang hawak ng Ahensya, opisyal na inilunsad ng Movie and Television Review and Classification Board (MTRCB) nitong Miyerkules, Enero 15, 2025, ang Data Privacy Management Program nito kasunod ng pagsasagawa ng unang data privacy training para sa mga Board Member at empleyado ng MTRCB.

Parte ito ng inisyatiba ng MTRCB na matiyak ang seguridad ng mga sensitibong impormasyon bilang pagtalima sa Data Privacy Act of 2012.

Layon ng programa na matukoy ang lahat ng personal na datos na kinokolekta, pinoproseso, at itinago ng Ahensya, pati na rin ang pagbuo at pagpapatupad ng polisiya para masiguro na epektibong napapamahalaan ng MTRCB ang lahat ng datos at maiwasan ang anumang insidente at pagkakompromiso sa mga ito.

Binigyang diin ni MTRCB Chairperson and CEO Lala Sotto-Antonio ang dedikasyon ng Board na mapangalagaan ang lahat ng datos na kapit ng ahensya.

“Bukod po sa mandato ng MTRCB na maproteksyunan ang pamilyang Pilipino partikular ang kabataan sa pamamagitan ng responsableng panonood, atin din tinitiyak ang seguridad at integridad ng mga impormasyon na ating ginagamit sa operasyon, partikular ang mga sensitibong impormasyon,” sabi ni Sotto-Antonio sa kanyang mensahe.

Kinilala rin nito ang mahalagang parte ng data privacy sa makabagong panahon.

“Sa ilalim ng programang ito, ating matitiyak na tayo ay sumusunod sa nakasaad sa Data Privacy Act of 2012. Makakabuo tayo ng mga hakbang para matugunan ang mga hamon pagdating sa regulasyon at pamamahala ng mga datos ng epektibo.”

Ang naging pagsasanay naman para sa mga empleyado at Board Member ay naging daan para magkaroon ng praktikal na kaalaman ang mga ito upang masiguro na nakalinya sa umiiral na polisiya at regulasyon ang bawat proseso ng ahensya sa pagprotekta ng mga sensitibong datos.

Patuloy naman ang pagtitiyak ng MTRCB na bukod sa mandato nitong pagprotekta sa mga manonood sa pamamagitan ng pagbibigay kaalaman sa responsableng panonood, sinisikap din ng Board na matiyak ang seguridad ng lahat ng impormasyon na sumasalamin sa dedikasyon ng Ahensya sa mataas na antas ng serbisyo publiko.

(ROHN ROMULO)

Very intimate lang ang pinangarap na kasal sa simbahan: SHAIRA, nagbigay na ng ilang updates sa wedding plans nila ni EA

Posted on: January 19th, 2025 by Peoples Balita No Comments
MAGANDA nga raw ang pasok ng 2025 para kay Nikki Valdez dahil nakasama siya sa malaking cast ng action-serye na ‘Lolong: Bayani Ng Bayan’ ng GMA Public Affairs.
Nagpapasalamat ang Kapamilya actress sa pagkakataong makapagtrabaho ulit sa Kapuso Network after ng 2023 teleserye na ‘Unbreak My Heart’ na collaboration ng GMA-7 at ABS-CBN 2.
“Nakakatuwa lang kasi the the inquiry came through Star Magic. So, at least ito, may chance na makalipat-lipat ng network.
“At saka kami naman mga artista, magkakaibang bakod man kami nagtatrabaho pero magkakaibigan naman kami.
“Kasi isa lang ang mundo na ginagalawan natin. Tayo-tayo lang ‘yung nagkikita, di ba?”
Bukod sa Lolong, bumalik din si Nikki sa kanyang first love which is singing and performing onstage. Magbibida ito sa local adaptation ng 2009 Broadway musical titled ’Next To Normal’ sa February 2025 at the Power Mac Center Spotlight Blackbox Theater in Circuit Makati. 
Kasama ni Nikki sa musical sina Sheila Valderrama-Martinez, OJ Mariano, Sheena Belarmino, Vino Mabalot, Omar Uddin, Benedix Ramos and Floyd Tena.
Gagampanan ni Nikki ang role na Diana Goodman, a mother who struggles with bipolar disorder and how it affected her family. The role was originally played on Broadway by Alice Ripley.
Sa tulong daw ng production staff ng Lolong ay nagawa raw mapagsabay ni Nikki ang taping at ang rehearsals niya para sa Next To Normal.
“Nakakapag-rehearse ako and nakakapag-taping ako. Kaya malaking pagpapasalamat ko na kaya palang i-traffic ang schedule ko.”
***
NAGBIGAY na ng ilang updates si Kapuso Morning Sunshine Shaira Diaz sa wedding plans nila ng fiancé at kapwa aktor na si EA Guzman.
Ayon pa sa leading lady ng ‘Lolong: Bayani Ng Bayan’, ang gown na gagamitin niya ay manggagaling sa Korea.
“Kasi sobrang love ko ‘yung Korea, ‘yung culture nila, mahilig ako sa K-drama, sa K-pop, sa BTS, kay Jung Kook, so parang gusto ko lagyan talaga ng ‘yung something very personal sa ‘kin.”
Pinili nila ni EA na gawin ang kanilang kasal sa Silang, Cavite dahil “tahimik, away from the noise,” at sinabing dream church wedding niya ang gagawin nila.
“Very intimate lang po, close friends and family,” sabi ng aktres.
Pagdating naman sa mga entourage, ilan sa mga binanggit ni Shaira ay sina Arra San Agustin, ‘Unang Hirit’ co-hosts niya na sina Kaloy Tingcungco at Anjo Pertierra, at aktres na si Julia Montes.
Pagbabahagi rin ni Shaira na tahimik lang ang kanilang wedding preparations dahil hinahayaan lang siya ni EA magdesisyon para sa kanilang kasal. Tuwing may nakikita siyang ideya na gusto niyang isama sa kanilang kasal, ipapadala lang niya ito kay EA at papayag na ito.
***
AFTER two weeks ay nagsalita na ang mister ng pumanaw na Broadway star and TV actress na si Linda Lavin. Sumakabilang-buhay si Lavin noong December 29 dahil sa lung cancer. She was 87.
Ang mister ni Lavin of 20 years na si Steve Bakunas ay hirap tanggapin ang biglaang pagpanaw nito. Um-attend pa raw sila ng isang red carpet event at nakapag-taping pa raw si Lavin para sa sitcom nito na Mid-Century Modern bago sumapit ang Pasko.
Huling habilin daw ni Lavin bago ito nalagutan ng hininga ay: “Honey, I want you to live your life. If I die, I want you to know that I love you so much.”
Sumikat si Lavin dahil sa pagbida nito sa ‘70s hit sitcom na Alice kunsaan nanalo siya ng isang Emmy at dalawang Golden Globe awards. Nanalo naman siya ng Tony Award para sa stage play na Broadway Bound in 1987.  Huli siyang napanood sa 2024 Netflix series na No Good Deed at sa 2021 movie na Being The Ricardos.
(RUEL J. MENDOZA)

Mas type ang girl, dahil marami nang apong lalaki: VIC, puwede pang humirit ng isang baby kung kakayanin ni PAULEEN

Posted on: January 19th, 2025 by Peoples Balita No Comments
SA media con ng Sante Barley na ini-endorse ni Bossing Vic Sotto, natanong kung susundan pa ang bunsong anak nila ni Pauleen Luna na si Baby Mochi na mag-isang taon na sa buwang ito.
Wala namang problema sa TV and movie icon and producer na dagdagan pa ang dalawang anak nila.
Pero ang dapat daw tanungin ay si Pauleen kung kakayanin pa nito na magkaroon ng third baby.
“Ewan ko kung kaya pa ni Pauleen. Ako, kaya pa, eh. Ewan ko sa kanya, tanungin n’yo,” natatawang sagot ni Bossing Vic.
Dagdag pa niya, “Ang bilis nga ng panahon. And we’re so thankful to God that we’re healthy, very beautiful baby, at medyo nakakatayo na. Nakakatayo na ng mag-isa niya, pero mga 2 seconds lang, bagsak ulit.”
Natanong din siya type ba niyang magkaroon ng baby boy.
“Okay na, ang dami kong apong lalaki, ang gugulo. Anak ni Oyo, 5 lalaki. Tapos si Danica, may 2 lalaki.
“Kapag nasa bahay, parang may riot parati sa bahay namin, kapag nandu’n ‘yung mga apo kong lalaki.
“Okay na sa akin ang mga babae, they’re very sweet, they’re very malambing. I always look forward to going home kasi tanggal lahat ang pagod ko sa trabaho kapag nakita mo na ‘yung mga anak mong mababait,” pahayag pa ni Vic.
Sinagot din ni Vic ang tanong kung paano niya napapanatili hanggang hanggang ngayon ang kanyang “staying power” sa entertainment industry pati na ang “positive image” sa publiko.
“Clean living lang. Huwag kang umapak ng ibang tao. Huwag kang mang-alila. Huwag kang maangas.
“Stay humble. Humility, for me, is a very important word. Huwag kang magyayabang. Relax ka lang sa buhay,” tugon pa niya.
Umiiwas na rin daw siya sa mga tao at bagay na makakapagpa-stress lang sa kanya.
Samantala, sa edad na 70 and turning 71 sa April 28, ay wala pa raw siyang maintenance medicines.

Nagpapasalamat siya sa Diyos dahil kahit senior na siya ay maayos pa rin ang estado ng kanyang health at ang pinaka-good news pa ay hindi pa niya kailangang mag-take ng mga gamot pang-maintenance.

Wala raw siyang problema sa  hypertension at diabetes pero aminado siyang may mga iniinom siyang food supplements, kabilang na ang vitamins at mga all-natural healthy drinks.

Say pa ni Bossing na ang ilan daw sa mga kasamahan niya sa “Eat Bulaga” ay may mga maintenance medicines na tulad nina Joey de Leon at Allan K.

Bukod sa pag-take ng supplements, mine-maintain din niya ang pagkakaroon ng healthy lifestyle, tulad ng regular exercise (pagbibisikleta at walking, kasama na rin ang paggo-golf) at pagkain nang masustansiya at pagkain sa tamang oras.

And course, malaking tulong din sa pagpapalakas ng katawan ang pag-inom niya ng Sante Barley araw-araw, lalo na sa umaga at puwede rin bago matulog.

Kaya malaki ang pasasalamat niya sa CEO ng Sante na si Joey Marcelo, na pinagkatiwaan siya na mag-endorso ng sikat na produkto.

(ROHN ROMULO)

Hidilyn Diaz swak sa PSA Hall of Fame

Posted on: January 19th, 2025 by Peoples Balita No Comments

WALANG  duda na ka­ra­pat-dapat na mailuklok sa Philippine Sportswriters Association (PSA) Hall of Fame si weightlifter Hidilyn Diaz na kauna-unahang Pi­noy athlete na nakasungkit ng gintong medalya sa Olympics.

Pormal nang iluluklok si Diaz sa San Miguel Cor­poration-PSA Awards Night na idaraos sa Enero 27 sa Manila Hotel.

Hindi malilimutan ang ta­gumpay ni Diaz nang ma­ibulsa nito ang gintong me­dalya noong 2020 Olympics sa Tokyo, Japan pa­ra basagin ang ilang de­kadang pagkauhaw ng Pilipinas sa gold medal sa Olympics.

Kaya naman bibigyan ito ng natayanging para­ngal para saluhan sa ma­ningning na programa si first ever Filipino Olympic double-gold medalist Carlos Yulo na ta­tanggap ng Athlete of the Year award sa progra­mang inihahandog ng Are­naPLus, Cignal at MediaQuest.

Makakasama nina Diaz at Yulo ang iba pang at­leta at mga personalidad sa event na suportado ng Philippine Sports Commission, Philippine Olympic Committee, MILO, PLDT/Smart, Senator Bong Go, Januarius Holdings, PBA, PVL at 1-Pacman Party List.

Isa lamang si Diaz sa listahan ng mga legendary athletes na nasa Hall of Fame.

Kabilang dito sina late track and field great Lydia De Vega, bowlers Paeng Ne­pomuceno at Bong Coo, chess grandmaster Eugene Torre, pool idol Ef­ren ‘Bata’ Reyes, late FIDE president Florencio Campomanes at Manny Pacquiao.

Matagumpay ang ka­rera ni Diaz na humakot ng kabi-kabilang gintong medalya sa Southeast Asian Games at Asian Games at sa World Championships at Asian Championships.

Isa lamang si Diaz sa apat na Pinoy athletes na nakasungkit ng dalawang medalya sa Olympics.

Bukod sa ginto ay may pilak din ito sa Rio Olympics noong 2016.

Kasama ni Diaz sa mga double medalists si­na Yulo (dalawang ginto), Nesthy Petecio (isang pilak at isang tanso) at Teofi­lo Yldefonso (dalawang tanso).

Troy Rosario muling maglalaro sa Gilas Pilipinas

Posted on: January 19th, 2025 by Peoples Balita No Comments

MULING  napili ng Gilas Pilipinas si Troy Rosario na sasabak sa 2025 FIBA Asia Cup Qualifiers.

Siya ang unang napili matapos na dumanas ng injury sina Kai Sotto at Kevin Quiambao.

Sinabi ni Gilas head coach Tim Cone na siya ang kukumpleto sa final 12 na isusumite nila.

Huling naglaro sa Gilas si Rosario ay noong 2021 Southeast Asian Games.

Magugunitang nagtamo ng anterior cruciate ligament (ACL) tear si Sotto habang ang 6-foot-6 na si Quiambao ay dumaranas ng right ankle injury.

Unang makakaharap ng Gilas Pilipinas sa Pebrero 20 ang Chinese Taipei habang makakalaban nala ang New Zealand sa Pebrero 23.

Stephen Curry, binuhat ang Warriors sa panalo kontra Wolves

Posted on: January 19th, 2025 by Peoples Balita No Comments

BINUHAT  ni NBA superstar Stephen Curry ang Golden State Warriors (GSW) para ibulsa ang panalo laban sa Minnesota Timberwolves, tangan ang isang puntos na kalamangan, 116 – 115.

Kumamada si Curry ng 31 points at walong assists sa panalo ng GSW habang 24 points naman ang ambag ng forward na si Andrew Wiggins.

Hindi pa rin nakapaglaro si Draymond Green sa naging laban ng Warriors ngunit ipinalit sa kaniya ang sophomore na si Trayce Jackson-Davis bilang sentro.

Kumamada si Davis ng 15 rebounds, at dalawang blocks, daan upang pangunahan ang depensa ng GSW.

Hindi naman umubra ang tig-28 points na ipinasok ng dalawang guard ng Minnesota na sina Anthony Edwards at Donte DiVicenzo.

Napigilan ng Warriors ang comeback attempt ng Wolves sa 2nd half ng laban kasunod na rin ng 13-point lead na hawak ng GSW sa pagtatapos ng 1st half.

Pinilit kasi ng Wolves na habulin ang GSW sa ikatlo at huling quarter ng laban gamit ang offensive explosion nina Edwards at Donte.

Gayunpaman, napigilan ng GSW ang last-second shot attempt ng Wolves at ibinulsa ang 1-pt win laban sa kalaban.

Sa halip na 8-5pm7-4pm pasok sa gobyerno irerekomenda ng MMDA

Posted on: January 19th, 2025 by Peoples Balita No Comments

IREREKOMENDA ng Metropolitan Manila Development Autho­rity (MMDA) kay Pangulong Ferdinand Marcos Jr. na i-adjust ng mas maaga ang pasok sa lahat ng national government agencies (NGAs) sa National Capital Region (NCR) sa ilalim ng adjusted working hours na ipinatutupad ng local government units na mula alas-7:00 ng umaga hanggang alas-4:00 ng hapon.

Sakaling maaprubahan ang rekomendasyon, sinabi ni MMDA Chairman Don Artes na makatutulong ito para matugunan ang matinding trapiko at pagsisikip sa Metro Manila.

Isinaalang-alang aniya, sa pagrekomenda sa Pangulo na i-adapt din sa NGAs ang ipinatupad ng LGUs dahil sa nakitang  malaking improvements sa travel time ng sasakyan at mga empleyado. Ang adjusted working hours sa LGUs na 7:00-4:00 ay batay sa resolusyon na naipasa ng Metro Manila Council (MMC).

“Siguro makakatulong ‘yan mapabawas lalo na sa public transport. Imagine mo, 500,000 ‘yung mga empleyado. Makakaiwas na sila sa pagsabay doon sa ibang bumabyahe. Dapat matapos ‘yung recommendation bago masimulan ‘yung rehabilitation ng Edsa,” ani Artes.

Sa pulong ng MMC, natalakay na ang tinata­yang 223,508 kawani ng gobyerno na gumagamit ng public transportation ang makakabawas sa rush hour kung ‘di sasabay sa mga manggagawa ng pribadong sektor.

Lumalabas din na nasa 37.15% ng mahigit 473,500 national government employees sa NCR ang gumagamit ng pribadong sasakyan sa tuwing rush hour.

(Daris Jose)

PBBM suportado pag deklara ng DA re Food Security Emergency on rice sa bansa

Posted on: January 19th, 2025 by Peoples Balita No Comments

SUPORTADO ni Pangulong Ferdinand Marcos Jr ang nakatakdang pagdeklara ng Department of Agriculture (DA) na Food Security Emergency on rice sa bansa.

Sa panayam kay Pang. Marcos sa Leyte  kanyang sinang-ayunan ang nasabing rekomendasyon ng national price coordinating council (NPCC).

Sa isang ambush interview sa lLeyte ngayong araw, sinabi ng pangulo na hinihintay na lamang na pormal na matanggap ng dept of agriculture ang rekomendasyon sa susunod na linggo.

Paliwanag ng Pangulo, gagawin ang hakbang na ito para gumana nang tama ang merkado sa presyuhan ng bigas.

Aniya sa kabila ng mga hakbang na ginagawa ng pamahalaan hindi pa rin bumababa ang presyo ng bigas.

Dagdag pa nito hindi  aniya  nakasusunod sa  law of supply and demand ang merkado.

Kaya  kinakailangan na aniyang pwersahan na maibaba ang presyo ng bigas at tiyaking gumagana nang maayos ang presyuhan sa mga palengke.

Dagdag pa ng Punong Ehekutibo may iba aniya na  iligal ang pagtataas ng presyo kaya iniimbestigahan ito ngayon ng Kamara. (Daris Jose)

‘Emergency sa bigas’ nakaamba

Posted on: January 19th, 2025 by Peoples Balita No Comments

MAY  sapat na datos at katwiran para magdeklara ang Department of Agriculture (DA) ng Food Security Emergency on Rice.

Sa press briefing sa Malakanyang, sinabi ni Agriculture Secretary Francisco Tiu Laurel na malaki ang tsansa na maaprubahan ng National Price Coordinating Council ang rekomendasyon na magdeklara ng emergency sa bigas.

Dagdag pa ni Tiu Laurel na dahil sa patuloy na tumataas ang presyo ng bigas kaya mahalaga na mailabas na sa mga warehouse ng National Food Authority (NFA) ang may 300,000 toneladang bigas.

Sa ilalim kasi ng Rice Tariffication Law, hindi maaring mailabas ang bigas sa mga bodega ng warehouse hanggat walang kalamidad sa bansa.

Paliwanag ng kalihim, na sa kabila ng mga ipinatupad na hakbang kabilang ang pagbaba sa 15% mula sa 35% ng taripa sa imported na bigas, ay hindi pa rin bumababa at nanatili sa P60 hanggang P64 ang presyo ng kada kilo ng branded rice sa merkado.

Hinihintay na lamang ngayon ni Laurel ang pormal na rekomendasyon ng NPCC bago konsultahin si Pangulong Ferdinand “Bongbong” Marcos Jr.

Ayon kay Laurel, nasa P3 hanggang P5 ang ibababa sa presyo ng bigas oras na maaprubahan ang rekomendasyon ng NPCC.

Sinabi naman ni Department of Trade and Industry Secretary Maria Cristina Roque na nakahanda na ang kanilang hanay na bantayan ang mga mapagsamantalang negosyante.

Ayon kay Roque, P5,000 hanggang P1 mil­yong multa ang ipapataw sa mga negosyante na hindi susunod sa itinakdang presyo ng bigas. (Daris Jose)

People's Balita.
All rights reserved. © Copyright 2025.