6 sangkot sa droga, nalambat sa Navotas buy-bust
- Published on December 30, 2020
- by @peoplesbalita
Anim na hinihinalang drug personalities, kabilang ang 15-anyos na binatilyo ang nalambat ng pulisya sa magkahiwalay na buy bust operation sa Navotas city.
Ayon kay Navotas police chief Col. Rolando Balasabas, dakong 4:45 ng madaling araw nang magsagawa ng buy bust operation ang mga operatiba ng Station Drug Enforcement Unit (SDEU) sa pangunguna ni PLT Genere Sanchez sa Market 3, Brgy. NBBN na nagresulta sa pagkakaaresto kay Regie Lacsa, 33, Ruby Albetia, 51, at Orlando Ramirez, 42 matapos bentahan ng P300 halaga ng shabu ang isang pulis na nagpanggap na buyer.
Nakumpiska sa kanila ang aabot sa 9 gramo ng shabu na tinatayang nasa P61,200 ang halaga, marked money at P300 bills.
Nauna rito, alas-9:50 ng gabi nang masakote din ng mga operatiba ng SDEU sa buy-bust operation sa Leongson St. Brgy. San Roque si Aljon Ignacio, 30, at nakuha sa suspek ang aabot sa 1.70 gramo ng shabu na tinatayang nasa P11,560 ang halaga, buy bust money at P300 cash.
Bandang alas-7:50 naman ng gabi nang madakma din ng mga operatiba ng SDEU ang 15-anyos na binatilyo at si Leonardo Adriano, 35, matapos bentahan ng P300 halaga ng shabu ang isang undercover police na nagpanggap na buyer sa buy bust operation sa Tawiran 5, Brgy. San Roque.
Narekober sa mga suspek ang aabot sa 5.5 gramo ng shabu na tinatayang nasa P37,400 ang halaga, marked money at P300 bills. (Richard Mesa)
-
PCG personnel, libreng makakasakay sa LRT-2
MAGANDANG balita para sa mga Commissioned officers, enlisted personnel at civilian employees ng Philippine Coast Guard (PCG) dahil mae-enjoy na ng mga ito ang libreng sakay sa Light Rail Transit Line 2 (LRT-2). Sa isang Facebook post sinabi ng PCG na ang libreng sakay ay bahagi ng memorandum of agreement (MOA) na pinirnahan […]
-
Saso umangat sa ranking, Pagdanganan bumulusok
UMAKYAT ng limang baitang si Yuka Saso sa Rolex 15th World Women’s Professional Golf Rankings 2020 nang humanay sa pitong magkakabuol para seventh place finish sa wakas sa kapapalo na 75th US Women’s Open 2020 sa Houston, Texas. Sinakop ang ika-45 puwesto buhat 50th sa nagdaang linggo ng 19 na taong-gulang na Fil-Japanese rookie […]
-
PNP nagbabala sa publiko laban sa crypto investment scam
NAGBABALA ngayon ang Philippine National Police (PNP) sa publiko kaugnay sa mga naglipanang crypto investment scam. Ito’y kasunod sa pag-release ng government and private companies ang bonuses at 13th month pay ng mga empleyado. Ayon sa PNP, pinaigting na ng ilang mga indibidwal at maging ng ilang grupo ang kanilang modus […]