Marian, takot pa ring lumabas ng bahay dahil sa mga anak
- Published on September 28, 2020
- by @peoplesbalita
INAMIN ni Kapuso Primetime Queen Marian Rivera sa interview sa kanya ng 24 Oras, na takot pa rin siyang lumabas ng bahay dahil sa pandemya, kaya work from home na lamang muna siya.
Kaya thankful si Marian sa GMA Network na pinayagan siyang sa bahay lamang nila siya mag-shoot ng mga spiels niya para sa mga coming fresh episodes ng OFW documentary which she hosts, ang Tadhana.
Nagpasalamat din si Marian dahil pinayagan ang husband na si Dingdong Dantes ang mag-direk sa kanya, na masaya rin na muling makatrabaho ang wifey niya.
“Takot talaga akong lumabas ng bahay kaya lahat ng mga work ko na dapat sa labas, doon ko lamang lahat ginagawa sa bahay. Natatakot akong kapag lumabas ako, pagbalik ko sa bahay may dala na akong virus at kaawa-awa naman ang mga anak ko.”
Kaya kahit ang @floravidabymarian latest collection of new products ni Marian ay makikita sa kanyang website na ipadi-deliver niya ang orders, kahit outside Metro Manila!
At sino ba ang ‘delivery boy’ ni Marian? Sino pa kundi si Dingdong na very proud namang mag-deliver ng orders sa @floravidabymarian.
*****
ISA na si Kapuso Sweetheart Rhian Ramos na balik-trabaho na siya after six months siyang walang ginagawa dahil sa umiiral na pandemya.
At lalo siyang natuwa dahil hindi lamang isa, dalawang serye ang magkasunod niyang gagawin.
Nauna siyang nag-taping ng last episode ng new drama anthology ng GMA Network, ang I Can See You. Makakasama ni Rhian sa weekly episode na “Truly. Madly. Deadly.” ang real life Kapuso couple na sina Dennis Trillo at Jennylyn Mercado.
“Ang nakakatuwa sa kwento namin, lahat kaming tatlo, gray ang mga characters hindi sila perfect, hindi rin sila masama, parang biktima lamang kami ng circumstances,” sabi ni Rhian.
“First time kong gumanap sa ganitong role kaya enjoy ako for the opportunity na ibinigay nila sa akin ang character ko.”
Mapapanood na sa October 19, ang I Can See You: Truly. Madly. Deadly. sa GMA Telebabad. At next month, sa October din, magsisimula na rin ang lock-in taping nina Rhian, Carla Abellana, Mikael Daez at Ms. Coney Reyes ng fresh episodes na ng drama series na Love of My Life, na isa sa mga GMA Telebabad na naapektuhan ng Covid-19 pandemic.
Kaya excited na rin ang mga netizens na matagal nang naghihintay sa pagbabalik ng serye.
*****
NGAYONG gabi na mapapanood na ang first episode ng bagong drama anthology ng GMA Network na I Can See You.
Ang “Love On The Balcony” na love story ng isang wedding video photographer, si Inigo, Alden Richards na mai-in love sa isang frontliner, ang nurse na si Lea (Jasmine Curtis-Smith) na nag-aalaga sa kanyang ina (Shyr Valdez). Best friend ni Alden sa story si Pancho Magno at si Denise Barbacena naman ang best friend ni Jasmine.
Ang weeklong episode ay mapapanood na mamayang gabi at 9:15PM pagkatapos ng Encantadia.
Sa susunod na three weeks mapapanood ang tatlo pang episodes ng I Can See You. (NORA V. CALDERON)
-
MARK, tuluyan nang binitiwan ni Manay LOLIT at may rebelasyon pa
TULUYAN na ngang binitiwan ni Manay Lolit Solis ang alaga niyang si Mark Herras dahil sa lumalang isyu na mangungutang ang aktor ng P30K, pero hindi niya ito pinagbigyan. Na kung saan kung sinu-sino na ang nadamay, at galit na galit ang netizens sa mga naging tirada ni Manay Lolit tungkol sa […]
-
Stamina, head movements at footwork mahigpit na tinututukan ng Team Pacquiao
Tinututukan sa ngayon ng kampo ni Sen. Manny Pacquiao na mas maging malakas pa ang stamina ng pinoy ring icon bilang preparasyon sa nakatakdang laban kay Errol Spence. Ayon kay Pacquiao na dapat ma-develop rin ang kanyang head movements at footwork. Dagdag pa nito na focus siya ngayon sa training dahil […]
-
NORA, matsa-challenge na naman sa pagtanggap sa lead role ng ‘Kontrabida’
ISA na naman challenge sa kanyang career ang tatahakin ni Superstar Nora Aunor sa pagtanggap niya ng lead role sa Kontrabida, ang bagong obra ni Direk Adolfo Alix, Jr. under Godfather Productions ni Joed Serrano. Nauna na ang anunsiyo last December na may gagawin project si Ate Guy sa produksyon ni Joed at […]