• May 16, 2025
  • Ang Diyaryong Pinagkakatiwalaan

400,000 doses na 2nd batch ng Sinovac vaccines nasa Pinas na

Dumating na kahapon  alas-7:16 ng umaga ang isa pang batch ng ilang daang libong doses ng COVID-19 vaccine na gawa ng Sinovac Biotech.

 

 

Lulan ang 400,000 doses ng Sinovac vaccines, dumating kanina sa Ninoy Aquino International Airport (NAIA) Terminal 2 ang Boeing 777 ng Philippine Airlines (PAL) mula Beijing.

 

 

Ito na ang ikalawang batch ng donations mula sa Beijing, kasunod ng unang 600,000 doses na kanilang ibinigay sa Pilipinas noong Pebrero 28, na bahagi ng kanilang ipinangakong libreng 1 million doses ng bakuna.

 

 

Kaagad namang idiniretso sa mga storage facilities ng Department of Health ang mga dumating na bakuna mula China.

 

 

Sa ngayon, mayroon nang higit 1.5 million doses ng COVID-19 vaccines ang Pilipinas, kasama na ang dumating na 400,000 doses ng Sinovac vaccines at ang naunang 525,600 doses na AstraZeneca vaccines mula sa Covax Facility.

 

 

Sinabi ni vaccine czar Sec. Carlito Galvez Jr. na darating na rin sa Pilipinas sa Marso 29 ang 1 million doses ng Sinovac vaccine na binili naman ng pamahalaan gamit ang sariling pera nito.

 

 

Bukod dito, mayroon pang paparating na mga 979,200 doses mula naman sa COVAX facility mula Marso 24 hanggang 26.

 

 

Sinabi ni Galvez na aabot sa 140 million doses ng COVID-19 vaccines ang inaasahan nilang darating sa Pilipinas ngayong taon, hindi pa kasama ang alokasyon mula sa COVAX Facility.

 

 

Ito ay matapos na malagdaan na rin ang supply agreements mula sa Sinovac, AstraZeneva, Moderna at Novovax.

 

 

Nabatid na target ng pamahalaan na masimulan ang mass vaccination drive nito sa darating na Mayo pagkatapos na mabakunahan ang 1.7 million healthcare workers sa bansa.

 

 

Sa nakalipas na mahigit tatlong linggo nang simulan ang COVID-19 vaccination program sa bansa, tanging 336,656 pa lang ang nababakunahan.

 

 

Karamihan sa bilang na ito ay pawang mga healthcare workers at ilang mga national government at local officials na hindi sumunod sa priority leist.

 

 

Ang mababang vaccination rate ay sa kabila nang 98% o 1,105,600 mula sa 1,125,600 doses na ng AstraZeneca at Sinovac doses ang naipamahagi na sa 1,623 vaccination sites sa 17 rehiyon. (Daris Jose)

Other News
  • Subpoena kay Bantag, naisilbi na ng DOJ

    IKINOKONSIDERA ng Department of Justice (DOJ) na naihain na kay suspended Bureau of Corrections (BuCor) chief Gerald Bantag ang subpoena ukol sa kasong murder na inihain sa kaniya kaugnay ng pagpaslang sa broadcaster na si Percy Lapid (Percival Mabasa) at Cristito Villamor Palana.     “The subpoena was served to the last known address of […]

  • Kahit nag-‘yes’ ay hahayaan pa rin na rumampang mag-isa: BEAVER, kinikiligan ang super effort na promposal kay MUTYA

    PINAGHANDAAN talaga ni Beaver Magtalas ang kanyang second ‘promposal’ kay Mutya Orquia, na leading lady niya sa pelikulang “When Magic Hurts” na malapit nang ipalabas sa mga sinehan.     Nakita naming nakalagay sa program na may ‘special announcement’ na magaganap at pagkatapos ng mediacon ng movie, may mangyayari nga.     Nag-duet muna sina […]

  • Djokovic umatras na sa pagsali sa Madrid Open

    Umatras na sa pagsali sa Madrid Open si World number one Novak Djokovic sa pagsali sa Madrid Open dahil pa rin sa banta ng COVID-19.     Sa kaniyang Twitter sinabi nito na hindi na muna ito maglalaro sa nasabing torneo na gaganapin sa susunod na linggo.     Huling lumaban ang 33-anyos na si […]