• February 8, 2025
  • Ang Diyaryong Pinagkakatiwalaan

287 ektarya ng lupain apektado ng Ilocos Norte grass fire

MAY kabuuang 287 ektarya ng lupain ang apektado ng tinamaan na grass fire sa kabundukang lugar ng Carasi, Ilocos Norte .
Ayon sa Office of Civil Defense (OCD), 50 ektarya ng kabuuang lupain na apektado ay bahagi ng National Greening Program na pinamamahalaanan ng Department of Environment and Natural Resources (DENR).
Ang grass fire sa Barangay Barbaquezo ay iniulat ng Municipal Disaster Risk Reduction and Management Office (MDRRMO) ng Carasi noong Enero 30, ng alas- 2:30 ng gabi.
Nang sumunod na araw, idineklara ng Bureau of Fire Protection (BFP) Ilocos Norte na ‘fire under control’ na ang nasabing lugar.
Opisyal naman na dineklara ng BFP na fire out ng alas-2 ng hapon, subalit nagpapatuloy naman ang operasyon sa lugar upang matiyak na ligtas ang bisinidad.
Ang dahilan ng sunog ay patuloy na iniimbestigahan.
Sa kabilang dako, ang MDRRMO Carasi, sa pakikipagtulungan sa BFP at forest rangers, nagsanib-puwersa upang maapula ang grass fire, mapigilan ito sa pagkalat at mabawasan ang lakas.
Ang Carasi Municipal Police Station, kasama ang 1st at 2nd Philippine Marine Force Companies (PMFC), nagbigay ng seguridad at tulong sa firefighting efforts.
Samantala, ang Philippine Air Force Tactical Operations Group 1, dumating sa Ilocos Norte, araw ng Biyernes para magsagawa ng heli-bucket operations.
Nagpadala naman ang National Disaster Risk Reduction and Management Council (NDRRMC) ng dalawang aerial assets, kabilang na ang Black Hawk helicopter at Huey helicopter, para palakasin ang ‘firefighting efforts.’
Samantala, sinabi ng OCD na ang aerial reconnaissance ay isinagawa, Sabado ng umaga para i-assess ang situwasyon sa lugar.
Sa isang pagpupulong, sinabi ng OCD na pinag-usapan nila ang paglikha ng fire lines para mapigilan ang ‘future spread’ ng grass fire, at patuloy na i-monitor ng DENR forest rangers ang natitirang usok, bukod sa iba pa.
( Daris Jose)
Other News
  • Comelec ibinasura ang petisyong ikansela ang COC ni Marcos

    HINDI ikakansela ng Commission on Elections (Comelec) ang certificate of candidacy (COC) ni dating Sen. Bongbong Marcos para sa eleksyong 2022, ayon sa mga naghain ng petisyon, Lunes.     Sa isang pahayag na inilabas ng mga abogado ng petitioners, sinabi ni dating Supreme Court spokesperson Theodore Te na dineny ng Comelec Second Division ang […]

  • Perang hiniram ng gobyerno para pondohan ang COVID-19 vaccine rollout, nananatiling nasa bangko- PDu30

    NANANATILING nasa bangko ang perang hiniram ng pamahalaan para pondohan ang COVID-19 vaccine rollout.   Muling iginiit ni Pangulong Rodrigo Roa Duterte sa kanyang public address, Lunes ng gabi na nananatili ang pera sa lending bank at hindi ito hinahawakan ng gobyerno ang anumang pera bilang cold cash.   “The money is still in the […]

  • ‘No vaccination, no ride’ policy ipatutupad sa mga public transport

    NAKATAKDANG  ipatupad ng Department of Transportation (DOTr) ang implementasyon ng ‘no vaccination, no ride’ policy para sa lahat ng mga pampublikong transportasyon sa buong Metro Manila habang nasa ilalim ito ng Alert Level 3.     Ayon sa inilabas na department order ng kagawaran, ang lahat ng mga kinauukulang ahensya at sectoral offices ng DOTr […]