INCREASING civilian activities bolsters sovereignty in the West Philippine Sea (WPS), according to Philippine Coast Guard (PCG) spokesperson for West Philippine Sea Commodore Jay Tarriela.

“This time around, we need to change the narrative. We have to highlight the fact that WPS has a large contribution when it comes to food security of our country,” Tarriela said after the launch of the Kadiwa ng Bagong Bayaning Mangingisda (KBBM) program on Wednesday.

He added this is “a positive engagement to show evidence that WPS issues are not only a concern of the coast guard, military or uniformed services.”

“This affects the ordinary Filipinos because when it comes to fish catch, a large portion comes from WPS,” he added.

Also present during the presscon was Department of Agriculture Assistant Secretary Genevieve Guevarra. (BOY MORALES SR.)

DAR Namahagi ng Php 116.5 Milyong Halaga ng COCROM sa Higit 2,000 ARBs sa Cagayan Valley

Ilagan City, Isabela – Namahagi ang Department of Agrarian Reform (DAR) ng 3,242 Certificates of Condonation with Release of Mortgage (COCROMs) na may kabuuang halagang Php 116.5 milyon sa 2,332 Agrarian Reform Beneficiaries (ARBs) sa Rehiyon II.

Pinangunahan ni DAR Undersecretary para sa Field Operations Office (FOO) Atty. Kazel C. Celeste ang seremonya ng pamamahagi sa Ilagan City, Isabela.

Ito ang ikalawang bugso ng distribusyon ng COCROM sa Cagayan Valley alinsunod sa Republic Act No. 11953 o ang New Agrarian Emancipation Act (NAEA), isang makasaysayang batas na nilagdaan ni Pangulong Ferdinand R. Marcos, Jr. noong Hulyo 7, 2023 na layuning burahin ang lahat ng hindi pa nababayarang amortisasyon, interes, multa, at surcharges ng mga ARB.

May kabuuang 3,242 COCROM ang naipamahagi sa 2,332 ARB mula sa Cagayan, Isabela, Quirino, at Nueva Vizcaya, na dating baon sa pagkakautang sa tinatayang halaga na Php 116,515,323.20. Sa bisa ng COCROM, tuluyan nang naipasa sa kanila ang buong pagmamay-ari ng kanilang sinasakang lupa na sumasaklaw sa kabuuang 2,818.52 ektarya ng lupang agrikultural.

Hndi lang isang simpleng papel ang ipinamahagi sa inyo. Ang papel na ipinagkaloob sa inyo ngayong araw na ay isang simbolo ng paglaya ninyo sa utang sa lupa,” ani Usec. Celeste.

Ang pamamahaging ito ay kasunod ng naunang bugso noong huling bahagi ng 2024 sa Cabagan, Isabela at Solana, Cagayan, kung saan 22,359 ARBs ang nakatanggap ng 33,053 COCROM na sumasaklaw sa 28,544 ektarya.

Sa pamumuno ni Regional Director Primo C. Lara, patuloy ang DAR Region II sa pagbibigay ng seguridad sa pagmamay-ari ng lupa sa pamamagitan ng pamamahagi ng Emancipation Patents (EPs), Certificates of Land Ownership Award (CLOAs), at mga e-titles sa ilalim ng Project SPLIT. Mula Nobyembre 2024 hanggang Abril 2025, mahigit 2,000 titulo ng lupa ang naipamahagi sa higit 1,800 ARBs na sumasaklaw sa halos 3,135 ektarya ng lupang pansakahan sa buong rehiyon.

“Ang mga pagsusumikap na ito ay patunay ng aming hindi matitinag na paninindigan sa katarungang pang-agraryo at kaunlaran sa kanayunan. Ang mga ARB ang aming VIP. Sa Rehiyon Dos, ang magsasaka ang bida,” ani Director Lara, na kinilala rin ang pagtutulungan ng mga tanggapan ng DAR sa rehiyon at lalawigan, mga lokal na pamahalaan, at mga katuwang na ahensya.

Sa patuloy na pamamahagi ng COCROM at mga titulo ng lupa, ang NAEA ay nagiging mabisang instrumento para wakasan ang suliranin ng kawalan ng lupa at maiangat ang kabuhayan ng mga Pilipinong magsasaka tungo sa sama-sama at masaganang sektor ng agrikultura.  (Photos By: BOY MORALES SR.)

Nakatanggap ng kanilang Certificates of Condonation with Release of Mortgage (COCROM) ang 2,332 ARBs mula sa Isabela, Quirino, at Nueva Vizcaya mula sa DAR noong Abril 30, 2025 sa Ilagan City, Isabela.

Pinangunahan ni DAR Undersecretary para sa Field Operations Office Atty. Kazel C. Celeste ang pamamahagi ng 3,242 Certificates of Condonation with Release of Mortgage (COCROM) na may kabuuang halagang mahigit Php 116.5 milyon sa 2,332 Agrarian Reform Beneficiaries (ARBs) sa Rehiyon ng Cagayan Valley.

IMUS, Cavite — Ginunita ng Pamahalaang Lungsod ng Imus at ng National Historical Commission of the Philippines (NHCP) ang Pambansang Araw ng Watawat at ang Ika-127 Anibersaryo ng Labanan sa Alapan nitong Mayo 28, 2025 sa Dambana ng Pambansang Watawat ng Pilipinas (Imus Heritage Park) sa pamumuno ni City Mayor Alex “AA” L. Advincula at Tagapangulo ng NHCP na si Dr. Emmanuel Franco Calairo.

Sa bating pambungad ni Mayor AA, nanawagan siya sa kaniyang mga kababayan na hikayatin ang bawat isa, higit ang mga kabataan, na pahalagahan ang kanilang pagkakakilanlan bilang Pilipino.

“Sa kabila ng paglipas ng panahon, ang pagpapahalaga sa kasaysayan at pagiging makabayan ay tila unti-unti nang nawawala sa ating mga puso, lalong-lalo na sa kabataan. Kaya naman po, tungkulin po natin bilang nakatatanda na buhayin ang diwa ng nasyonalismo sa kanila.” Binigyang-diin din niya ang kahalagahan ng pagkakaroon ng sapat na pang-unawa tungkol sa mga isyu na kinakaharap ng bansa.

“Himukin natin sila [mga kabataan] na magkaroon ng kamalayan sa mga isyu ng ating bansa dahil mahalaga na manatili tayong mulat at mapagbantay sa pagprotekta sa ating pinaghirapang kalayaan at pinaglabanang demokrasya.”

Sa naturang selebrasyon, pinangasiwaan ng Philippine Navy ang pagtataas ng watawat. Habang pinangunahan ng panauhing pandangal, Senador Francis Tolentino, ang pag-aalay ng bulaklak sa monumento ni Inang Laya kasama sina Dr. Calairo, Mayor Advincula, at Kinatawan ng Ikatlong Distrito ng Cavite, Congressman Adrian Jay “AJ” Advincula.

Nakiisa rin dito ang mga board member ng Ikatlong Distrito ng Cavite, mga miyembro ng Sangguniang Panlungsod ng Imus, sa pangunguna ni City Vice Mayor Homer Saquilayan, department heads, unit heads, at iba pang mga kawani ng lokal na pamahalaan ng Imus. Sa talumpati nina Sen. Tolentino, Dr. Calairo, at Cong. AJ, iisa ang kanilang mensahe: ang gunitahin ang kabayanihan ng mga Himagsikang Pilipinong nagpalaya sa Pilipinas mula sa mga kamay ng mga mananakop na Kastila.

Inihayag din ni Mayor AA ang suporta ng lokal na pamahalaan para sa paglago ng turismo at pangangalaga sa kasaysayan.

“Makakaasa po kayo na ang Pamahalaang Lungsod ng Imus ay buong pusong susuporta at tutulong upang maisakatuparan ang iba’t ibang plano sa ating turismo at kasaysayan. Pagpatuloy po natin ang mga nasimulan ng ating mga ninuno na nagsumikap tungo sa pagbabago upang makaambag sa ikauunlad ng Pilipinas, at dito po natin umpisahan sa pinakamamahal nating bayan, ang makasaysayang Imus.”

Ang taunang paggunita ay nagbibigay-pugay sa kagitingan at katapangan ng mga Pilipinong nakipaglaban para sa kalayaan noong Mayo 28, 1989 sa Labanan sa Alapan. Sa makasaysayang kaganapang ito unang iwinagayway ang watawat ng Pilipinas, dahilan kung bakit tinawag na “Flag Capital of the Philippines” ang Imus.

Ang naturang araw ay panimulang pagdiriwang din ng Proklamasyon ng Kalayaan ng Pilipinas sa pamamagitan ng National Flag Days na tumatagal hanggang Araw ng Kalayaan sa Hunyo 12, alinsunod sa Kautusang Ehekutibo Blg. 179, taong 1994.

Sa temang “Kalayaan. Kinabukasan. Kasaysayan,” ipinagdiriwang ngayong taon ang Ika-127 Anibersaryo ng Proklamasyon ng Kalayaan ng Pilipinas.

(Text & Photos by Boy Morales)