PINAHAYAG ng Department of Transportation (DOTr) na pinahaba na ang oras ng operasyon ng Metro Rail Transit 3 (MRT 3) simula noong Lunes.

     Ayon sa DOTr ay kanilang dinagdagan ng madaming trains ang tumatakbo sa peak hours ng operasyon nito upang magkaroon nang mas mabilis na karanasan sa pagsakay ang publiko.

     Sa isang advisory ay sinabi ng DOTr na ang Southbound sa istasyon ng North Avenue ay magsasara ng 10:25 ng gabi habang ang Northbound sa istasyon ng Taft Avenue ay magsasara ng 11:04 ng gabi.

     Ang unang train ng MRT 3 ay aalis ng estasyon ng 4:30 ng umaga at 5:05 ng umaga sa Southbound at Northbound, respectively.

     Ginawa ang sinabing pinahabang oras ng operasyon ng MRT 3 matapos na magkaron ng inspeksyon si DOTr Secretary Vince Dizon sa mga estasyon ng Taft, Ayala at Shaw na ginawa noong nakaraang March 17.

     Ang MRT 3 ay isang 16.9 kilometrong rail line na may 13 istasyon na bumabagtas sa kahabaan ng EDSA mula sa North Avenue sa lungsod ng Quezon hanggang sa istasyon nito sa Taft Avenue sa lungsod ng Pasay.

     Samantala, sa isang pahayag ni Dizon ay kanyang sinabi na optimistic siya na magiging maganda ang sektor ng rail matapos niyang ilatag ang mga pangunahing proyekto sa transportasyon lalo na ang high-capacity mass transit system. Naniniwala siya na ang pag sasapribado ng mga kritikal na mga infrastructure sa transportasyon ay isa sa mga estrahiya na dapat ay tutukan ng pamahalaan.

     “A high-capacity mass transport system is a public transportation network designed to carry a large number of people as quickly and efficiently as possible. It could be trains, subways and buses, the transport modes that help reduce traffic and make travel faster and more reliable,” wika ni Dizon.

     Ayon kay Dizon na kapag nagawa ang mga plano sa mga modernisasyon ng mga nasabing proyekto sa pamamagitan ng public-private partnerships (PPPs), ito ay isang magandang development para sa mga motorista.

     Subalit ayon sa kanya na kahit na may mga developments sa mga nakaraang taon, sa tingin niya ay may kulang pa rin ito upang maging maunlad ang mga mass transit systems sa bansa dahil mabagal pa rin  tayo  sa pag-usad at  nahuhuli pa rin kumpara sa mga karating nating bansa sa Southeast Asia. Naniniwala siya na ang problema ay dahil sa right-of-way, red tape at mga financial constraints na siyang nakakasagabal at nakakapag-pabagal sa pagkakaron ng isang progresibong ekonomiya.

     Dagdag niya na ang isang efficient na transportation network ay malaki ang matutulong upang magkaroon ng pag-usad sa ating ekonomiya na siyang magsisilbing tulay upang pagdugtungin ang mga lugar na rural at urban areas na siyang makakatulong upang magkaroon ng madaming trabaho, mabilis na kalakalan at makapagbigay ng komportableng karanasan sa paglalakbay ang mga tao.

     “This is a stark contrast with the case in Metro Manila, as it remains heavily reliant on road transport, a situation highly susceptible to congestion and delays. The most glaring example of this is what happening daily on its main thoroughfare – EDSA. The impact of this on our economy has been substantial, with billions of pesos lost daily due to traffic gridlocks. Various solutions have been attempted, but the core issue remains which is congestion,” saad ni Dizon.

     Dahil dito, si Dizon ay naniwala na ang kailangan ng bansa ay mga high-capacity mass transit projects na siyang magsisilbing susi upang magkaron ng matagumpay na reporma sa trapiko lalo na sa mga pangunahing lungsod ng bansa.

     Ganon pa may ay kanyang sinabi na ang Pilipinas ay may sistema ng transportasyon na malayo pa sa mga bansang mauunlad tulad ng Japan at Singapore subalit umaasa pa rin siya na ang mga proyekto sa sektor ng rail ay uusad sa panahon ni Presiden Ferdinand Marcos, Jr. LASACMAR

NAGDAOS ng kanyang State of the District Address si Quezon City 1st. District Representative Juan Carlos “Arjo” C. Atayde nitong lunes Marso 24, 2025 sa SM North Edsa Sky Dome sa Quezon City.

Makailang beses napaluha ang mambabatas ng dahil sa mataas na emosyon na dala naman ng labis na kagalakan at pasasalamat sa kanyang mga nasasakupan.

Sa kanyang ulat, inilahad ni Atayde ang mga accomplishment ng kanyang tanggapan sa usapin ng kalusugan, kaunlaran, palakasan at edukasyon.

Maging ang mga proyektong pang imprastraktura upang mabawasan, kung di man mawala ang pagbaha sa distrito uno lalo pa sa panahon ng tag-ulan. Inilatag na rin ni Atayde ang mga proyektong gumugulong na ngayong 2025.

Dumalo sa nasabing ulat sa distrito bilang panauhing pandangal si ACT-CIS Representative Erwin Tulfo upang ipakita ang suporta kay Atayde.

Pinasalamatan din ni Atayde ang lokal na pamahalaan ng Quezon City sa pangunguna ni Mayor Joy Belmonte at Vice Mayor Gian Sotto sampu ng mga konsehal sa distrito uno.

Sa pagwawakas ng kanyang talumpati, hinikayat ni Atayde ang kanyang mga constituents na samahan syang muli sa paglilingkod sa distrito uno upang maipagpatuloy pa ang mga magagandang proyekto sa kanyang mga nasasakupan. Sabi pa nya, “samahan nyo po ako sa round 2!” (PAUL JOHN REYES)

TINIYAK ni Pasig City Mayoralty bet Cezarah Rowena “Ate Sarah” Discaya na bibigyang-prayoridad niya ang karagdagang tulong para sa mga single parents at sa mga pamilyang may anak na may mental health conditions.

Ang paniniyak ay ginawa ni Discaya sa gitna ng patuloy na pagtaas ng presyo ng bilihin at serbisyo publiko sa mga persons with disability (PWD).

“Mahirap ang buhay ngayon. Kung ang mga regular na pamilya ay hirap sa taas ng bilihin, mas lalo na ang mga single parents na solong nagpapalaki ng anak, at ang mga magulang na may anak na may kondisyon tulad ng ADHD at autism,” ani Discaya.

Personal aniyang ramdam ang pangangailangan ng mga ADHD dahil mismong ang kanyang apat na anak may mental health conditions.

Sakaling mahalal, isusulong ni Discaya ang mas malaking medical assistance at serbisyo para sa mga batang may mental health challenges gayundin  din ang karagdagang benepisyo para sa mga single parent, kabilang ang mas mataas na diskwento sa mga pangunahing bilihin.