Baldwin tiwala sa Gilas squad
- Published on June 26, 2021
- by @peoplesbalita
Masaya si Gilas Pilipinas head coach Tab Baldwin sa ipinamalas ng kanyang bataan sa tuneup game nito laban sa China sa kabila ng 79-all pagtatapos ng laban.
Nagawang makuha ng Gilas squad ang 78-71 kalamangan sa huling isang minuto ng laro.
Subalit nagpasabog ang China ng matinding opensa sa mga sumunod na pangyayari upang maitabla ang iskor sa 79-all sa pagtatapos ng laro.
Umiskor si Kai Sotto ng 13 puntos habang may tig-12 naman sina Angelo Kouame at Jordan Heading, at siyam na puntos si RJ Abarrientos.
Nagdagdag sina Justine Baltazar at William Navarro ng tig-walong puntos para sa Gilas.
“China played very physical basketball and it pushed us to the limit, they got off to a good start. I was pleased with the way the guys responded, it was a high-energy game,” ani Baldwin.
Umaasa si Baldwin na maraming natutunan ang bagitong Gilas squad sa naturang laro na madadala nito sa FIBA Olympic Qualifying Tournament na lalarga sa Hunyo 29 hanggang Hulyo 4 sa Belgrade, Serbia.
Umalis na kagabi ang Gilas Pilipinas patungong Belgrade kung saan hindi na ito muli pang sasalang sa tuneup games doon bago ang laban upang makaiwas sa anumang injury.
May injury na sina Dwight Ramos at Carl Tamayo na hindi nasilayan sa tuneup game laban sa China.
Subalit tiniyak naman ng Gilas coaching staff na magiging maayos na ang lagay ng mga ito bago magsimula ang Olympic qualifying.
-
Dahil sa kawalan ng trabaho at problema sa pamilya, kelot nagpakamatay
ISANG 33-anyos na lalaki ang nagpasyang magpakamatay sa pamamagitan ng pagbaril sa kanyang sarili dahil umano sa depresyon dala ng kawalan ng trabaho at problema sa pamilya sa Malabon City, kamakalawa ng hapon. Kinilala ni Malabon Police Sub-Station 3 commander P/Maj. Carlos Cosme ang biktima na si Charie Odtuhan ng No. 9 Camia […]
-
Fernando, nagpaalala na sundin ang minimum health standards sa patuloy na pagtaas ng mga kaso ng COVID-19
LUNGSOD NG MALOLOS- Muling pinaalalahanan ni Gob. Daniel R. Fernando ang mga Bulakenyo na patuloy na sundin ang minimum health standards sa gitna ng patuloy na pagsipa ng mga kaso ng COVID-19 sa lalawigan sa mga nakalipas na linggo. “Kung maaari po, lagi nating isipin na may virus, mag-ingat at maging maingat po […]
-
2,055 na mga Dumagat, tumanggap ng food packs mula sa INC
LUNGSOD NG MALOLOS – Kabilang sa mga donasyon ng religous group na Iglesia ni Cristo nitong nakaraang buwan, may kabuuang 2,055 Dumagat ang tumanggap ng mga food pack sa pamamagitan ng programang “Kumustahan at Talakayan sa IPs sa Doña Remedios Trinidad sa Panahon ng Pandemya” na inorganisa ng Pamahalaang Panlalawigan ng Bulacan sa pamamagitan ng Provincial Social Welfare […]