Ateneo, La Salle muling magtutuos!
- Published on April 13, 2022
- by @peoplesbalita
MULING magkukrus ang landas ng mortal na magkaribal na Ateneo de Manila University at De La Salle University sa pagsisimula ng second round ng University Athletic Association of the Philippines (UAAP) Season 84 men’s basketball tournament ngayong araw sa Mall of Asia Arena.
Nakatakda ang bakbakan ng Blue Eagles at Green Archers sa alas-7 ng gabi habang masisilayan din ang duwelo ng NU at UP sa alas-10 ng umaga.
Lalarga rin ang laro ng FEU Tamaraws at Adamson University sa alas-12:30 ng tanghali kasunod ang laban ng University of Santo Tomas at University of the East sa alas-4:30 ng hapon.
Mas magiging exciting ang laban ng Ateneo at La Salle sa pagkakataong ito dahil mayroon nang fans na inaasahang daragsa sa venue.
Hindi tulad noong Abril 2 sa kanilang unang pagtutuos kung saan nakuha ng Blue Eagles ang 74-57 panalo sa venue na walang expectators.
Target ng Ateneo na makuha ang ikawalong sunod na panalo upang mapatatag ang kapit nito sa solong pamumuno.
Sariwa pa ang Blue Eagles sa 91-80 panalo sa Growling Tigers noong Sabado para makumpleto ang first-round sweep.
Nadugtungan din ang winning streak ng Ateneo sa 33 games na nagsimula noon pang 2018.
Subalit walang balak magpakampante ang Ateneo dahil alam ng tropa na mas magiging matindi ang labanan sa second round.
Desidido rin ang La Salle na makaresbak sa pagkakataong ito.
Mataas din ang moral ng Green Archers na matikas na isinara ang first round sa bendisyon ng 61-58 panalo sa Soaring Falcons.
Okupado ng La Salle ang No. 3 spot bitbit ang 5-2 marka.
-
Pacquiao talo kay Ugas via unanimous decision
Napanatili ni Yordenis Ugas ang kaniyang WBA “super” welterweight belt matapos na talunin si Manny Pacquiao. Pinaburan ng tatlong judges ang Cuban boxer para makuha ang unanimous decision 115-113, 116-112, 116-112. to na ang pang-27 na panalo ni Ugas habang pang walong talo naman ng fighting senator na mayroong 62 panalo, […]
-
TIPID TUBIG
NAGBABALA ang Maynilad at Manila Water sa kanilang customers na magkakaroon ng water interruption sa paparating na mga araw dahil sa pa-tuloy na pagbaba ng tubig sa Angat Dam sa Bulacan at maging sa La Mesa Dam sa Quezon City. Patuloy rin ang pagbaba ng level ng tubig sa Ipo Dam. Kaya ang payo ng […]
-
Pacers guard Brogdon nagpositibo rin sa COVID-19
Nagpostibo sa coronavirus si Indiana Pacers guard Malcolm Brogdon. Hindi naman binanggit ng koponan kung saan o paano nakuha nito ang nasabing virus. Naging aktibo ang 27-anyos sa racial at social justice mula ng matigil ang mga laro sa NBA noong Marso dahil sa COVID-19 pandemic. Hindi rin naglaro ito sa nasabing […]