4 drug suspect timbog sa buy bust sa Valenzuela
- Published on July 23, 2021
- by @peoplesbalita
ARESTADO ang apat na hinihinalang sangkot sa ilegal na droga kabilang ang dalawang bebot sa isinagawang magkahiwalay na buy bust operation ng pulisya sa Valenzuela city, kahapo ng umaga.
Sa report ni PSMS Fortunato Candido kay Valenzuela police chief Col. Ramchrisen Haveria Jr, dakong alas-7:30 ng umaga nang magsagawa ang mga operatiba ng Station Drug Enforcement Unit (SDEU) sa pangunguna ni PLT Joel Madregalejo ng buy bust operation sa harap ng walang numerong bahay sa Matiyaga St. Area 3, Pinalagad, Brgy. Malinta.
Agad inaresto ng mga operatiba si Gilbert Evangelista, alyas Berto, 29, ng Navotas City at Joan Macaspac, 25, matapos umanong bentahan ng P500 halaga ng shabu ang isang pulis na nagpanggap na poseur-buyer.
Nakumpiska sa mga suspek ang humigit-kumulang sa 5 grams ng hinihinalang shabu na may standard drug price P34,000, buy-bust money, P500 cash, 2 cellphones at pouch.
Nauna rito, dakong alas-9 ng gabi nang matimbog din ng kabilang team ng SDEU sa pangunguna ni PLT Madregalejo sa buy-bust operation sa labas ng kanilang bahay sa F. Alcanar St., Brgy. Wawang Pulo si Reilando Manalo alyas Toto, 42, at kanyang live-in partner na si Mary Jane Castillo, 46.
Ani SDEU investigator PCpl Pamela Joy Catalla, nasamsam sa kanila ang humigit-kumulang 5 grams ng hinihinalang shabu na may standard drug price P34,000, P500 buy bust money, cellphone at coin purse.
Nahaharap ang mga suspek sa kasong paglabag sa RA 9165 o Comprehensive Dangerous Drug Act of 2002. (Richard Mesa)
-
Dante Alinsunurin: Bagong Head Coah ng Choco Mucho
Si Dante Alinsunurin ay pinangalanan bilang bagong head coach ng Choco Mucho para sa 2023 Premier Volleyball League Season. “Ang organisasyon ng Choco Mucho Flying Titans ay nalulugod na ipahayag ang pagkakatalaga kay Dante Alinsunurin Jr. bilang bagong Head Coach ng koponan,” basahin ang pahayag ng koponan. “Sa karanasan, pangako at programa ni […]
-
BAGONG OBISPO NG CEBU, ITATALAGA SA AGOSTO 19
NAKATAKDANG italaga bilang bagong Obispo ng Archdiocese of Cebu si Bishop-elect Ruben Labajo. Nagpahayag naman ng pasasalamat si Cebu Archbishop Jose Palma sa pagkakaroon ng isa pang katuwang na obispo sa nasabing Archdiocese. Sa panayam ng Radio Veritas kay Archbishop Palma, mahalaga ang pagkatalaga ni Bishop-elect Labajo upang makatulong sa pangangasiwa […]
-
PDu30, ipinagkibit-balikat lang ang pambabatikos ng “dating mahistrado” hinggil sa drug war
IPINAGKIBIT-BALIKAT lang ni Pangulong Rodrigo Roa Duterte ang mga pambabatikos at paninira ng isang “dating mahistrado”, at paglalarawan sa kanyang giyera laban sa ilegal na droga bilang “clearly unconstitutional.” Bagama’t hindi naman pinangalanan ni Pangulong Duterte ang tinutukoy niyang “dating mahistrado”, matatandaan na kamakailan lamang ay kinumpara ni retired Supreme Court (SC) senior […]