• March 29, 2024
  • Ang Diyaryong Pinagkakatiwalaan

27.6 milyong estudyante, balik-eskwela

MATAPOS ang dalawang taon, magbabalik-eskwelahan na ngayong Lunes ang mahigit 27.6 milyong mag-aaral sa bansa.

 

 

Sa huling datos mula sa Learner Information System (LIS) para sa SY 2022-2023 na inilabas ng DepEd, nasa 27,691,191 na ang kabuuang bilang ng mga nagparehistro na mga mag-aaral.

 

 

Katumbas ito ng 100.47% o higit sa bilang ng naitalang datos mula sa enrollment ng SY 2021-2022, na umabot lamang sa 27,560,661.

 

 

Mula sa nabanggit na kabuuang bilang, 23,561,764 ang mula sa enrollment quick counts habang 4,129,427 naman ang bilang ng mga mag-aaral na mula sa early registration.

 

 

Pinakamarami ang nakapagpatala sa Region IV-A (Calabarzon) na umabot sa 3,899,077, na sinusundan ng Region III (Central Luzon) na nasa 2,974,068, at National Capital Region (NCR) na nasa 2,851,022.

 

 

Anang DepEd, bagama’t maaaring nagkaroon ng duplikasyon mula sa datos ng Early Registration at Quick Counts, ito ay agad namang matutukoy ng sistema sa umpisa ng School Year.

 

 

Ang enrollment period para sa SY 2022-2023 ay sinimulan noong Hulyo 25 at inaasahang magtatagal hanggang ngayong Lunes, na siyang unang araw ng pasukan. (Daris Jose)

Other News
  • National Board of Canvassers, binuo na

    PORMAL nang binuo at nag-convene ang National Board of Canvassers (NBOC) ng Commission on Elections (Comelec) para sa senatorial at party-list elections.     Personal na pinangunahan ito ni Comelec Chairman Saidamen Pangarungan, kasama ang mga kinatawan ng mga kandidato at partidong politikal na saksi sa pagbubukas sa mga plastic na kahon na naglalaman ng […]

  • Miss Philippines Beatrice Luigi Gomez, pinuri ng Malakanyang

    PINURI ng Malakanyang si Miss Philippines Beatrice Luigi Gomez para sa pagbibigay kasiyahan sa mga mamamayang Filipino at karangalan sa bansa sa katatapos lamang na 70th Miss Universe competition sa Israel.   Isang miyembro ng armed forces, isang atleta at youth advocate, si Ms. Gomez ay maituturing na “inspiring figure” kung saan ang naging partisipasyon […]

  • ‘Good luck’, wish ni PBBM sa mga Cambodia-bound SEAG athletes

    “GOOD LUCK”     Ito ang wish ni Pangulong Ferdinand Marcos Jr. sa  Cambodia SEAG-bound athletes at officials matapos pangunahan ang isinagawang formal send-off ceremony sa  Philippine International Convention Center sa Pasay, araw ng Lunes.     Naniniwala kasi ang Pangulo na  mahalagang suportahan ng lipunan ang sport o ang palakasan at dapat lamang na […]