• March 29, 2024
  • Ang Diyaryong Pinagkakatiwalaan

3 huli sa aktong sinisipsip ang krudo sa trak sa Valenzuela

SIBAK na sa trabaho, kulong pa ang tatlong kawani makaraang mahuli sa aktong sinisipsip ang krudo sa trak na pag-aari ng pinagtatrahuhan nilang kompanya sa Valenzuela City.

 

 

Kinilala Valenzuela police chief P/Col. Salvador Destura, Jr ang mga naarestong suspek na sina Dandreb Acosta, 42, ng Saint Francis Village, Meycauayan, Bulacan, Edgardo Garcia, 23, ng Lambakin, Marilao, Bulacan at Jhon Eric Cabesas, 22, ng Kaunlaran, Navotas City.

 

 

Ayon kay P/Lt. Armando Delima, hepe ng Station Investigation Unit (SIU), matagal ng nagdududa ang may-ari ng kompanyang pinagtatrabahuhan ng mga suspek na may ginagawa silang ilegal dahil sa malaking konsumo ng krudo ng kanilang trak.

 

 

Ikinatuwiran umano ng mga suspek na luma at may diprensiya na ang trak kaya’t malakas kumunsumo ng krudo.

 

 

Noong araw ng Biyernes, Marso 31, sinundan ng isa sa mga may-ari ng kumpanya sa kanilang biyahe ang mga suspek hanggang maaktuhan nila ang ginagawang pagpapa-ihi sa krudo ng trak sa isang gasolinahan sa Brgy. Malanday.

 

 

Upang hindi makapagkaila, kinuhanan pa ng video ng may-ari ang ginagawang pagsipsip sa krudo, bago sila kinompronta nang makahingi na ng tulong sa awtoridad subalit nagtangka pang tumakbo ang tatlo.

 

 

Sinabi ni Lt. Delima na inamin ng mga suspek na ibinebenta nila sa mga tsuper ng pampasaherong jeep ang sinisipsip na krudo at kanilang pinaghahati-hatian ang napagbentahan.

 

 

Nakuha ng mga pulis sa mga suspek ang apat na galon, isa rito ay may laman ng 18 litro ng sinipsip na krudo na katumbas ng halagang P1,026.00, at isang metrong hose na gamit na panipsip.

 

 

Kasong paglabag sa Article 310 ng Revised Penal Code o qualified theft ang kinakaharap ngayon ng mga suspek sa Valenzuela City Prosecutor’s Office. (Richard Mesa)

Other News
  • Malakanyang, kumpiyansang makakabawi ang ekonomiya

    KUMPIYANSA ang Malakanyang na makakabawi ang ekonomiya ng bansa sa taong ito.   Sinabi ni Presidential Spokesperson Harry Roque, tatlong bagay ang kanilang pinanghahawakan para sa pagbawi kahit paano.   Ito aniya ay ang pagkontrol sa virus para makapagbukas na ang mga negosyo, paggamit ng fiscal at monetary policies na umaabot hanggang 2.7 trillion  at […]

  • ‘Top Gun: Maverick’ Crosses the $1.2 billion Mark and Breaking a Paramount Record

    Top Gun: Maverick has entered the stratosphere, becoming the highest-grossing film ever to be released by Paramount.     The film, which came to theaters on May 27, is a many-years-later follow-up to the 1986 hit Top Gun. Tom Cruise reprises his role as the hotshot fighter pilot Maverick, this time assigned to teach a […]

  • PISTON pinipilit ang LTFRB na ibasura ang consolidation

    NAG-protesta ang mga miyembro ng Pinagkaisang Samahan ng mga Tsuper at Operator Nationwide (PISTON) sa labas ng Mababang Kapulungan sa lungsod ng Quezon noong nakaraang Huwebes.       Ang Party list na Makabayan ay naghain ng Resolution 1506 na hinihikayat ang Land Transportation Franchising and Regulatory Board (LTFRB) na ibasura ang Department Order 2017-011 […]