20M doses ng Covid- 19 vaccine, makukuha sa second quarter ng taon
- Published on March 10, 2021
- by @peoplesbalita
MAY makukuha pang mahigit na 20 million doses ng COVID-19 vaccines ang Pilipinas sa second quarter ng 2021.
Sa public address ni Pangulong Rodrigo Roa Duterte, Lunes ng gabi ay sinabi ni vaccine czar and National Task Force against COVID-19 chief implementer Secretary Carlito Galvez Jr., na ito’y sa pagitan ng buwan ng Abril, Mayo o Hunyo.
Bagama’t hindi naman niya idinetalye ang bilang ng doses para sa kada brand ng bakuna ay sinabi ni Sec. Galvez na ang 20 million doses ay manggagaling mula sa Sinovac BioTech, World Health Organization-led COVAX facility, Novovax, at AstraZeneca.
“So kung June — June – July, kung sa second quarter, we expect na mayroon tayong ano, sir, nandiyan ang Sinovac at saka ‘yong nandiyan din po ‘yong COVAX at saka iyong Novavax. And then also ‘yong ano sir sa May – June, baka dumating na rin po ‘yong AstraZeneca. Mayroon pong order ang ano ang private sector na 2.6 million.
So nakita natin baka humigit tayo ng mga ano mga 20 million po ang ating makukuha between ano — between the ano April, May, June po, sir, iyong ano ‘yong second quarter po,” ang pahayag ni Sec.Galvez.
Sa ulat, lumagda ang pamahalaan at ang private sector ng isang kasunduan noong Nobyembre ng nakalipas na taon nagsasaad na bibili ng bakuna sa AstraZeneca.
Target naman ng pamahalaan na sa “second quarter” ng kasalukuyang taon ay nabakunahan na ang lahat ng economic frontliners. (Daris Jose)
-
Limang dekalidad na pelikula, bakbakan sa ‘5th EDDYS’: CHARO, MAJA, ALESSANDRA, KIM at JANINE, salpukan sa pagka-Best Actress
LIMANG dekalidad at pinag-usapang pelikula noong nakaraang taon ang maglalaban-laban para sa 5th EDDYS ng Society of Philippine Entertainment Editors (SPEEd). Tiyak na magiging mahigpit na naman ang labanan para sa major awards ng ikalimang edisyon ng The EDDYS na magaganap sa darating na November 27 sa Metropolitan Theater o MET. […]
-
SHARON, nag-negative sa COVID test habang nag-positive si Sen. KIKO; buong pamilya naka-isolate na
SA IG post ni Megastar Sharon Cuneta na may nakalagay na ‘Make Today Happy’ sa photocard, ipinaalam niya na negative siya sa COVID test habang nag-positive nga si Sen. Kiko Pangilinan. Caption niya, “somehow. Last night, I tested negative on my Antigen. Kiko tested positive on his PCR test results. This morning, all […]
-
2 TULAK TIMBOG SA P170-K SHABU
Dalawang hinihinalang tulak ng ilegal na droga ang natimbog matapos bentahan ng shabu ang isang pulis na nagpanggap na buyer sa isinawang buy-bust operation sa Caloocan City, kamakalawa ng gabi. Pinuri ni Caloocan police chief Col. Samuel Mina Jr. ang Station Drug Enforcement Unit (SDEU) warrior dahil sa matagumpay na pagkakaaresto sa mga suspek […]