• March 29, 2024
  • Ang Diyaryong Pinagkakatiwalaan

911 Emergency call center, ilulunsad sa Bulacan

LUNGSOD NG MALOLOS– Ilulunsad na ng Bulacan ang 911 emergency hotline upang palakasin ang proyektong Bulacan Rescue na umaalalay sa mga Bulakenyo sa panahon ng sakuna na gaganapin sa Oktubre 28, 2021 sa Bulacan Capitol Gymnasium sa lungsod na ito.

 

 

Maaari nang itawag ang mga emergency kabilang ang medikal, (atake sa puso, stroke atbp.), aksidente, sunog, gumuhong gusali at mga natural na sakuna gaya ng baha, bagyo at lindol na nangangailangan ng agarang responde.

 

 

Nakasaad sa Executive Order No. 56, T’2018 na itinatalaga ang 911 bilang pambansang hotline na maaaring tawagan sa panahon ng sakuna at inaatasan din ang lahat ng pamahalaang lokal na magkaroon ng lokal na 911 call center kung saan libre ang pagtawag, sa pakikipagtulungan ng Kagawaran ng Interyor at Pamahalaang Lokal at Philippine Long Distance Telephone Company.

 

 

“This will not defeat the purpose of the Bulacan 566, pwede pa rin pong tawagan ang numerong ito para sa pagresponde sa mga emergency 27/7. Ito pong ilulunsad natin na 911 hotline ay makakatulong ng 566 sa pagpapanatili ng pampublikong kaayusan at seguridad at pagpigil sa kriminalidad.  Ngayon po sa pag-dial ng 911, kahit walang load, walang problema, mas pinabilis din po and waiting time dahil sa Go Live,” ani Fernando.

 

 

Aniya, sa pamamagitan ng Go Live 911 gamit ang software na Touchpoint, direktang maitatawag sa mga pinakamalapit na reresponde ang emergency upang higit na masuri ang sitwasyon at mapabilis ang pagresponde.

 

 

Ayon sa PDRRMO, nakapagsagawa na sila ng PLDT 911 Seminar-Orientation noong Nobyembre 8, 2019; sertipikado na rin ang lahat ng empleyado ng C4 bilang Emergency Communicator noong Disyembre 23, 2019; nakapagsagawa ng Emergency Telecommunicator Certification Training noong  Enero 13 hanggang 17, 2020; nag-inspeksyon na din ang Emergency 911 national office ng DILG sa Pamahalaang Panlalawigan para sa aplikasyon nito sa lokal na paggamit ng 911 hotline noong Hunyo 21, 2021 at ito ay naaprubahan.

 

 

Nitong Oktubre 12-15, sumailalim na rin ang mga empleyado ng Bulacan Rescue sa pagsasanay sa Call Handling at Emergency Dispatch para sa  Bulacan 911 Operation.

 

 

“Handa na po ang ating Bulacan Rescue upang magserbisyo sa ating mga mamamayan. HInihiling lang po natin sa ating mga kababayan na gamitin ang hotline 911 sa mga lehitimong emergency, ‘wag po nating gamitin sa panloloko kasi pwedeng sa oras ng pagtawag ng manloloko ay meron talagang may emergency na hindi makapasok,” paliwanag ni Fernando.

 

 

Sasailalim ang  Bulacan 911 emergency sa Bulacan Rescue – Communications, Command and Control Center (C4) ng PDRRMO. (Bishop Jesus “Jemba” M. Basco)

Other News
  • 5 arestado sa shabu sa Caloocan

    Limang katao kabilang ang tatlong bebot ang arestado matapos makuhanan ng illegal na droga ng mga pulis na nagsasagawa ng Oplan Galugad sa magkahiwalay na lugar sa Caloocan City.     Sa ulat, dakong 10:15 ng gabi, nagsasagawa ng anti-criminality Oplan Galugad ang mga pulis sa kahabaan ng P. Burgos St. Brgy. 15 nang mapansin nila […]

  • Happy na part ng isang project for a good cause: DOMINIC, nag-e-excel sa hosting kumpara kay BEA na mas feel ang acting

    AS expected, star-studded ang line up ng guests ng Gabay Guro Grand Gathering which goes on live today, Oct 15, at 1 pm sa Gabay Guro Facebook Page and Youtube Channel.   Hosted by Pops Fernandez, Sam Concepcion, Dominic Roque and Jolina Magdangal, tribute event ito ng PLDT sa ating mga guro, the modern heroes […]

  • Substitute bill para sa proteksyon ng mga turista at pinag-ibayong serbisyo, aprubado

    Inaprubahan ng House Committee on Tourism ang substitute bill sa apat na panukala na naglalayong bigyan ng proteksyon at pinag-ibayong serbisyo ang mga turista.   Ito ay House Bill 1206 ni Rep. Juan Miguel Macapagal Arroyo, HB 3684 ni Rep. Jake Vincent Villa, HB 3954 ni Rep. Alfred Vargas at HB 4839 ni Rep. Francisco […]