2025 February 24 Archive - People's Balita

March 21, 2025
Search in People's Balita
Ang Diyaryong Pinagkakatiwalaan

Archive for February 24th, 2025

ANG BUMBERO NG PILIPINAS PARTY LIST, UMARIBA NA

Posted on: February 24th, 2025 by Peoples Balita No Comments

UMANGAT na sa ikalabing- apat na pwesto ang ‘Ang Bumbero ng Pilipinas (ABP) Party List batay sa isinagawang survey ng isang market research company para sa 2025-Pre Election Preferential Survey.

Ayon sa resulta ng survey na isinagawa ng Tangere mula Pebrero 11 -14, nakakuha ng 1.68 percent ang Ang Bumbero ng Pilipinas (ABP) Partylist na nilahukan ng may 2,400 mobile based repondents na may 196 porsyentong margin of error at 95 porsyentong confidence level gamit ang Stratified Sampling Quote.

Prayoridad ng ABP party list na mabigyan ng Boses sa Kongreso ang mga bumbero, fire rescuers at volunteers na handang isakripisyo at isuong ang kanilang buhay hindi lamang sa panahon ng sunog kundi maging sa pagtataguyod sa kapakanan ng mga mamamayan na lubos na naapektuhan ng iba’t ibang kalamidad na mabigyan ang mga ito ng pinansyal at at medical assistance sa abot ng kanilang makakaya.

Ninanais din ng ABP party list na magkaroon ang mga bumbero ng mga benepisyo, insurance at medical assistance sa panahon ng kanilang pagresponde gayundin ang pagbibigay ng dagdag na kaalaman at kasanayan para sa mas epektibong emergency response hindi lamang para sa kanila kundi maging sa mga barangay upang mas higit na maging handa sila sa panahon ng sunog at iba pang kalamidad.

Hangarin din ng grupo na makapagbigay ng mga fire trucks at emergency services upang matiyak na may sapat na transportasyon sa pag responde lalo na sa mga liblib na lugar.

Ang Bumbero ng Pilipinas (ABP) party list na kumakatawan sa mga bumbero, fire volunteers at rescuers ay pinangungunahan ni first nominee Jose Antonio

” Ka Pep’ Goitia” kasama sina Lenin Bacud, Catleya Cher Goitia, Jose Mari Antonio Goitia, Carl Gene Moreno Plantado at Howie Quimzon Manga. (Gene Adsuara)

Gilas coach Tim Cone inako ang buong pagkatalo nila sa Chinese Taipei

Posted on: February 24th, 2025 by Peoples Balita No Comments

INAKO na ni Gilas Pilipinas head coach Tim Cone ang nakakabiglang pagkatalo nila sa Chinese Taipei sa last window ng FIBA Asia Cup Qualifiers.

Sinabi nito na dapat ay talagang pinaghandaan nilang mabuti ang nasabing laro.

Ito ang unang pagkatalo ng Gilas Pilipinas sa Chinese Taipei mula noong 2013.

Giit nito na maraming mga pagkakamaling nagawa ang Gilas at walang dapat na sisihin sa pagkatalo nila kung hindi ang coach.

Magugunitang tinalo ng Chinese Taipei ang Gilas Pilipinas 91-84 sa kanilang paghaharap nitong gabi ng Huwebes.

Ilan sa mga maituturing na susi ng panalo ng Chinese Taipei ay ang dalawang naturalized player nila na sina Mohammad Al Bachir Gadiaga at Brandon Gilbeck .

Mayroon ng apat na panalo at isang talo ang Gilas sa Group B kung saan makakaharap nila ang New Zealand sa araw ng Linggo at ang mananalo dito ay tatanghaling group winners.

Gilas Pilipinas, pinataob ng New Zealand sa pagtatapos ng FIBA Asia Cup 2025 Qualifiers

Posted on: February 24th, 2025 by Peoples Balita No Comments

BUMAWI ang New Zealand laban sa Gilas Pilipinas matapos magpakita ng napakagandang laro at tinalo ang Pilipinas sa 87-70, kaya’t pasok na ang team sa Group B para sa pagtatapos ng kanilang laban sa 2025 FIBA Asia Cup Qualifiers nitong Linggo na ginanap sa Spark Arena, New Zealand.

Maaalalang nakapagtala ang Tall Blacks nang kanilang kauna-unahang pagkatalo laban sa Pilipinas sa FIBA noong Nobyembre 2024, sumablit pursigido ito mula sa umpisa at hindi na nagpatalo pa at nakakuha ng 5-1 na record.

Sa kabilang banda, nagtapos ang Gilas Pilipinas ng magkasunod na pagkatalo, 4-2, ngunit tiyak na makakapasok sa tournament proper sa Agosto sa Jeddah, Saudi Arabia.

Umarangkada ang New Zealand, kung saan sumaluksok ang mga malalayong tira nina Toho Smith-Milner at Jordan Ngatai, na nakapag ambag ng anim na three-pointers sa unang kwarter pa lang ng laro. Sa pagtatapos ng unang quarter, lamang na ang Tall Blacks, 30-15.

Hindi naman nagpabangko ang Gilas na pinangunahan nina Calvin Oftana at Carl Tamayo, na nagpaiksi ng lamang sa sa kalaban ng walong puntos, 37-29. Subalit, mabilis na nakabawi ang New Zealand sa pamamagitan ng isang 16-4 run, at nagtapos ang unang quarter na may malaking lamang, 53-33, matapos makapagtala ng tatlong sunod na three-pointers ang Tall Blacks.

Bagamat sinikap ng Gilas na makaambag sa second quarter, hindi nila nakayanang habulin pa ang malupit na opensa ng New Zealand.

Task Force for Volcanic Eruptions, itinutulak ni PBBM

Posted on: February 24th, 2025 by Peoples Balita No Comments

NAKIKITA ni Pangulong Ferdinand Marcos Jr., ang pangangailangan na bumuo ng isang national task force na binubuo ng mga mahahalagang ahensiya ng pamahalaan, kasama ang local government units, para bumalangkas ng long-term redevelopment plan para sa mga komunidad na apektado ng pagputok ng Bulkang Kanlaon.

Sa isinagawang situation briefing, binigyang diin ni Pangulong Marcos ang kahalagahan na pagsama-samahin ang mga pagtugon ng gobyerno at paghahanda sa natural disasters.

“Let’s decide what are the agencies that should be involved [in the task force]. And then sit down together with all the relevant agencies, and put together a plan,” ang sinabi ni Pangulong Marcos sa nasabing briefing.

Ipinag-utos naman ng Pangulo sa Office of the Civil Defense (OCD) na pangunahan ang national task force at itulak para sa pagtatayo ng permanent evacuation centers para sa displaced residents.

“Such centers must be located outside the six-kilometer danger zone,” dagdag na wika ng Pangulo.

Sa kasalukuyan, may 2,660 pamilya (8,509 indibiduwal) na na- displaced ng nagpapatuloy na volcanic eruption ang nasa 23 evacuation centers sa Western at Central Visayas.

May karagdagang 90,000 katao ang maaaring ilikas kung ang alert level ay itinaas sa alert level 4, ayon kay Science and Technology Secretary Renato Solidum Jr.

Bago pa ang briefing, namahagi ang Pangulo ng tulong sa mga biktima ng kalamidad.

Samantala, 12,632 pamilya (48,528 indibiduwal) sa 28 lungsod at munisipalidad sa Western Visayas. Nagbigay naman ang gobyerno ng P95.6 million na tulong at nag-prepositioned ng P144.04 million na halaga ng relief supplies para sa mga apektadong lugar.

(Daris Jose)

Pagkakaalis sa ‘Grey list’, makapagpapalakas sa foreign investment sa bansa- Malakanyang

Posted on: February 24th, 2025 by Peoples Balita No Comments

MALUGOD na tinanggap ng Malakanyang ang desisyon ng Paris-based Financial Action Task Force (FATF) na alisin ang Pilipinas mula sa listahan ng ‘jurisdictions notorious’ para sa pagiging safe havens ng money laundering at terrorism financing.

Kasunod ng three-day plenary nito, inanunsyo ng FATF na hindi na kasama ang bansa sa sinusubaybayan para sa dirty money, halos apat na taon na simula na makasama ito sa tinatawag na “grey list.”

“Our well-earned exit from the Financial Action Task Force’s (FATF) grey list boosts our drive to attract job-creating, growth-inducing foreign direct investments,” ayon kay Executive Secretary Lucas Bersamin sa isang kalatas.

“For so long, our investment attractiveness has been dragged down by this dirty money haven label,” ang sinab pa rin ni Bersamin.

Aniya pa, ang pagkakaalis ng Pilipinas mula sa “grey list” ay nagresulta mula sa multiple moves “to finally dismantle structures that could be exploited by money launderers and terrorism financiers.”

Ang pagkakaalis ng bansa mula sa grey list ay malapit na rin dumating sa dalawang taon matapos na ipalabas ni Pangulong Ferdinand Marcos Kr., ang isang Executive Order (EO) No. 33 noong Hulyo 2023.

Ang EO ay nagsilbi bilang roadmap para sa pagtugon ng action plan na ipinatupad ng FATF.

“This seal of good financial housekeeping benefits overseas Filipinos as it would make cross-border transactions faster and cheaper as layers of compliance barriers are removed,” ang sinabi ni Bersamin.

“This hard-fought administration win in its battle against money laundering will be preserved and protected through consistent compliance with global standards,” ang sinabi pa rin nito.

Samantala, inilarawan naman ni Finance Secretary Ralph Recto ang desisyon ng FATF bilang “a significant step for the country to secure a credit rating upgrade under the Marcos Jr. administration.”

“By upholding the highest standards of financial governance, we will attract more foreign direct investments and expand more trade partnerships that will help accelerate economic growth. With this momentum, our next goal is clear—a credit rating upgrade within the Marcos Jr. administration,” ang sinabi ni Recto.

Ang Department of Finance (DOF), sinabi ni Recto ay may mahalagang papel sa tagumpay na ito bilang isang miyembro ng National Anti-Money Laundering/Counter-Terrorism Financing/Counter-Proliferation Financing Coordinating Committee (NACC), ang inter-agency body na responsable para sa pangangasiwa ng National AML/CTF/CPF Strategy (NACS) at paggabay sa implementasyon sa mga kaugnay na ahensya. (Daris Jose)

PAOCC, hiniling sa BI na ihinto na ang connecting flights kapag nagde-deport ng mga POGO worker

Posted on: February 24th, 2025 by Peoples Balita No Comments

HINILING ng Presidential Anti-Organized Crime Commission (PAOCC) sa Bureau of Immigration na pigilan ang mga manggagawa ng gaming operators na lisanin ang bansa sa pamamagitan ng connecting flights.

Ang katwiran ng PAOCC, may ilang tumatakas sa proseso ng deportasyon.

Sinabi ni PAOCC Spokesperson Winston Casio, hindi sila papayag na magkaroon pa ng transit flights mula Pilipinas.

“Pinagbigay alam namin ‘yan sa Immigration. Yung ibang Chinese matatalino, kumukuha ng ticket for deportation. Manila-Kuala Lumpur, Manila-Macau-Shanghai. Pagdating ng Macau, pagdating ng Kuala Lumpur, hindi na pumapasok sa connecting flight pauwi sa China. Bawal yun. As far as China is concerned, ang kailangan ay direct flight,” ang sinabi ni Casio.

“We made a plea with the Bureau of Immigration. The unit that deports… We made a plea to them, do not allow transit flights for deportation if it is via voluntary deportation, via departure, or via summary deportation especially if they are Chinese,” aniya pa rin.

Ang gobyerno aniya ng Tsina ay mayroong extraterritorial provision na nagsasaad na ang kanilang mga mamamayan ay makagagawa rin ng kahalintulad na krimen at daranas ng consequences kahit pa nakagawa sila ng krimen ng pagsusugal sa labas ng kanilang bansa.

“Kapag nag-iimbestiga sila sa China, kung anumang resulta ng kanilang imbestigasyon binabalik nila sa commission. Binibigyan nila kami ng copy ng report kaya nahahabol namin dito sa Pilipinas ang kanilang mga boss. It’s very important that they should be set back directly to China,” ani Casio.

Nauna rito, sinabi ng PAOCC na gumasta ito ng P210 milyong piso sa nakalipas na dalawang taon para sa detensyon ng mga manggagawa ng Philippine Offshore Gaming Operators na inaresto mula nang magsimula ang paglansag dito (POGO) noong 2023.

“As of February 14’, may 12 kaso ang isinampa laban sa POGO personalities, habang 8 na ibang kaso naman ang sumasailalim sa preliminary investigation, base sa data mula sa PAOCC.

Samantala, sinabi ng ahensiya na naghahanda na ito ng 13 iba pang kaso na iniuugnay sa illegal gambling operations sa bansa. (Daris Jose)

Sa harap ni PBBM: Veteran journalist na si Jay Ruiz, nanumpa na bilang bagong hepe ng PCO

Posted on: February 24th, 2025 by Peoples Balita No Comments

OPISYAL nang nanumpa sa harap ni Pangulong Ferdinand Marcos Jr. ang Veteran journalist na si Jay Ruiz bilang bagong Kalihim ng Presidential Communications Office (PCO).

Pinalitan ni Ruiz si dating PCO Acting Secretary Cesar Chavez na nagbitiw sa tungkulin matapos aminin na nagkulang siya sa kung ano ang dapat asahan sa kanya.

Nagsumite si Chavez ng kanyang irrevocable resignation kay Pangulong Marcos Jr. noong nakaraang Pebrero 5, 2025.

Sa kabilang dako, sa pakikipag-usap sa mga mamamahayag, nangako naman si Ruiz na lalabanan ang disinformation at ipalalaganap sa publiko ang mga proyekto ng administrasyong Marcos.

Samantala, itinalaga at nanumpa naman si Atty. Claire Castro bilang Undersecretary ng PCO na may karagdagang tungkulin bilang Palace Press Officer. (Daris Jose)

LTO, mahaharap sa P1.27-B disallowance na may kinalaman sa online portal system project- COA

Posted on: February 24th, 2025 by Peoples Balita No Comments

IPINAG-UTOS ng Commission on Audit (COA) sa Land Transportation Office (LTO) na tugunan ang audit findings kaugnay sa proyekto nito kasama ang Dermalog o mahaharap ito sa disallowance of payments na nagkakahalaga ng P1.27 billion.

Ang Dermalog – isang German information technology contractor – ang nasa likod ng online portal Land Transportation Management System (LTMS) ng ahensiya.

Sa isang liham na ipinadala ng COA na may petsang Nov. 29, 2024, nakasaad na ang notice of suspension ay tumutukoy sa Road IT Infrastructure Project – Component A o LTMS ng LTO.

“The Audit Team has yet to receive the complete compliance and/or justifications from the Management on these noted observations/issues on the aforesaid [Audit Observation Memorandum],” ang mababasa sa liham para sa LTO.

“On May 21, 2024 and November 26, 2024, the Audit Team issued two follow-up letters to the LTO but still no response has been given by Management as of this date, hence, the issuance of this Notice of Suspension,” dagdag pa nito.

Sinabi ng COA na sinuspinde nito ang pag-audit ng ilang items sa LTMS project sa pagitan ng 2019 at 2022 matapos na ang LTO di umano’y hindi nagsumite ng tugon nito sa AOM.

Ang natuklasan ay base sa assessment ng 13 Technical Evaluation and Inspection Reports (TEIRs) na may petsang mula March 13 hanggang September 13, 2023.

Natuklasan din ng COA na mayroong “incomplete submission of documents, non-compliance with contract requirements, and issues on data and linkages.”

“Items suspended in audit, which are not settled within 90 days from receipt hereof shall become a disallowance pursuant to Section 82 of P.D. 1445 and COA Circular No. 2009-006 dated September 15, 2009, prescribing the Rules and Regulations on Settlement of Accounts,” ang nakasaad sa liham.

Kinokonsidera naman ang LTMS bilang cornerstone ng five-year IT modernization program ng LTO upang maging episyente ang ahensiya at bigyan ang mga kliyente ng kaginhawaan sa online service.

“The system’s portal is a one-stop online shop that seeks to integrate all LTO services in a single contact-less database system and digital platform,” ayon sa ulat.

Matatandaang, Marso ng nakaraang taon, sinabi ng LTO na pinag-aaralan nitong mabuti ang posibilidad na magpapawalang bisa sa kontrata sa Dermalog. (Daris Jose)

Pinas, Japan pinag-usapan ang pagpapalakas ng bilateral defense cooperation

Posted on: February 24th, 2025 by Peoples Balita No Comments

NAGPULONG sina Defense Secretary Gilberto Teodoro Jr. at kanyang Japanese counterpart na si Gen Nakatani, araw ng Lunes para pag-usapan at galugarin ang mga paraan para isulong ang strategic defense partnership ng dalawang bansa.

“The visit is the best proof that bilateral relations, to include defense and security relations between Japan and the Philippines, are robust, enduring and strong,” ang sinabi ni Teodoro sa kanyang opening remarks sa isinagawang ministerial meeting.

“We look forward to the discussions into even enhancing our partnerships with the shared values of a rules-based international order, a free and open Indo-Pacific, a resilient Japan and the Philippines against unilateral attempts by China and other countries to change the international order and the narrative,” ang sinabi pa rin ng Kalihim.

Ang Pilipinas at Japan, kapwa long-time allies ng Estados Unidos, may malakas na paninindigan laban sa pagpupumilit ng Tsina ng territorial claims nito sa rehiyon, kabilang na ang South China Sea at East China Sea.

Isang reciprocal access agreement (RAA) sa pagitan ng Maynila at Tokyo ang kasalukuyang naghihintay ng ratipikasyon sa Japan, na magbibigay ng basehan para sa kooperasyon sa pagitan ng mga tropa ng dalawang bansa, kahalintulad ng Visiting Forces Agreement (VFA) sa pagitan ng Pilipinas at Estados Unidos.

“As the regional and international security environment have become increasingly complex and intensified, there is an increasing need for Japan and the Philippines to further enhance defense cooperation and collaboration,” ang sinabi naman ni Nakatani sa kanyang opening remarks.

“Under such harsh security environment, I look forward to a deep strategic discussion with you from the broader perspective,” dagdag na wika nito.

Nauna rito, araw ng Linggo, magkasamang binisita nina Teodoro at Nakatani ang pangunahing military bases sa Luzon.

Binigyan naman si Nakatani ng guided tour ng operational capabilities at nagpapatuloy na defense initiatives sa Basa Air Base sa Floridablanca, Pampanga.

Ininspeksyon din ng dalawang defense leaders ang fuel storage facility, air missile defense system training centers, hangars, at FA-50PH flight simulator sa air base.

Binisita rin ng mga ito ang Wallace Air Station sa San Fernando, La Union, kung saan ikinabit ang unang fixed air surveillance radar system mula sa Japan.

Ang air surveillance radar system ay bahagi ng radar project ng Philippine Air Force (PAF) na mayroong Japanese electronics firm Mitsubishi Electric Corporation na nagkakahalaga ng P5.5 billion para sa apat na radar units—tatlong fixed at isang mobile.

Ang mobile radar platform ay pansamantalang inilagay sa Wallace Air Station.

“Any radar system right now, given we have an archipelagic country, is important because the domain extends far beyond our land borders and we have to know if there is any activity within our EEZ… We definitely need to acquire more radars,” ang sinabi ni Teodoro.

Tinuran pa ng Kalihim na “the radar systems will further develop, enhance and sustain the Philippines’ air and maritime domain awareness.”

“Domain awareness is extremely important so that we have a picture of what is happening on the airspace within our air defense identification zone,” ang sinabi ni Teodoro.

Samantala, sinabi ng PAF, isang panibagong fixed radar mula Japan ang inihatid sa Pilipinas nito lamang Enero ng taong kasalukuyan. Ang final technical inspection and acceptance (TIA) ng radar system ay nakatakda sa Mayo.

Ang huling fixed radar ay inaasahan na ihahatid sa fourth quarter ng taon. (Daris Jose)

DepEd, bumili ng 87M learning materials para sa alternatibong edukasyon

Posted on: February 24th, 2025 by Peoples Balita No Comments

BUMILI ang Department of Education (DepEd) ng mahigit sa 87 million learning modules at 74,492 tablets para suportahan ang mga mag-aaral sa buong bansa sa ilalim ng Flexible Learning Options (FLO) fund.

Sinabi ng DepEd na ang early procurement activities (EPA) ay mapakikinabangan ng mahigit sa 300,000 mag-aaral sa high-and medium-risk areas sa iba’t ibang lugar sa 16 na rehiyon, pagtiyak na mayroon silang kakailanganing gamit para ipagpatuloy ang kanilang edukasyon sa pamamagitan ng alternative modalities.

“These learning resources are designed to support learners who are studying independently, allowing them to learn at their own pace and make adjustments as needed,” ayon kay DepEd Secretary Sonny Angara.

“We made a commitment to fast-track learning resources, and we are making good on that promise. EPA is more than just a procurement strategy. It is a game-changer in making sure no learner is left waiting,” dagdag na wika ng Kalihim.

Namahagi naman ang Bureau of Alternative Education (BAE) ng 2.975 milyong modules at 330,000 session guides sa iba’t ibang bahagi ng bansa.

Idagdag pa rito, may P115 million ang inilaan para makapagbigay sa mga rehiyon para sa pagpaparami ng locally developed modules, kabilang na rito ang 41 Accreditation and Equivalency (A&E) Elementary modules at 41 A&E Junior High School (JHS) modules.

Mahigit naman sa 300 Alternative Learning System (ALS) implementers ang dumaan sa specialized training, suportado ng UNESCO, upang masiguro ang epektibong gamit ng mga resources na ito.

Nag-aalok naman ang FLO program ng Alternative Delivery Modes (ADMs) at ALS.

”ADMs offer a menu of alternative learning delivery approaches and programs that cater to learners enrolled in the formal system but for various reasons are at risk of dropping out. It follows the K to 12 curriculum but does not follow the traditional classroom setup. It allows learning through modular distance learning, online distance learning, blended learning, the Open High School System, Night High School, Rural Farm School, and Homeschooling,” litanya nito. (Daris Jose)