• March 29, 2024
  • Ang Diyaryong Pinagkakatiwalaan

Bakunang Sinovac: hindi puwedeng ipagamit ang second dose ng mga nabigyan ng first dose para sa mga nag-aapurang mabakunahan – PDu30

SINABI ni Pangulong Rodrigo Roa Duterte sa mga taong nagmamadaling mabakunahan kontra Covid -19 na hindi maaaring galawin o ipagamit ang second dose na nakalaan sa mga taong nabigyan na ng first dose ng bakuna na Sinovac.

 

Ginamit ng Pangulo ang paliwanag ni Health Secretary Francisco Duque III na ang interval ng first at second dose ay 28 araw lamang.

 

“Sir, iyon pong sa Sinovac talagang nakatabi na po ‘yong second dose for the simple reason that the interval between the first and second dose is only 28 days. After 28 days, after a person was given the first dose, susunod na po ‘yong pangalawang dose 28 days later. So nakatabi na po ‘yon. Wala na po tayong problema sa Sinovac,” ayon kay Duque sa public address ni Pangulong Duterte, Lunes ng gabi.

 

May suhestiyon kasi na gamitin na muna ang pang- second dose nang nabigyan ng first dose sa mga taong nag-aapura na mabakunahan kontra covid 19.

 

“Ganito ang tanong ko kasi talagang apurado ang lahat naman, mayroon tayo nandiyan ngayon intended sa pangalawang injection kasi dalawa ‘yan eh. The booster would follow in so many days. Iyan hindi pa nagagamit kasi ang second booster ang problema niyan madali ‘yang sabi… You know, how about those needing already the second dose? There’s a problem there. Sabihin mo gamitin na muna para sa first dose ng hindi pa nabakunahan. That’s good,” ayon sa Pangulo.

 

“But the problem is sabihin mo the second dose would come from the future deliveries, okay ‘yan. Ang problema, ang next problem is baka hindi dumating. Ano ngayon ang — on time — I’m sure that everybody especially the World Health Organization must know our quandary na gagamitin natin. We assume that the 525,000 doses.
Kung gamitin lahat ‘yan, paano ‘yong ngayong na-injection-an ng Sinovac, kasi ito man ang pinakamarami, kung kailangan nila in the interim, between the period of the delivery of the vaccines and the due date of the second inoculation, second vaccination. There’s a problem there,” litaniya nito.

 

Samantala, maaari namang gamitin ang lahat ng 525,000 AstraZeneca vaccines bilang first dose.

 

Ang paliwanag ni Duque ay 12 weeks naman o tatlong buwan ang time interval ng first at second dose.

 

“Ngayon po, ang time interval, ‘yong pagitan ng first dose sa AstraZeneca at sa pangalawang dose is 12 weeks, three months po. Palagay naman natin and according to the WHO country representative, he will write a letter to reassure us that the next batch will really come. And from there, we will use the second dose. So baka dumating po — hindi lang makapagbigay ng definite date — but could be anywhere from last week of March to about first week of April,” ang pahayag ng Kalihim.

 

“So we give more. We provide partial protection to a lot more healthcare workers,” aniya pa rin.

Other News
  • Sekyu kulong sa pagbabanta at panunutok ng baril sa kinakasama

    KALABOSO ang 39-anyos na sekyu matapos tutukan ng baril at hablutin ang buhok ng kanyang kinakasama nang maibigay ang ginang ng perang pambili nila ng pagkain sa Valenzuela City, kamakalawa ng gabi.     Kinilala ni Valenzuela police chief P/Col. Salvador Destura, Jr. ang naarestong suspek na si alyas “Aguilar” ng Brgy. Pasolo na nahaharap […]

  • PBBM, target ang government-to-government deals para sa pagbili ng fertilizer

    TARGET ni Pangulong Ferdinand “Bongbong” Marcos Jr. na isulong ang  government-to-government talks para tugunan ang tumataas na presyo ng  fertilizers.     Naniniwala kasi si Pangulong Marcos na maaaring makabili ang pamahalaan ng mas murang fertilizers sa pamamagitan ng  government-to-government deals.     Kinokonsidera ng Chief Executive ang makipag-usap sa  China, Indonesia, United Arab Emirates, […]

  • Mas matinding sitwasyon ang kakaharapin ng Phl kung ‘di ipatupad ang ECQ sa NCR – Concepcion

    Tama ang ginawa ng private sector na imungkahi ang dalawang linggong enhanced community quarantine (ECQ) dahil kung hindi ay mahaharap sa mas malaking hamon ang Pilipinas bunsod ng banta ng Delta coronavirus variant, ayon kay presidential adviser for entrepreneurship Joey Concepcion.     Mas ninais aniya ng private sector na irekomenda sa pamahalan na Agosto […]