Naunang anunsiyo hinggil sa pagbabago ng 21 to 60 years age restriction para makalabas ng bahay, kailangan pang linawin sa IATF – Malakanyang
- Published on October 17, 2020
- by @peoplesbalita
KAILANGAN pa munang linawin ng Inter-Agency Task Force (IATF) ang tungkol sa pagbabago ng age restriction ng mga puwede nang makalabas ng bahay.
Itoy makaraang magkaroon ng anunsiyo na ibinaba na sa edad 15 at itinaas naman sa 65 ang pupwede nang makalabas ng bahay.
Paglilinaw ni Sec. Roque, example o halimbawa lang ang “15 to 65” sa rekomendasyon at hindi pa pinal.
Ang sigurado ayon kay Sec. Roque ay aprubado nang may pagbabago sa age restriction at hindi na 21 to 60 years old.
“Well, unang-una po, ang naaprubahan po ng Gabinete kasama ng Presidente ay lahat ng kabuuan ng rekomendasyon na ginawa po ng economic team sa pagbubukas ng bahagya pa ng ating ekonomiya, kasama po diyan iyong edad,” ayon kay Sec. Roque.
“Pero nakasulat po doon ‘e.g. 15 to 65’, so medyo, ang e.g. ibig sabihin po ‘for example’ ‘no. So lilinawin ko lang po kung talagang 15 to 65 na iyan. dahil iyon po iyong kumbaga oversight doon sa recommendation, hindi siya fix, sinabi doon e.g.. So ipagbibigay-alam ko po ito sa IATF para magkaroon ng paglilinaw, pero ang talagang naaprubahan na po ay babaguhin na natin, hindi na po 21 to 60 iyan, dahil pupuwede na pong mas marami pang mga 21 to 60. Hindi na po 21 to 60 iyan, mas marami na po ang makakalabas, hayaan lang po ninyong klaruhin ko sa IATF kung ano talaga iyong edad, dahil sa rekomendasyon, ‘e.g.’ po iyong nakasulat doon, 15 to 65,” dagdag na pahayag nito.
Aniya, idudulog niya ito sa susunod na pulong ng IATF para magkaroon ng paglilinaw ngunit sa Martes pa aniya ito magagawa dahil may budget hearing ngayong araw ang DOH kaya walang IATF meeting ngayong Huwebes.
“Sa Tuesday po yata ang susunod na meeting, kasi budget hear- ing po ngayon. Dahil nag-resume ang budget, ang DOH po, bukas po iyong pagdidinig ng budget nila, kaya wala pong meeting ng IATF,” ang pahayag ni Sec. Roque. (Bishop Jesus “Jemba” M. Basco)
-
POC tiniyak na pahihirapan ang host country na vietnam sa SEA Games 2021
Tiniyak ni Philippine Olympic Committee na pipigilan nila ang bansang Vietnam na mangibabaw sa 31st Southeast Asian Games sa susunod na taon kahit na sa teritoryo nila ito gaganapin. Sinabi ni POC President Abraham “Bambol” Tolentino, na magiging competitive at pahihirapan nila ang host country. Isang paraan na kanilang gagawin ay ang pagbuo ng national […]
-
Sapat ang relief packs para sa mga taga Misamis Occidental na apektado ng matinding pagbaha
MAY sapat na relief packs para sa mga residenteng apektado ng matinding pag-uulan sa Misamis Occidental Ito ang ginawang pagtitiyak ni Misamis Occidental Rep. Sancho Fernando Oaminal kasunod na rin ng matinding mga pag-uulan at pagbaha sa kanilang rehiyon. Ayon sa mambabatas, maliban sa naka-preposition na food packs at […]
-
PARTIDO NI BBM NAGLUNSAD NG ‘BEST BET’ STRATEGY PARA SA OFWs
Nitong Martes, naglunsad ng isang pangmatagalang plano ang partido ni Presidential aspirant Ferdinand ‘Bongbong’ Marcos, Jr. upang mapagbuti ang kalagayan ng mga Overseas Filipino Workers (OFWs) at mga migranteng Pinoy sa iba’t-ibang bahagi ng mundo. Iprinisenta ng Partido Federal ng Pilipinas (PFP) International Affairs Committee na pinamumunuan nila Chairperson Ms. Saidah Tabao Pukunum sa pamamagitan […]