• February 8, 2025
  • Ang Diyaryong Pinagkakatiwalaan

ANGEL, mawawalan ng mga posibleng roles na puwede pang magampanan dahil sa laki ng itinaba

SOBRANG laki na ni Angel Locsin. 

 

 

May nakita kaming recent picture niya na kunsaan, naka-long dress ito at nagulat kami dahil ang laki ng itinaba niyang talaga.

 

 

Kung health related ang nagiging weight gain ni Angel, sana nga ay ma-address ito ng maayos dahil nakahihinayang din kung dahil sa paglaki ng timbang niya, maraming posibleng roles ang hindi niya magampanan.

 

 

Ang sa amin ay panghihinayang at hindi para mag-body shaming. Nasa estado pa si Angel to play the role of a leading lady. Marami pa siyang puwedeng magawa at aminin man o hindi, kaya nga karamihan ng mga artista, karir, effort to the max ang pagdyi-gym, diet at pag-eexercise dahil isa sa requirement naman talaga ang magandang pangangatawan.

 

 

***

 

 

SA interview ni Bea Alonzo sa pep.ph, nabanggit niya kung bakit siya napa-oo sa isang movie, ang remake ng Korean film na A Moment to Remember under VIVA Films.

 

 

Bukod sa gusto raw niyang maka-trabaho rin si Alden at napag-usapan din nila na sana ay makagawa nga sila ng movie nang magkasama sila sa isang TVC, napanood daw niya ang Hello, Love, Goodbye kunsaan, personal siyang inimbita ni Kathryn Bernardo ay sa message pa nito, na gusto siyang maka-trabaho ni Alden.

 

 

Nang batiin daw niya through text ang mga ito, si Alden through Kathryn, sinabi rin muli na gustong-gusto siyang maka-trabaho, do’n pa lang daw, alam na niya ang posibilidad.

 

 

Excited na raw si Bea na masimulan nilang i-shoot ang movie. Though sa part niya, hindi pa raw niya pinapanood ang Korean film at wala rin daw siyang idea kung napanood na ni Alden.

 

 

Pero mukhang from their TVC in Bangkok, nakapag-build -up na rin sila ng friendship dahil ayon kay Bea, nagte-text daw si Alden sa kanya paminsan-minsan.

 

 

***

 

 

NGAYONG gabi na ang pilot episode ng bagong serye ng GMA-7, ang Owe My Love na pinagbibidahan nina Benjamin Alves at Lovi Poe na produced ng GMA News Public Affairs.

 

 

Hindi na mabilang ni Benjamin kung gaano na karami ang pinagsamahan nilang proyekto ni Lovi. Pero ang sigurado, ang actress ang una niyang leading lady sa pelikula.

 

 

     “Nagugulat kami na ang tagal na naming magkaibigan. Nine years and all of nine years, nagsimula ako sa showbiz, kilala ko na ang Lovi. Bilang sa first project ko, siya na po ang leading lady ko.”

 

 

     Maganda ang chemistry nilang dalawa, kaya naitanong nga kay Benjamin kung hindi ba sila talaga nag-attempt na maging real ang mga reel tandem nila.

 

 

“Sa akin po, I’ve always been attractive to Lovi. Hindi lang po talaga nag-mature into a relationship.  Attracted po at nang mas makilala ko siya bilang kaibigan, attractive po talaga siya.

 

 

    “Pero wala e, I guess, kaya kami 9 years na magkaibigan at kahit isang drama, wala kaming pinagdaanan. Yung samahan namin, puro masaya.

 

 

“But of course, we’ll never know but now, I’m happy that we’re friends at pareho naman kaming masaya sa buhay namin.”

 

 

Sa isang banda, ginagampanan ni Benjamin sa Owe My Love ay isang doctor na dahil sobrang nahihilig na rin siya sa mga k-drama at gayundin si Lovi, ito rin daw ang nag-recommend sa kanyang panoorin niya ang Romantic Doctor.  At ang bida rito na si Han Suk-kyu ang naging peg na rin rind aw niya sa kanyang character.  (ROSE GARCIA)

Other News
  • Paglilipat ng mga hinatulang inmates ipinatigil ng SC

    Ipinatigil pansamantala ng Supreme Court (SC) ang paglilipat sa kustodiya ng mga bilangguang pinatatakbo ng Bureau of Corrections (BuCor) ng mga bilanggong nahatulan ng korte dahil umano sa patuloy na banta COVID-19.   Sinabi ni SC Court Administrator Jose Midas Marquez na lahat ng nahatulang inmates mula Hulyo 29 hanggang Agosto 31 na dapat ililipat […]

  • 423 JOBSEEKERS HIRED-ON-THE-SPOT SA SM’S LABOR DAY JOB FAIRS

    UMABOT sa 423 jobseekers ang na hired on the spot sa isinagawang magkasabay na job fair noong labor day kung saan nag-host ang SM City Grand Central at SM City Valenzuela.     Ipinakita sa collaborative initiative na ito sa pagitan ng SM Supermalls, Department of Labor and Employment, Local Government Units, at Public Employment […]

  • PBBM, ipinag-utos ang pagpapaliban sa dagdag pasahe sa LRT-1, LRT-2

    IPINAG-UTOS ni Pangulong Ferdinand Marcos Jr. sa Department of Transportation’s (DOTr) na ipagpaliban ang pagtaas ng pamasahe sa  rail lines LRT-1 at LRT-2 “pending a thorough study on the economic impact” sa mga mananakay.     Tiniyak  ni Transportation Secretary Jaime Bautista sa press briefing sa Malakanyang na susunod ang DOTr  sa utos ng Pangulo […]