Mga POGO hubs, gawing students’ dorms
- Published on September 21, 2024
- by @peoplesbalita
ISINUWESTIYON ni House Deputy Majority Leader Janette Garin na gamitin ang mga na-raid na Philippine Offshore Gaming Operators (POGOs) hubs bilang dormitories para sa mga estudyante.
Sa isinagawang plenary deliberations para sa 2025 General Approriations Bill (GAB) nitong Miyerkules, inihayag ni Garin na isa sa kinakaharap na problema ng mg dormitoryo o paupahang kuwarto.
“Actually, ang isang pinaka- challenging na gastusin ng isang estudyante ay ‘yung boarding house, ‘yung dormitory, especially so that this is mostly provided by the private sector and hindi nakokontrol ‘yung presyo, ‘yung bayarin,” anang mambabatas.
“At the appropriate time, Madam Speaker, it’s not applicable all over the country, but for Region 3, napakaganda talaga na ‘yung mga POGO hub, na mga scam hub na na-discover ay makuha ng gobyerno at gawing extension campuses as well as dormitories ng ating karapat-dapat na estudyante,” dagdag ni Garin.
Si Garin ay nagsilbing sponsor ng Commission on Higher Education para sa 2025 GAB.
Batay sa research na may titulong “Enhancing Access and Success in SUCs,” sinabi ni Garin na kasama sa mga kinakaharap ng mayorya ng mga estudyante ay ang financial constraints.
Pabor naman si ACT Teachers Party-list Rep. France Castro sa suwestiyon ni Garin.
Samantala, target ng kamara na maipasa ang 2025 GAB sa ikatlo at huling pagdinig sa September 25. Nagsimula ang plenary debates sa badyet nitong September 16. (Vina de Guzman)
-
Ads March 9, 2020
-
Mayor Tiangco sa mga barangay executive: exceed expectations
PINAALALAHANAN ni Navotas City Mayor John Rey Tiangco ang mga barangay executive na laging hangarin ang kahusayan sa kanilang paglilingkod sa kanilang mga nasasakupan. Sa ginanap na Sustainable Management and Administration of Local Government through Reengineering and Use of Technology for Barangay Newly Elected Officials (SMART BNEO) Program 2023, pinangahasan ni Tiangco ang […]
-
Na may pag-asang pagkakaisa sa kabila ng mga hamon: ‘Women’s Month’ celebration sumipa na- CHR
SUMIPA na noong Marso 1 ang “Purple Action Day” ng Commission on Human Rights (CHR), pagbubukas ng “Women’s Month” para ngayong taon na may mensahe ng pag-asa at pagkakaisa para sa mga kababaihan at women leaders lalo na ngayong nalalapit na ang halalan sa bansa. Ang tema para sa pagdiriwang ngayong taon ay […]