2025 March 18 Archive - People's Balita

May 13, 2025
Search in People's Balita
Ang Diyaryong Pinagkakatiwalaan

Archive for March 18th, 2025

PANGANGAILANGAN AT BENEPISYO NG BUMBERO, FIRE RESCUER AT VOLUNTEERS ISUSULONG NG ABP

Posted on: March 18th, 2025 by people's balita No Comments

PAGTUTUUNAN ng pansin ng Ang Bumbero ng Pilipinas (ABP) ang mga pangangailangan at benepisyo ng mga bumbero, fire rescuers at volunteers, na mga unang tumutugon kung may nagaganap na sunog.

Ayon kay Dr. Jose Antonio “Ka Pep” Goitia, first nominee ng ABP Party list na malaking sakripisyo ng mga ito na makapagligtas ng buhay ng iba sa pamamagitan ng pagresponde at pagsuong sa panganib at hindi alintana ang usok, init at posibeng pagguho ng gusali kapag may sunog subalit kung sila mismo ang naaksidente ay napapabayaan sila ng sistemang kanilang pinaglilingkuran. .

“Dapat ng pagtuunan ng pansin ang ganitong sitwasyon at hindi dapat ipagwalang-bahala lalo na sa panahong sila naman ang lubos na nangangailangan ng tulong kaya marami kaming mabigyang ng pansin ang kalagayan ng mga fire and rescue volunteers” ayon kay Goitia.

Dahil dito, nararapat lamang umano na matugunan ang kanilang mapanganib na kondisyon sa pamagitan ng sapat na hazard pay, sapat na insurance coverage para sa kanilang pagpapagamot, maayos na life at accident insurance.

Isusulong din ng ABP partylist ang pagpapatupad ng Firefighters’ Protection and Welfare Fund na magtitiyak na makakatanggap ng libreng pagpapagamot, benepisyo sa ospital at pinansyal na tulong ang mga bumbero, fire rescuers at volunteers na nasugatan habang rumeresponde sa mga sunog. Kabilang din dito ang panukalang disability support at mental health care para sa mga nakaranas ng trauma sa pagtupad sa kanilang tungkulin, gayundin ang maayos na pagsasanay at tuloy-tuloy na training at de-kalidad na mga kagamitan.

“Dapat na tratuhin silang mga bayani at hindi sapat na tawagin lamang silang bayani. Hindi sila nagdadalawang- isip na isugal ang kanilang buhay para sa mga taong hindi nila kilala.Ang pinakamaliit na magagawa natin ay kung sila ay nasasaktan, may sistema na aalalay sa kanila at ipakita na ang kanilang pagsasakripisyo ay may halaga” ayon pa kay Goitia. (Gene Adsuara)

RED TAGGING, DEEPFAKE AT ILLEGAL CAMPAIGNING, IIMBESTIGAHAN NG COMELEC

Posted on: March 18th, 2025 by people's balita No Comments

IIMBESTIGAHAN ng Commission on Elections ang mga napaulat na red tagging, paggamit ng deepfake at illegal campaigning.

Ayon kay Comelec Chairman George Erwin Garcia, susuriin ng Komisyon ang report ng Kontra Daya at Vote Report Philippines at ikukumpara ang naturang ulat sa record ng Comelec.

Tiniyak ni Garcia na mananagot ang lahat nang lumabag sa panuntunan o campaign rules.

Kaisa rin aniya ang Comelec ang mga advocacy group ang Comelec sa paglaban sa lahat ng discriminatory acts and utterances sa panahon ng election.

Sa report ng Vote Report Philippines, nakakalap ng red-tagging at illegal campaigning gamit ang deepfakes sa pagpapakalat ng making impormasyon, tinukoy ang mga biktima ng red-tagging ang mga progressive senatorial at partylist candidates.

Samantala ngayong araw, ang Comelec sa pangunguna ni Chairman Garcia kasama ang mga Commissioner, Chief PNP General Rommel Francisco Marbil ay magsasagawa ng candidates’ forum at signing ng peace covenant sa 6th Infantry (Kampilan) Division ng Philippine Army, sa Camp BGEN Gonzalo H Siongco, Awang Datu Odin Sinuat, Maguindanao del Norte.

Sasaksihan ang aktibidad ng mga election watchdog na Parish Pastoral Council for Responsible Voting (PPCRV), National Citizens’ Movement for Free Elections (NAMFREL) at Legal Network for Truthful Elections (LENTE). (Gene Adsuara)

Palasyo nagpasaklolo sa media vs fake news

Posted on: March 18th, 2025 by @peoplesbalita No Comments

UMAPELA sa mga miyembro ng Media ang Palasyo ng Malakanyang na makipagtulungan para labanan ang talamak na fake news na kumakalat sa social media.

Sinabi ni Palace Press Officer Undersecretary Atty. Claire Castro, na sa dinami-rami ng kumakalat na fake news ay malaki ang maitutulong ng mainstream media para mag-fact check dahil mayroon silang mga kredibilidad.

Dapat din aniyang malaman ng taongbayan na lahat ng lumalabas ng mga fake news ay dapat maputol, hindi lang sa isyu ng extrajudicial killings o EJK kundi maging mga fake news na pumapabor kay dating Pangulong Rodrigo Duterte.

Dapat ipakita rin ng mainstream media at maging ng social media kung ano talaga ang kalagayan ng mga biktima at mga pamilya ng mga biktima ng EJK dahil sila rin naman ay mga Pilipino.

Kasabay nito, patuloy rin aniyang pag-aaralan ng pamahalaan kung kailangan nang masampolan ang mga nagpapakalat ng fake news habang nakikipag-ugnayan na rin sila sa National Bureau of Investigation (NBI) at mga otoridad tungkol sa nasabing isyu.

17-anyos na runner sa Australia nagtala ng record

Posted on: March 18th, 2025 by @peoplesbalita No Comments

MULING pinatunayan ng 17-anyos na Australian sprinter na si Gout Gout na siya pa rin ang pinakamabilis na 200 meter runner.

Sa pagsabak nito sa Queensland State Championship ay nagtala ito ng 20.05 seconds na pagtakbo.

Ang nasabing oras ay mas mabagal pa ng 0.01 segundo.

Sa final ay siya ang tinanghal bilang kauna-unaang Australian na nakabasag ng 20 second barrier sa panalo nito na 19.98 segundo.

Sinabi nito na hindi siya makapaniwala na makakapagtala ito ng record sa kanilang bansa.

Nitong Sabado ay nagwagi na rin ito sa under-20 100 meter title sa Queensland State Championship na mayroong 10.38 segundo.

Susunod na pagsabak nito ay sa Maurie Plant Meet sa Melbourne sa darating na Marso 29.

Spanish tennis star Carlos Alcaraz sinisi ang sarili sa pagkakabigo sa Indian Wells

Posted on: March 18th, 2025 by @peoplesbalita No Comments

SINISI ni Spanish tennis star Carlos Alcaraz ang sarili matapos ang pagkatalo sa Indian Wells tennis.

Tinalo kasi siya ni Jack Draper ng United Kingdom sa score na 6-1, 0-6, 6-4 sa ikatlong round ng laro.

Dahil sa pagkatalo ay nawala na ang pangarap nitong makasama sina Roger Federer at Novak Djokovic na tanging mga manlalaro na nagwagi ng tatlong sunod na titulo sa California desert.

Dagdag pa ng 21-anyos na tennis star na may ilang adjustments na itong ginagawa para sa mga susunod na torneo na kaniyang sasalihian.

Obiena nagtapos sa pang-walong puwesto sa Mondo Classic

Posted on: March 18th, 2025 by @peoplesbalita No Comments

NAGTAPOS sa pang-walong puwesto si Filipino Olympian at pole vaulter EJ Obiena sa Mondo Classic na ginanawa IFU Arena sa Sweden.

Walang kapagod-pagod si Obiena sa unang dalawang bars sa 5.50 at 5.65 meters pero bigo ito sa ikatlong pagsubok sa 5.80 meters.

Nanguna naman si world record holder Mondo Duplantis na nakamit nito ang 6.05 meters.

Pumangalawa naman si Emmanouil Karalis ng Greece na mayroong 6.00 meters at pangatlo naman si Sam Kendricks ng US na mayroong 5.90 meters.

Una ng inanunsiyo ni Obiena na hindi ito makakalaro sa World Athletics Indoor Championship dahil sa kakulangan ng competitions at nakatuon na lamang ito sa outdoor season.

PAGCOR, nangako ng P300M grant para i-upgrade ang mga pasilidad ng PNPA

Posted on: March 18th, 2025 by @peoplesbalita No Comments

NAKATAKDANG magkaloob ang Philippine Amusement and Gaming Corp. (PAGCOR) ng P300 million na financial grants sa Philippine National Police Academy (PNPA), para tustusan ang pagsasaayos ng mga pasilidad nito at magbigay ng advanced training para sa mga kadete nito.

Sinabi ng PAGCOR, saklaw ng grant ang konstruksyon ng PNPA Alumni Association building na magsisilbi bilang administrative office at dormitoryo para sa mga bumibisitang alumni, at pag-upgrade sa Crime Scene Plaza ng PNPA na magsisilbi namang training ground para sa ‘forensic at investigative procedures.’

Ayon sa PAGCOR, popondohan nito ang pagbili ng firearms training simulators, at tulungan ang PNPA na makakuha ng ‘mapping at predictive policing software para suportahan ang pagsasanay sa ‘crime analysis, visualization, at prevention.’

“While PAGCOR’s primary role is to regulate the gaming industry, we also have a responsibility to support institutions like the PNPA and the national police. The law enforcement community has always been our top priority,” ang sinabi ni PAGCOR chairman and chief executive officer Alejandro Tengco.

“Technology is now a crucial aspect of law enforcement, and our cadets must have access to modern facilities and training innovations that will allow them to combat crime more effectively,” ang sinabi pa rin nito.

Tinurn over naman ni Tengco ang mahigit sa P2.2-million check sa PNPA Alumni Association Inc. (PNPAAAI) na magpopondo para sa pagbili ng bagong service vehicle, at 100 tablets para tumulong sa pangangailangan sa pag-aaral ng ga kadete.

Nakapagtala naman ang PAGCOR ng P112-billion na revenue o kita noong 2024, dahilan para umabot at tumaas ang net operating income ng 51% sa P84.97 billion, at ang net income sa P16.76 billion. (Daris Jose)

‘No cause for investors’ alarm matapos arestuhin si dating PDU30

Posted on: March 18th, 2025 by @peoplesbalita No Comments

WALANG dahilan para mag-alala ang mga investor sa kabila ng ‘political tensions’ kasunod ng pag-aresto kay dating Pangulong Rodrigo Roa Duterte sa bisa ng International Criminal Court (ICC) warrant kaugnay sa di umano’y crimes against humanity.

Sa press briefing sa Malakanyang, sinabi ni Palace Press Officer at Presidential Communications Office Undersecretary Claire Castro na pinahahalagahan ng mga foreign investors ang bansa at lider na sumusunod sa tuntunin ng batas.

“Hindi po naalarma ang administrasyon patungkol po sa investors dahil ang mga foreign investors po ay mas gusto po nila na ang bansa at ang mga lider ay sumusunod sa batas,” ayon kay Castro.

Inakusahan si Duterte na sangkot sa pagpatay sa mga drug suspect nang siya ay Alkalde pa lamang ng Davao City at Pangulo ng Pilipinas.

Sa kabilang dako, binasura naman ni Castro ang alalahanin ng publiko na ang ICC case ay magsisilbing hadlang sa mga foreign investors, iginiit nito na hindi nila sinusuportahan ang mga lider na nagbibigay suporta sa mga indibiduwal na sangkot sa seryosong krimen.

“Hindi po nagkakanlong ng mga tao na involved po lalong lalo na sa crimes against humanity, specifically murder. Hindi po ina-ayunan talaga ‘yan ng mga foreign investors,” ang sinabi ni Castro. (Daris Jose)

Matapos arestuhin si dating PDU30… PBBM, hindi balat- sibuyas sa mga pambabatikos at kritisismo – Malakanyang

Posted on: March 18th, 2025 by @peoplesbalita No Comments

HINDI balat- sibuyas si Pangulong Ferdinand ‘Marcos Jr. sa gitna ng kaliwa’t kanang bira sa kanya kasunod ng pag-aresto kay dating Pangulong Rodrigo Roa Duterte.

Sa press briefing sa Malakanyang, nilinaw ni Palace Press Officer at Presidential Communications Office Undersecretary Claire Castro ang pagkakaiba ng free speech at inciting to rebellion o sedition lalo pa’t may mga isinasagawang pagtitipon na nagpapakita ng suporta kay Duterte.

”As we can say, the president is not onion skinned, okay. Usually po, hindi po siya nadadala ng ganyan pero kapag po nandoon na po iyong elemento ng inciting to sedition which is of course without any tumultuous uprising but they are encouraging people to sow hatred to the government, to the President then we have to step up,” ang sinabi ni Castro.

Tiniyak nito na kagyat na maghahain ng kaso o reklamo ang gobyerno kung kinakailangan.

“But as of the moment, there is no indication on the part of the President that he will do that,” giit ni Castro.

Aniya pa, ang normal lamang ang protest actions na ginagawa bilang pagpapakita ng suporta kay Duterte kaya nga walang balak ang gobyerno na pigilan ang mga ito sa kanilang mga aktibidad gayunman, kailangan lamang na ang mga protest actions ay hindi naka-aalarma.

”Hindi po natin mawawala sa kanilang damdamin, iyan po ay normal dahil mayroon pong naging pangyayari sa kanilang malamang iniidolo at panatiko po sila ng isang leader,”ayon kay Castro.

”Hindi po natin pipigilan ang pagsasabi ng kanilang mga damdamin huwag lang po sigurong lalagpas na magkakaroon po ng alarma at masasabi po natin na iyan po ay sedition or inciting to sedition na po,” aniya pa rin.

Sa ulat, hindi mahulugan ng karayom ang mga pumunta sa isinagawang rally nitong Linggo, Marso 16, sa Davao City upang ipakita ang suporta kay dating Pangulong Duterte, habang ito’y nakakulong sa International Criminal Court (ICC) sa The Hague, Netherlands.

Mahigit 30,000 na mga taga-suporta ng dating pangulo ang nagtipon para sa isang solidarity walk bilang pag-tutol sa kanyang kamakailang pag-aresto kaugnay sa umano’y mga kasong crimes against humanity sa kanyang madugong ‘war on drugs’.

Nagsimula mag-martsa ang mga taga-suporta ni Duterte sa CM Recto street at nagtapos sa San Pedro Square na sinundan naman ng prayer rally.

Habang suot ng mga ito ang itim na t-shirt bilang pagpapakita na sila ay nagdadalamhati. Bitbit din ng mga lumahok sa rally ang mga banner na may mensaheng ‘I STAND WITH FPRRD’ at ‘BRING FPRRD BACK HOME’.

Maalalang noong Sabado pinangunahan ni Vice President Sara Duterte ang mga pagsusumikap upang ipagtanggol ang kanyang ama na nagdulot naman ng mga diskusyon hinggil sa sa mga pananagutan ng dating Pangulo.

Nitong linggo sinabi ng pambansang kapulisan na nakabantay ang kanilang hanay hinggil sa mga aktibidad na ginagawa ng mga taga-suporta ni FPRRD at sinabing naging maayos ang rally at ‘walang naitalang major untoward incidents.

Kahapon matatandaan na nagsimula ang rally sa isang motorcade sa iba’t-ibang lugar sa Metro Manila, at sinundan ito ng vigil at interfaith prayer.

Samantala, unang nasilayan si dating PDU30 sa ICC noong Biyernes via video link mula sa isang detention center kung saan sa ginanap na hearing, kinumpirma ng Pre-Trial Chamber I ang kanyang pagkakakilanlan at tiniyak na lubos na naunawaan ang mga kasong iniuugnay laban sa kanya at ang kanyang mga karapatan sa ilalim ng Rome Statute ng ICC.

Habang itinakda naman ng chamber ang susunod na hearing para sa confirmation ng mga kaso ni Duterte sa Setyembre 23, 2025. (Daris Jose)

Hamon ng Malakanyang sa dating Presidential Spokesperson, umuwi na ng Pinas… HARRY ROQUE, MAGHAHAIN NG ASYLUM APPLICATION SA NETHERLANDS

Posted on: March 18th, 2025 by @peoplesbalita No Comments

HINAMON ng Malakanyang si dating presidential spokesperson Harry Roque na bumalik na ng Pilipinas matapos na lumutang at magpakita sa The Hague sa The Netherlands.

Hiningan ng komento si Palace Press Officer at Presidential Communications Office Undersecretary Claire Castro hinggil sa pagpapakita ni Roque sa The Netherlands simula nung lumipad siya ng bansa matapos idawit sa operasyon ng Philippine Offshore Gaming Operators (POGO).

”I cannot speak [on] behalf of the quad comm, [on] behalf of the House of Representatives because it’s the arrest warrant ng House ang hindi napapatupad dahil po sa pagtatago ni Atty. Harry Roque,” ayon kay Castro.

”Mas maganda po siguro na i-challenge po natin siya na siya po ‘yung umuwi kasi di ba ‘Bring Home, FP Duterte,’ so siguro mas magandang isigaw po rin ng mga tao, ‘Bring Home Roque,” aniya pa rin.

Bukod kay Castro, nauna nang hinamon ni National Bureau of Investigation (NBI) Director Jaime Santiago si Roque na lumantad bago umano himukin ang publiko na tumungo sa EDSA at maglunsad ng panibagong People Power laban sa kasalukuyang administrasyon.

Ayon sa NBI chief, niloloko na lamang ni Roque ang kanyang mga tagasuporta sa social media dahil mismong siya ay nagtatago mula sa mga awtoridad.

Una nang napaulat ang pag-eskapo ni Roque papuntang ibang bansa matapos na maglabas ng arrest warrant ang House Quad Committee laban sa kanya noong nakaraang taon kaugnay sa ilegal na operasyon ng POGO sa Porac, Pampanga.

Naniniwala naman si Santiago na hindi kailangang humantong sa pag-aaklas para maresolba ang kung anumang problema ng bansa.

Aniya, gumagana ang legal system sa gabay na rin ng Korte Suprema.

Samantala, sa isang Facebook live kahapon ay inihayag ni Roque na maghahain siya ng asylum application sa Netherlands.

“I’m formally announcing that after a meeting today, I’m filing formally for asylum here at the Netherlands,” ani Roque sa isang Facebook live. (Daris Jose)