• July 20, 2024
  • Ang Diyaryong Pinagkakatiwalaan

50 million national ID target na mailabas ng Philippine Statistics Authority ngayong taon

UMAASA ang Philippine Statistics Authority (PSA) na maabot ang target nitong makapag-isyu ng 50 milyong physical at digital national ID card ngayong taon, dahil sa patuloy na pagtaas ng mga card na ipinapadala para sa delivery.

 

 

Sa isang pahayag, sinabi ng kagawaran na mayroong pare-parehong pagtaas sa Philippine Identification (PhilID) cards na ipinadala sa post office para ihatid sa ikatlong quarter ng taon.

 

 

Sa partikular, ang mga PhilID na ipinadala ng Philippine Statistics Authority at Bangko Sentral ng Pilipinas (BSP) ay lumago mula 1.86 milyon noong Hulyo hanggang 2.24 milyon noong Agosto at umakyat pa sa 2.53 milyon noong Setyembre.

 

 

Sa 50 milyon na target ngayong taon, 30 milyon ay physical ID card, habang 20 milyon ay digital versions ng PhilID.

 

 

Noong Oktubre 28, nag-isyu ang PSA ng 23,248,689 PhilIDs para sa delivery o 77.2 porsiyento ng 30.1 milyong target ngayong taon.

 

 

Sinabi ng Philippine Statistics Authority na patuloy itong nakikipagtulungan sa Central Bank sa paghahanap ng higit pang mga paraan upang mas mapabilis at mapataas ang dami ng produksyon at pag-imprenta ng PhilID tulad ng pagpapabuti ng daloy ng datos.

 

 

Sa isang hiwalay na pahayag, sinabi ng ahensiya na 74,778,024 Filipino ang nakarehistro na para sa Philippine Identification System (PhilSys) noong Nob.7, na 80.9 porsiyento ng 92 milyong target para sa taon.

 

 

Tinukoy ng kagawaran ang suporta ng Department of the Interior and Local Government (DILG) at local government units (LGUs) sa pagpapatupad ng PhilSys, partikular sa mobile registration.

 

 

Sa pamamagitan ng mobile registration, nailapit ng Philippine Statistics Authority ang pagpaparehistro ng PhilSys sa mga geographically isolated and disadvantaged areas, gayundin sa mga indigenous cultural communities or indigenous people, senior citizen, at mga taong may kapansanan.

Other News
  • MMDA: 1-2 a.m., deadliest hour sa mga kalsada sa NCR

    NAGANAP ang mga aksidenteng nakamamatay sa Metro Manila noong 2019 sa oras na ala-1:00 ng madaling araw hanggang alas-2:00 ng madaling araw, hango sa datos ng Metropolitan Manila Development Authority (MMDA).   Ito ay batay sa hourly accident tally ng Metro Manila Accident Reporting and Analysis System.   Sa kabila ng magaang daloy ng trapiko […]

  • Ads May 27, 2021

  • PNP nagbabala sa publiko laban sa crypto investment scam

    NAGBABALA ngayon ang Philippine National Police (PNP) sa publiko kaugnay sa mga naglipanang crypto investment scam.     Ito’y kasunod sa pag-release ng government and private companies ang bonuses at 13th month pay ng mga empleyado.     Ayon sa PNP, pinaigting na ng ilang mga indibidwal at maging ng ilang grupo ang kanilang modus […]