• May 20, 2025
  • Search in People's Balita

  • Ang Diyaryong Pinagkakatiwalaan

 

Archive for May 10th, 2025

Tagalized version ng ‘Picnic’, Mother’s Day offering ng Nathan Studios: CES at NOVA, pinalakpakan nang husto sa kahusayan sa pagganap

Posted on: May 10th, 2025 by @peoplesbalita No Comments
ISA na namang groundbreaking and moving movie na ‘Picnic’ ang hatid ng Nathan Studios na siguradong swak na swak sa panlasa ng mga Pinoy.
Unang pinalabas ang “Picnic” sa South Korea at dinirek ito ni Kim Yong-gyun. Ni-reimagine ng Nathan Studios ang pelikulang ito bilang isang Filipino-language movie.
Patuloy na pagiging tapat at consistent ng Nathan Studios sa commitment nito sa paghain ng mga kakaiba at de kalidad na istorya para sa mga Pinoy.
Kaya naman pinili nito ang “Picnic” bilang Mother’s Day offering ngayong 2025, na kasalukuyang pinalalabas sa higit 110 cinemas nationwide.
Sa pamumuno ni Ria Atayde na President at CEO ng Nathan Studios, binigyan nila ng distinct Pinoy flavor ang “Picnic” nang pinagsama-sama nila ang isang intergenerational cast na tiyak na kagigiliwan ng mga manonood.
Hatid ng “Picnic” ang mga tema na tunay na mahalaga para sa mga Pilipino gaya ng pagtanda, mga kumplikadong family dynamics, pakikipag-kaibigan, at ang paglalakbay ng mga kababaihan bilang mga ina.
Nakaaantig ang “Picnic” sapagkat pinapakita nito ang tunay na pagmamahalan na subok na ng panahon.
Gagampanan ng award-winning actress na si Ces Quesada ang papel ni Eun-sim. Markado ang paganap ni Ces puno ito ng quiet strength at vulnerability. Damang-dama namin ang kanyang pagganap kahit sa boses lang.
Isinalarawan naman ng mga early reviews ang voice acting ng Pinoy Big Brother: Gen 11 winner na Fyang Smith — na ginampanan ang younger version ni Eun-sim — bilang isang scene-stealer.
Tampok din ang industry legend na si Nova Villa, na gagampanan ang papel ni Geum-soon, ang childhood best friend ni Eun-sim. Kaabang-abang ang kakaibang performance ni Nova na talaga namang tutunaw sa puso ng mga manonood.
Pinalakpakan talaga ang husay nina Ces at Nova, na gumanap nga bilang matalik na magkaibigan.
Ang acting legend naman na si Bodjie Pascua ang kukumpleto sa central trio ng movie sa kanyang sensitibong paganap sa papel ni Tae-ho na haharapin ang kanyang mga nakatagong emosyon.
At gagampanan naman ng on-scren partner ni Fyang na si JM Ibarra ang papel ng batang Tae-ho na siyang nagbigay ng karagdagang lalim sa karakter.
Ang mga orihinal na aktor na tampok sa “Picnic” ay ang South Korean superstars na sina Na Moon-hee (Eun-sim), Kim Young-ok (Geum-soon), at Park Geun-hyung (Tae-ho).
Kinunan ito sa Pyeongsan-ri, Namhae-gun na isang tahimik na village sa South Gyeongsang Province, kung saan maraming lush visuals at serene rural landscapes na lalong nagpaganda sa pelikula.
Sa budget nitong 1.2 billion KRW ($911,000.00), USD$2.2M ang kinita ng original South Korean version ng “Picnic.”
Dalawang linggo pa itong nasa top spot ito ng independent at art-house box office charts ng South Korea at umani ito ng critical acclaim para sa sensitibong atake nito sa mga seryosong paksa.
Nominated din si Park Geun-hyung sa Best Supporting Actor category ng Baeksang Arts Awards — patunay sa husay ng pelikula.
At makikita pa rin ang husay ng pelikula sa Pinoy dub ng Nathan Studios sapagkat ramdam pa rin dito ang lumalalim na misyon ng studio: ang makapaghatid ng magagandang istorya na kumakausap sa puso ng bawat Pinoy.
Kilala ang Nathan Studios sa mga kakaibang content nito. Mapa-genre-defying series man o daring casting choices, o kakaibang storytelling directions, tiyak na hindi “play safe” ang Nathan Studios.
Sa kaso ng “Picnic,” muli nanamang naghahain ang Nathan Studios na binabali ang nakasanayang konsepto ng pamilya.
Habang hindi naman nabago ng Filipino-dubbed version ang istorya, ginawa naman nitong mas swak sa panlasang Pinoy ang pelikula, na siguradong marami ang makaka-relate.
Ang resulta ay isang viewing experience na pamilyar na pamilyar para sa lahat — ang pag-aalaga sa mga nakakatanda at pagpapahalaga sa mga kaibigan at pamilya.  Matatawa ka at malulungkot din habang pinapanood ang pelikula, na siguradong kukurot at sasapol sa ating puso.
Pinapakita ng pelikula kung paano mabuhay ng may tunay na pagmamahalan at sigurado kaming kapupulutan din ito ng maraming aral.

Para sa screening schedules, sundan ang @nathan.studios sa Instagram at bisitahin ang facebook.com/nathanstudiosinc

(ROHN ROMULO)

Miting de abanse sa Pandacan, dinumog ng Manilenyo: SAM, labis-labis ang pasasalamat kay RHIAN at sa mga sumuporta

Posted on: May 10th, 2025 by @peoplesbalita No Comments

MALAKI ang pasasalamat ni Sam Verzosa na tumatakbong Mayor ng Maynila, sa kanyang girlfriend na si Rhian Ramos sa walang katapusan nitong suporta habang nangangampanya.

Sa kanyang Facebook post mababasa ang mensahe niya…
“Thank you boo Rhian Ramos, kahit Bumuhos ang ulan, Buhos din ang Pagmamahal mo sa mga Manilenyo 😍❤️
“salamat sa pagbisita mo sakin dito sa mga Caucus ko. 👌🏼 madami kang napasayang mga kababayan ko ☺️”
Dinagsa naman ng supporters ang rally ni SV para sa taga-Sampaloc na ginanap sa Plaza Noli, ang lugar na kanyang kinalakihan, kaya naman damang-dama niya ang pagmamahal at suporta.
Ayon pa sa post ni SV, “Maraming salamat po muli sa walang humpay na suporta ng ating mga kababayan. Ilang araw na lang at election na, ipanalo po natin ang kinabukasan ng ating lungsod ng #MAYNILA.
“Ang panalo pong ito ay para sa bawat Manileñong nagnanais ng kaginhawaan sa buhay.
“Pagbabago at Malinis na Gobyerno. Para sa Bagong Maynila💫
#11SaBalota #SamVerzosaManila #SVManila 🧡🧡🧡 (three orange hearts icon)
Biyernes nang gabi, Mayo 9, ginanap ang ‘Team SV Grand Gathering’ sa Labores Extension, Zone 93, Pandacan, Manila, na kung saan muling nagbigay saya ang dynamic duo ng ‘Eat Bulaga’ na sina Wally Bayola at Jose Manalo, kasama pa ang special guests na nakisaya rin sa naturang pagtitipon.
Muling dinumog ng mga supporters na taga-District 6 ng Maynila si SV.  Kaya naman nag-uumapaw ang kaligayahan ni Sam, na game na game pa rin at hindi nagpaparamdam ng kapaguran kahit namamaos na, dahil buong araw nang nag-house to house sa iba’t-ibang lugar.
Wish lang namin na sana ay ipakita rin nila ang mainit na suporta kay SV sa Lunes, Mayo 12, Araw ng Halalan. (ROHN ROMULO)

Pagiging isang ina ang paboritong role sa buhay: MAJA, sobrang enjoy kay MARIA na isang taon na

Posted on: May 10th, 2025 by @peoplesbalita No Comments
SA rami ng ginagampanang papel ni Maja Salvador bilang ina, asawa, artista, manager (Crown Artist Management, Inc), paano kaya niya pinagkakasya ang oras?
“Hindi ko rin po alam kung paano, pero isa lang ang masasabi ko, hindi ako puwedeng mag-reklamo kasi ginusto ko ito kaya kapag pagod na, bawal magreklamo, at sobrang grateful po ako at ang pagiging isang ina walang maaring pumalit doon kaya ito ang isa sa paborito kong ginagampanan ngayon,” sagot ng asawa ni Rambo Nunez.
Dagdag pa actress-host, “sobrang enjoy ako ngayon kay Maria kasi 1 year old na siya at marami na siyang ipinapakita kaya mas lalo ko siyang minamahal.”
Samantala, nakipag-meeting na raw kaagad si Maja sa TV5 nang mawala na ang konting taba-taba niya sa katawan bunga ng kanyang panganganak.
Inamin niya na sobrang na-miss ang mag-trabaho pero mas prayoridad niya ang pagiging ina sa anak niyang si Maria Reanna kaya dala-dala niya sa taping ng Emoji-nation Season 5.
“Alam nila (TV5 management) na kakapanganak ko lang po, alam nila na gusto ko pang alagaan ang anak ko at the same time na mapagbigyan nila ako na gusto ko ring magtrabaho.
“Ito kasing Emoji-nation ‘yung energy namin dito masaya lang sandali lang ‘yung working hours namin, nagte-taping kami ng 8 hours, so, mga 8 hours lang po ako nawawala kay Maria minsan dinadala ko siya since studio naman kami kaya na-consider ko na ito (Emoji-nation) na isa sa project na dapat kong gawin kapag gusto ko na agad bumalik,” kuwento ni Maja sa nakaraang mediacon para sa season 5 ng Emoji-nation handog ng APT Entertainment at Cignal.
Dagdag pa niya na marami ring projects na offer, may pelikula at teleserye.
Anyway, sa season 5 ng Emoji-nation ay mas maraming games na ipapakita pa at kaya nadagdag na rin sa co-host niya si Chad Kinis (season 1 grand winner) at kasama pa rin si Chamy Aguedan na nagsimula sa season 3.
Tungkol naman sa guestings ay gusto ni Maja na sana mga OFW’s at mga Guro ang makapaglaro sa Emoji-nation para kahit paano ay makatulong ang programa sa kanila.
Alam kasi ng aktres kung gaano kahirap ang trabaho nila sa ibang bansa at ang mga maestra naman ay hirap din sa pagtuturo.
Samantala, masaya ang TV5 President at CEO na si Mr. Guido R. Zaballero sa muling pagbabalik ni Maja sa kanila.
“Maja has always had a special place in the hearts of our Kapatid audience, and her energy lights up every show she’s in. Her return to Emojination has been eagerly awaited, and we’re all excited to see her bring even more fun and unforgettable moments to the TV screens.”
Mapapanood na ang Emoji-nation Season 5 sa May 17 (Sabado), 5:30 PM sa TV5 — at may same-day catch-up sa BuKo Channel ng 8:00 p.m.
(REGGEE BONOAN)

MISSION: ACCOMPLISHED,  ALDEN RICHARDS FLIES TO SEOUL FOR THE RED CARPET PREMIERE OF “MISSION: IMPOSSIBLE – THE FINAL RECKONING,” MEETS TOM CRUISE 

Posted on: May 10th, 2025 by @peoplesbalita No Comments

 

Tom Cruise and Alden Richards at the Seoul red carpet premiere of Mission: Impossible – The Final Reckoning on May 8.

Photo courtesy of Paramount Pictures

 

Seoul, May 8, 2025 – Alden Richards was a man on a mission.

 

The newly crowned Philippine Box Office King recently flew to Seoul, South Korea, to join the red carpet premiere of Mission: Impossible – The Final Reckoning, and there he met Hollywood superstar and action legend Tom Cruise.

 

“Ethan meets Ethan… I have no words!” wrote Richards on Instagram where he posted a video of his meet-and-greet with Cruise. Ethan is the name of Richards’s character in the box-office breaking “Hello, Love, Goodbye” and “Hello, Love, Again” movies. In the Mission: Impossible franchise, Cruise’s character is named Ethan Hunt.

 

Alden Richards shaking hands with Tom Cruise

 

At the film’s premiere, Richards and the other guests got to watch Mission: Impossible – The Final Reckoning with Cruise and the rest of the cast in attendance – Hayley Atwell, Simon Pegg, Pom Klementieff, Greg Tarzan Davis, as well as with director Christopher McQuarrie.

 

Tom Cruise and Christopher McQuarrie outside the cinema at the Seoul red carpet premiere of Mission: Impossible – The Final Reckoning on May 8.

Photo courtesy of Paramount Pictures

 

At the Tokyo premiere two days before, Cruise shared his excitement about the latest film in the popular Mission: Impossible series. “This film is a culmination of the last 30 years of making this franchise,” he said. “And I’m telling you, everything has led to this.”

 

Watch the trailer: https://youtu.be/2GRPetxj1mc

 

Don’t miss Mission: Impossible – The Final Reckoning, in cinemas  starting Saturday, May 17. #MissionImpossible @paramountpicsph

(ROHN ROMULO)

Leader ng 1.4 billion-strong Catholic church… PBBM, nagpaabot ng pagbati kay Pope Leo XlV, umaasang mailalapit nito ang simbahan sa mahihirap 

Posted on: May 10th, 2025 by @peoplesbalita No Comments
NAGPAABOT ng pagbati si Pangulong Ferdinand Marcos Jr., araw ng Biyernes kay Cardinal Robert Francis Prevost na pinili ang pangalang Pope Leo XIV matapos mapili bilang bagong Santo Papa, ika-267th Pope at kasunod ni Pope Francis.
Umaasa ang Pangulo na mas mailalapit ni Prevost ang Simbahang Katoliko sa mga mahihirap.
”On behalf of the Philippines, I congratulate Cardinal Robert Francis Prevost of the United States on his election as the successor of Pope Francis and leader of the 1.4 billion-strong Catholic Church,” ang sinabi ni Pangulong Marcos sa kanyang naging talumpati.
”As the new pontiff, who took the papal name Leo XIV, ascends the Chair of St. Peter and assumes the mantle of Bishop of Rome, I pray that he will continue to bring the Church closer to the poor and disadvantaged,” aniya pa rin.
Ipinagdarasal din aniya ng mga Filipino na manatiling malakas at may mabuting kalusugan ang bagong Santo Papa bilang siya ang mamumuno na may biyaya, karunungan at habag.
”May his life and ministry inspire us to persevere in our daily walk with our Lord Jesus Christ,” ang tinuran ni Pangulong Marcos.
Nauna rito, dumating na ang pinakahihintay na oras ng bilyong Katoliko dahil namataan na ang puting usok mula sa chimney ng Sistine Chapel sa Vatican ngayong Biyernes ng madaling araw, Mayo 9 (oras sa Pilipinas), matapos ang dalawang araw na conclave.
Ibig sabihin ng puting usok ay mayroon nang bagong nahalal na Santo Papa, na siyang papalit sa yumaong si Pope Francis.
Pagkatapos malaman ng resulta, dito na mamamagitan ang dean of the College of Cardinal upang tanungin ang elected Cardinal kung tinatanggap niya ang resulta ng eleksyon.
At kung tinatanggap ng elected cardinal ang resulta, nakatakda siyang pumili ng “Papal name” at saka siya bibihisan ng papal vestment. Matapos nito, saka siya ihaharap sa balkonahe ng St. Peter’s Basilica upang ipakilala sa buong mundo. (Daris Jose)
Subheadline
Mga guro, iba pang poll workers, makakakuha ng dagdag na P2,000 na election allowance
INAPRUBAHAN ng Department of Budget and Management (DBM) ang P2,000 across the board increase sa compensation o benepisyo ng mga guro at iba pang poll workers na magsisilbi sa nalalapit na May 12, 2025 National and Local Elections (NLE).
“As directed by our beloved President Bongbong Marcos, finally, our teachers and poll workers will receive a P2,000 across the board increase on their compensation for the 2025 midterm elections,” ang sinabi DBM Secretary Amenah “Mina” F. Pangandaman
“Alam po natin na sa pagbantay ng ating mga boto, haharap sa pagod, puyat at sakripisyo ang ating mga guro at poll workers. Kaya noon pong inutusan tayo ng Pangulo na itaas ang kanilang benepisyo, hindi po tayo nagdalawang-isip,” ang sinabi pa rin ng Kalihim.
”This is a realization of the directive of President BBM, who is truly committed to ensuring we provide needed support for the welfare of our teachers,” aniya pa rin.
Dahil dito, ang bagong honoraria rates para sa mga nasa Electoral Board ay:
-P12,000 mula sa dating P10,000 para sa chairperson;
-P11,000 mula sa dating P9,000 para sa poll clerk;
-P11,000 mula sa dating P9,000 para sa 3rd member; at,
-P8,000 mula sa dating P6,000 para sa support staff.
Sa kabilang dako, umapela naman si Pangandaman sa mga kinauukulang ahensiya ng pamahalaan na tiyakin ang napapanahong pagpapalabas ng mas mataas na compensation para sa mga guro at poll workers ngayong May 12, 2025 National and Local Elections.
“I urge Comelec to ensure that our teachers and poll workers will get their compensation as quickly as possible. Dapat timely ang release ng kanilang benepisyo. They deserve nothing less,”ang panawagan ni Pangandaman.
Samantala, ang budgetary requirement para sa compensation ng mga poll workers at bilang pinahintulutan sa ilalim ng FY 2025 General Appropriations Act ay P7.480 billion.
Sa pagtataya ng COMELEC, may kabuuang bilang na 758,549 ang poll workers ngayong national at local elections.
Base sa Election Service Reform Act at COMELEC Resolution No. 10194, ang mga taong magbibigay ng kanilang election service ay may karapatan sa honoraria, travel allowance, communication allowance, meal allowance, at service credit. ( Daris Jose)

Eala hindi umubra kay Kostyuk ng Ukraine

Posted on: May 10th, 2025 by @peoplesbalita No Comments

NATAPOS na ang kampanya ni Pinay Tennis star Alex Eala sa Internazionali BNL d’Italia sa Rome.

Sports equipment

Ito ay matapos na talunin siya ni Marta Kostyuk ng Ukraine sa score na 6-0, 6-1 sa unang round ng torneo.

Dahil dito ay natapos na ang mga laro ni Eala sa WTA 1000 tournament at pinaghahandaan na lamang nito ang French Open.

Umabot lamang sa 10 minuto ang laro kung saan dominado ng Ukrainian ang laro.

Naging malakas ang world number 27 sa mga serves kaya hindi nakayanan ni Eala na nasa world number 70.

Susunod na makakaharap ni Kostyuk si Leylah Fernandez ng Canada.

Serye ng job fairs, makatutulong sa mga miyembro ng 4Ps na makakuha ng trabaho

Posted on: May 10th, 2025 by @peoplesbalita No Comments

KINILALA ng Department of Social Welfare and Development (DSWD) ang pinakabagong report ng Philippine Statistics Authority’s (PSA) na nagpapakita ng pagbaba ng bilang ng ‘unemployed Filipino’ mula 1.94 milyon nito Pebrero hanggang 1.93 milyon sa Marso.

Sinabi ni Assistant Secretary Irene Dumlao, DSWD’s spokesperson, na ang pagbaba sa bilang ng mga walang trabahong indibiduwal ay dahil sa “Trabaho sa Bagong Pilipinas para sa Pantawid Pamilyang Pilipino Program (4Ps)” job fair, isang inter-agency effort ng administrasyon ni President Ferdinand R. Marcos Jr.

“This modest drop in the number of unemployed Filipinos reflects a positive development: more Filipinos, particularly from poor households, now have stable sources of income and are more capable of putting food on the table and meeting their daily needs,” ang sinabi ni Dumlao.

“Ito ang vision ni President Ferdinand R. Marcos Jr. at Secretary Rex Gatchalian – magkaroon ng trabaho ang miyembro ng 4Ps upang masiguro na hindi na sila babalik sa kahirapan,” ang sinabi pa nito.

Ang partnership sa ibang ahensiya ng gobyerno, ang Trabaho sa Bagong Pilipinas ay nagbibigay sa mga graduating 4Ps members ng local at international employment opportunities, livelihood support, at iba pang serbiso ng mga ahensiya ng pamahalaan.

“These interventions aim to promote sustainable self-reliance and break the cycle of poverty,” ang sinabi pa rin ng Kalihim.

Simula nang ilunsad ito bago magtapos ang buwan ng Enero, may 12 job fairs ang nagsagawa sa buong bansa na nagresulta ng 980 4Ps members na natanggap ‘on the spot’ habang mahigit naman sa 3,000 ang waitlisted, naghihintay ng feedback mula sa mga employers o kinokompleto ang employment requirements.

Winika ni Dumlao na ang pigura ay sumasalamin sa kahandaan ng 4Ps beneficiaries na mag-avail ng government initiatives na naglalayong pagaanin ang kahirapan at pamumuhunan sa human capital.

“The DSWD is committed to ensuring that 4Ps graduates do not just leave the program but are provided access to other forms of government assistance that will sustain the level of their well-being,” ayon kay Dumlao.

Ang one-stop shop Trabaho sa Bagong Pilipinas para sa 4Ps ay magpapakita ng mga booths mula sa DSWD, Department of Labor and Employment (DOLE), Department of Agriculture, Department of Trade and Industry, Technical Education and Skills Development Authority (TESDA), Overseas Workers Welfare Administration, Philippine Statistics Authority, National Bureau of Investigation, Philippine National Police, Social Security System, Bureau of Internal Revenue, PhilHealth, Pag-IBIG, at Office of the President.

Sa pagpaparehistro, ang graduating 4Ps beneficiaries ay sasailalim sa isang orientation sa mga serbisyong iniaalok ng mga nagpartisipang mga ahensiya ng gobyerno.

Matapos ang orientation, ang mga miyembro ng 4Ps members ay bibigyan ng P3,000 financial assistance bawat isa para magbayad ng pre-employment requirements, kabilang na ang medical examinations, at maging ang transportation allowance.

ang DOLE ang magiging ‘in charge; sa pakikipagtulungan sa mga business establishments na kumukuha ng mga bagong empleyado habang ang TESDA ay magsasagawa naman ng upskilling training sa hanay ng 4Ps members upang masiguro na mayroon silang kailangang kasanayan para sa trabaho.

Samantala, ang DSWD’s Sustainable Livelihood Program (SLP) ay magkakaroon ng isang “Sulong Trabaho” SLP Employment Assistance Booth para i-orient ang 4Ps beneficiaries ukol sa Employment Track ng SLP. (Daris Jose)

Pakikialam ng Malakanyang sa PrimeWater service, hangad ng ilang grupo at consumers ng PrimeWater

Posted on: May 10th, 2025 by @peoplesbalita No Comments

NAGHAIN ng reklamo ang Bayan Muna Party-list at mga consumer ng PrimeWater Infrastructure Corp. sa Malakanyang na nananawagan ng kanselasyon ng lahat ng joint venture agreements (JVAs) sa pagitan ng Villar family-owned private water utility firm at local water districts sa buong bansa.

Tinukoy ang malaganap na ‘service failures at legal violations.’

Sa reklamo na naka-address kay Pangulong Ferdinand R. Marcos Jr., sinabi ng grupo na ang JVAs ay nagresulta ng madalas na pagkaantala ng suplay ng tubig, mahinang kalidad ng tubig, mataas na rates, at hindi tumutugon na serbisyo sa customer sa mga lugar kabilang na ang San Jose del Monte sa Bulacan, Bacolod City, Quezon, Cavite, at Bukidnon provinces.

Sinabi ng Bayan Muna na ang JVAs, karamihan ay pumasok sa administrasyong Duterte ay ‘disadvantageous’ sa publiko at lumabag sa probisyon ng Presidential Decree 198, na nagkakaloob ng operational control ng water districts sa kani-kanilang boards.

Binalaan din ito ng potensyal na paglabag sa Saligang Batas at public-private partnership regulations.

Sinasabing isang malaking pasanin ng mga consumers ang mataas na halaga sa kabila ng masamang serbisyo, sinasabing ang rates sa San Jose del Monte ay tumaas mula P280 sa P499.53 para sa unang 10 cubic meters ng pagkonsumo mula nang mag-takeover ang PrimeWater noong 2018.

Tinukoy din sa reklamo ang displacement ng water district employees at kinuwestiyon kung ang PrimeWater ay nagtsa-charge ng corporate income taxes sa consumers, isang isyu na dati ng ipinarating sa Supreme Court.

Ang apela pa rin ng Bayan Muna kay Pangulo ay magpalabas ng isang executive order na nagpapawalang-bisa sa JVAs, atasan ang Local Water Utilities Administration na kuning muli ang kontrol ng apektadong distrito at pag-utos ang ‘full investigation’ sa kasunduan.

Samantala, kinumpirma ng Palasyo ng paiimbestigahan ni Pang. Ferdinand Marcos, Jr. ang reklamo ng mga customer ng kumpanyang PrimeWater dahil sa umano’y mataas na singil at mababang kalidad ng serbisyo sa ilang lugar sa Bulacan.

Ayon kay Palace Press Officer USec., Claire Castro na walang puwang sa administrasyong Marcos, Jr. ang anumang kakulangan ng serbisyo.

Iginiit din ng Palasyo na karapatan ng publiko ang access sa malinis at sapat na suplay ng tubig, at hindi dapat ginagamit sa negosyo.

Sinabi ni Castro ang pangangailangan ng tao sa malinis at sapat na suplay ng tubig ay nararapat at hindi pang-negosyo, at ito ay dapat kinakalinga ang pangangailangan ng taong bayan.

Ang PrimeWater ay kumpanyang pag-aari ng pamilya Villar.

Ayon kay Castro, dapat umaksyon agad ang kumpanya para maresolba ang mga isyung inirereklamo ng mga apektadong customer.  (Daris Jose)

CSC, umapela sa mga Pilipino na gamitin ang karapatang bumoto sa araw ng halalan

Posted on: May 10th, 2025 by @peoplesbalita No Comments

UMAPELA ang Civil Service Commission (CSC) sa mga Pilipino na gamitin ang karapatang bumoto sa araw ng halalan (May 12).

Sa inilabas na mensahe ng komisyon, hinikayat nito ang mga Pilipino na makibahagi sa election process at maging aktibo sa pagpili ng mga susunod na lider ng bansa.

Hinihikayat din ng komisyon ang publiko na sundin ang tamang voting procedure para masigurong maayos at mapayapa ang midterm elections.

Pinayuhan din ng CSC ang mga senior citizen, persons with disabilities, at mga buntis na agahan ang pagtungo sa mga presinto dahil sa pinapayagan na silang makaboto mula alas-5 ng umaga.

Inirekomenda rin ng CSC ang paggamit sa Comelec Precinct Finder para magiging mas madali ang pagtukoy sa mga tutunguhing presinto, kasabay ng pagpapa-alala sa paglalagay sa mga kinakailangang impormasyon tulad ng pangalan, date of birth, at place of registration.

Paalala pa ng komisyon, ang regular voting hours ay mula 7 a.m. hanggang 7 p.m kaya’t mahaba ang pagkakataon ng bawat botante na humabol sa mga votict precint at pumili ng mga kandidato.

Una na ring idineklara ni Pang. Ferdinand Marcos Jr. ang Mayo-12 bilang special non-working holiday upang bigyang-daan ang mga botante na makibahagi sa national and local elections.  (Daris Jose)

Impeachment laban kay PBBM, walang basehan – Malakanyang 

Posted on: May 10th, 2025 by @peoplesbalita No Comments
PINANINDIGAN ng Malakanyang na legal ang pagkaka-aresto kay dating Pangulong Rodrigo Duterte.
Kaya nga sinabi ni Presidential Communications Office Undersecretary at Palace Press Officer Claire Castro sa press briefing sa Malakanyang, araw ng Biyernes, May 9, 2025 na walang basehan ang mga pagbatikos laban sa naging papel ng pamahalaan sa nasabing usapin.
Inurirat kasi si Castro sa press briefing sa Malakanyang ukol sa intensyon ni dating National Youth Commission chairperson Ronald Cardema at asawa nitong si Marie Cardema, na naghain ng impeachment complaint laban kay Pangulonng Marcos na may kinalaman sa pag-areso at pagkakaditine kay dating Pangulong Duterte.
Habang karapatan ng mga ito aniya na maghain ng impeachment complaint, sinabi ni Castro na kinikilala lamang ng gobyerno ang commitment nito sa Interpol na ihain ang warrant na ipinalabas ng International Criminal Court (ICC) sa The Hague, Netherlands.
“Karapatan po nila kung nais nila magsampa,” ang sinabi ni Castro.
Ang complaint ay walang pinaghuhugutan,” aniya pa rin.
Nauna rito, naghain ng impeachment complaint laban kay Pangulong Ferdinand Marcos Jr. si dating National Youth Commission (NYC) chairperson Ronald Cardema sa Kamara.
Ang reklamo ay kaugnay sa pagpayag umano ng Pangulo na madala si dating Pangulong Duterte sa The Hague, Netherlands para harapin ang crimes against humanity sa International Criminal Court (ICC).
Ipinost ni Cardema ang paghahain ng reklamo sa social media, kung saan sinabi niya na ang Duterte Youth Partylist ang magsisilbing endorser.
Ito ang unang impeachment complaint laban kay Pangulong Marcos.
Wala pa naman pahayag ang liderato ng Kamara kaugnay sa naturang impeachment complaint. (Daris Jose)
People's Balita.
All rights reserved. © Copyright 2025.