Anomalya sa ‘TUPAD’ program ng DOLE pina-iimbestigahan sa Kamara
- Published on November 14, 2022
- by @peoplesbalita
PINAIIMBESTIGAHAN ni Senior Citizen Party-list Representative Rodolfo Ordanes ang napaulat na umano’y katiwalian ng ilang organisasyon sa “Tulong Panghanapbuhay sa mga Disadvantaged/Displaced Workers” o TUPAD Program ng Department of Labor and Employment (DOLE).
Sa inihaing House Resolution No. 506 ni Rep. Ordanes kanyang hinimok ang angkop na Komite na imbestigahan ang natanggap nilang reklamo mula sa ilang mga senior citizen.
Batay sa reklamo na nakarating sa mambabatas na ilang senior citizen organizations na humihingi umano ng “membership fee” para makasama sa TUPAD Program.
Sa sandaling naging miyembro na ang senior citizens bilang beneficiary ng programa, inoobliga na sila na magbigay umano ng kalahati ng halagang natanggap mula ng mga ito sa TUPAD.
Mas matindi pa dito ay binabantaan ang mga seniors na tatanggalin sa programa kapag hindi sumunod sa utos ng organisasyon.
Dahil dito, nababahala si Rep. Ordanes sa modus na ito na malinaw na taliwas sa mandato ng TUPAD Program.
Binigyang-diin ng mambabatas dapat mahinto at papanagutin ang mga nasa likod na anomalya at katiwalian. (Daris Jose)
-
P103K shabu, nasamsam sa Navotas drug bust, 2 tulak huli
NASAMSAM sa dalawang hinihinalang tulak ng ilegal na droga ang mahigit P.1 milyong halaga ng shabu matapos malambat ng pulisya sa ikinasang buy bust operation sa Navotas City, kahapon ng madaling araw. Kinilala ni Navotas police chief P/Col. Mario Cortes ang naarestong mga suspek na sina alyas “Pango”, 50, at alyas “Benson”, 29, […]
-
BFAR, kailangan ang P450 million budget para sa surveillance vessels sa WPS
KAILANGAN ng Bureau of Fisheries and Aquatic Resources (BFAR) ang P450 million sa susunod na taon para bumili ng tatlong monitoring, control, and surveillance (MCS) vessels para tulungan ang mga mangingisda sa West Philippine Sea. Inihayag ni BFAR Director Demosthenes Escoto ang nasabing halaga sa pagdinig ng Senate Finance Committee ukol sa panukalang […]
-
ER ng private hospitals higit 100% puno na
Lagpas na sa 100% ang kapasidad sa operasyon ng maraming pribadong pagamutan ngayon sa iba’t ibang panig ng bansa dahil sa nararanasang pagtaas ng mga kaso ng COVID-19. Sinabi ni Philippine College of Physicians (PCP) president Dr. Maricar Limpin na may ilang ospital pa nga ang nasa 130%-150% na ang operasyon ng mga […]