• December 6, 2023
  • Ang Diyaryong Pinagkakatiwalaan

5 babaeng Vietnamese, nasagip sa prostitusyon

LIMANG babaeng Vietnamese nationals ang nai­ligtas habang dalawa pang dayuhan ang dinakip sa entrapment operation ng District Special Operations Unit (DSOU) ng Southern Police District (SPD) kaugnay sa pambubugaw umano ng mga babae para sa panandaliang aliw, sa Parañaque City, kamakalawa ng madaling araw.

 

 

Kinilala ni SPD Director P/Brig. General Kirby John Brion Kraft ang mga suspek na sina Diyong Huang, (lalaki) Chinese national, 37; at  Thi Ut Ha, (babae), Vietnamese national, 26.

 

 

Sila ang itinuturong nasa likod sa prostitusyon ng mga biktima na kinilalang sina Bhu Thi My Linh, 29; Ngyuyen Thi Yen, 27; Tran Thi Yen, 27; Tran Thi Thuy Duong, 25 ; at Trieu Niu Coi, 31.

 

 

Sa ulat, dakong alas 2:30 ng madaling araw nitong Biyernes nang isa­gawa ang entrapment laban sa mga suspek sa Bayshore 1 Residence, sa Parañaque City.

 

 

Nag-ugat ang operasyon sa sumbong ng isang Romely Dipol Battung na ang mga babaeng banyaga ay ginagamit sa prostitusyon.

 

 

Narekober ang dalawang P1,000 bill, 51 piraso ng P1,000 boodle money na ginamit sa entrapment, itim na Toyota Fortuner (NBK1912) at isang Apple iPhone 14 Promax.

 

 

Inihahanda ang ihahaing reklamong paglabag sa Section 3(a) ng Revised Penal Code 10364 o Expanded Anti-Trafficking in Person Act. (Gene Adsuara)

Other News
  • Lead physician ni PBBM na si Dr. Zacate, bagong hepe ng FDA

    ITINALAGA ni Pangulong Ferdinand  Marcos Jr. ang kanyang  lead physician na si Dr. Samuel Zacate, bilang pinuno ng Food and Drug Administration (FDA).     Sinabi ni Press Secretary Trixie Cruz-Angeles na kuwalipikado si Dr. Zacate sa nasabing posisyon at walang kinalaman ang pagiging lead doctor nito  kay Pangulong  Marcos para italaga siya bilang bagong […]

  • 3 PBA star players, dumalo sa blessing ng bagong renovate na sports complex sa Navotas

    DUMALO bilang espesyal na mga panauhin ang tatlong star players ng Philippine Basketball Association (PBA) sa pagbubukas ng bagong renovate na sports complex sa Navotas City, kasabay ng pagdiriwang ng ika-16 na Anibersaryo nito.     Nagtatampok ang bagong ayos na pasilidad ng full-length na basketball court, fully air-condition na mga dugout, at espasyo para […]

  • PBBM, nakipagpulong sa Indonesia para sa security, trade at culture

    UMALIS biyaheng Indonesia si Pangulong  Ferdinand  Marcos Jr., araw ng Linggo, Setyembre 4, 2022.     Ito ang kauna-unahang foreign trip ni Pangulong Marcos nang maupo siya bilang halal na Pangulo noong Hunyo.     Inaasahan naman na makikipagkita ang Pangulo sa  Filipino community sa kanyang pagdating sa  Indonesian capital.     “This is to […]