44 close contacts ng Omicron subvariant, natukoy
- Published on April 30, 2022
- by @peoplesbalita
UMABOT na sa 44 indibidwal ang natukoy na ‘close-contacts’ ng unang Omicron BA.2.12 case na isang babaeng Finnish na bumisita sa Baguio City, ayon sa Department of Health (DOH).
Sinabi ni Health Undersecretary Maria Rosario Vergeire na agad silang nagkasa ng ‘contact-tracing’ makaraang matukoy ang naturang kaso ng Omicron variant.
Dito lumabas na siyam ang naging ‘close contacts’ sa Quezon City, lima sa Benguet at 30 na mga kasamahang pasahero sa eroplano na sinakyan ng pasyente patungo sa Maynila.
Ipinaliwanag ng opisyal na hindi na isinailalim sa ‘routine isolation’ sa quarantine facility ang naturang Finnish national dahil sa ‘fully vaccinated’ naman siya laban sa COVID-19 at walang sintomas na nakita nang dumating siya sa bansa noong Abril 2.
Nabatid na nag-lecture sa isang unibersidad sa Baguio City ang naturang unang kaso. Nakarekober naman na ito matapos ang pitong araw na isolation at nakalabas na ng bansa noong Abril 21 pa. (Daris Jose)
-
Ads March 29, 2023
-
Pinas, handang makatrabaho ang mga ASEAN partners para sa food security
HANDA ang gobyerno ng Pilipinas na makatrabaho ang Association of Southeast Asian Nations (ASEAN) upang tiyakin ang food security sa bansa at sa rehiyon. Nakiisa si Pangulong Marcos sa kanyang mga kapwa lider sa idinaos na 25th ASEAN Plus Three (China, Japan, Korea) Summit sa Phnom Penh, Cambodia. “Attaining food self-sufficiency and […]
-
Mga nasirang simbahan ng bagyong Odette, ipapagawa ng Caritas Manila
TULUYAN nang maipapagawa ang mga simbahan at chapels na winasak ng bagyong Odette sa 10-diyosesis ng Simbahang Katolika sa Visayas at Mindanao. Ito’y sa tulong ng matagumpay na PADAYON ONLINE CONCERT ng Caritas Manila na pinangunahan ng Viva artists noong March 25,2022 kung ang malilikom na pondo ay ipapagawa sa mga nasirang simbahan. […]