• March 29, 2024
  • Ang Diyaryong Pinagkakatiwalaan

33 government officials sinuspinde ng 6 buwan sa Pharmally mess

Sinuspinde ng Office of the Ombudsman ng anim na buwan ang 33 opisyal ng pamahalaan kaugnay sa umano’y maanomal­yang pagbili ng pandemic supplies noong 2020 at 2021 o noong kasagsagan ng COVID-19.

 

 

Kabilang sa mga sinuspinde si Overall Deputy Ombudsman Warren Rex Liong na dating procurement group director ng Department of Budget and Management-Procurement Service (PS-DBM) at dating PS-DBM undersecretary Lloyd Christopher Lao.

 

 

Suspendido rin ang iba pang opisyal ng PS-DBM kaugnay ng Pharmally transactions sina Christine Marie Suntay, Fatimah Amsrha Penaflor, Joshua Laure, Earvin Jay Alparaque, Julius Santos, Paul Jasper De Guzman, Dickson Panti, Karen Anne Requintina, Rodevie Cruz, Webster Laureñana, Sharon Baile, Gerelyn Vergara, Abelardo Gonzales, Jez Charlemagne Arago, Nicole John Cabueños, Ray-ann Sorilla, Chamel Fiji Melo, Allan Raul Catalan, Mervin Ian Tanquintic, Jorge Mendoza, III, Jasonmer Uayan, August Ylangan.

 

 

Kasama rin sa suspension ang mga opisyal ng DOH na sina noo’y Assistant Secretary Nestor Santiago, Jr., procurement service director Crispinita Valdez, gayundin si Research Institute for Tropical Medicine officials Amado Tandoc, Lei Lanna Dancel, Dave Tangcalagan, Jhobert Bernal, Kenneth Aristotle Punzalan, Rose Marasigan at Maria Carmela Reyes.

 

 

Matatandaang pina­ngunahan ni dating senador Richard Gordon ang imbestigasyon sa kwestyunableng pag-transfer sa P42 billion COVID-19 budget mula sa Department of Health patungo sa PS-DBM.

 

 

Kabilang na dito ang P8.6 billion pondo na gi­namit sa pagbili ng face masks, face shields, at personal protective equipment (PPEs) mula sa Pharmally Pharmaceuticals Corp. na mayroon lamang P625,000 paid-up capital nang pumasok sa transaksyon sa gobyerno.

 

 

Binigyang diin ng Ombudsman na may sapat na ebedensiya silang nakita upang maidiin ang mga naturang opisyal kaugnay ng Pharmally mess. (Daris Jose)

Other News
  • US top diplomat muling bibisita sa Ukraine sa kabila ng banta na World War III ng Russia

    BABALIK pa sa Ukraine nitong Linggo si US Secretary of State Antony Blinken matapos ang pakigpulong nito kay Ukrainian President Volodymyr Zelensky sa Kyiv.     Ito ay sa kabila ng babala ng Russia na maaaring magresulta sa World War III ang labanan sa Ukraine matapos ang ginawang pagbisita nito kasama si Defense Secretary Lloyd […]

  • LOOKOUT BULLETIN, INISIYU KAY MICHAEL YANG AT 8 IBA PA

    INILAGAY ng Bureau of Immigration (BI) sa lookout bulletin si dating presidential adviser on economic affairs Michael Yang.     Si Michael Yang, o kilalang Yang Hong Ming, ay kabilang sa iniimbestigahan ngayon sa Senado dahil sa maanomalyang pagbili ng mga health supplies nitong pandemic.     Sinabi ni BI Commissioner Jaime Morente  na ang […]

  • 2 PUGANTENG KOREAN NATIONAL, ARESTADO SA ILLEGAL DRUGS AT TELECOM FRAUD

    NAARESTO ng mga operatiba ng Bureau of Immigration (BI) ang dalawang Korean national na wanted sa illegal drugs at telecom fraud.     Kinilala ni  Immigration Commissioner Jaime Morente ang dalawang pugante na si Lee Dongju, 39 at Sim Kyuchul, 40 na naaresto ng mga miyembro ng BI’s fugitive search unit sa isang hotel sa […]