BIKTIMA NG HUMAN TRAFFICKING, NASABAT SA CLARK
- Published on July 15, 2021
- by @peoplesbalita
NASABAT ng mga opisyal ng Bureau of Immigration (BI) sa Clark Freeport Zone ang isang babae na biktima ng human trafficking na may pekeng pangalan.
Ang biktima ay pansamantalang hindi pinangalanan aklinsunod sa anti-trafficking laws, ay nagmula sa Cotabato ay tinangkang sumakay sa Qatar Airways flight No. QR 931 sa Clark International Airport at magtratrabahi bilang household service worker (HSW) sa Doha, Qatar.
Sa ulat nina Travel Control and Enforcement Unit (TCEU) Officers Johnel Badua at Marc Danes Diego, na ang biktima ay sumailalim sa primary inspection hanggang secondary inspection pero nahalata ang pabago-bago niyang salaysay kung saan sinabi nitong 27 anyos na siya at mayroon na itong Philippine Overseas Employment Administration-accredited agency bilang isang HSW.
Pero sa kalaunan ay nabuking din ito hanggang sa aminin nito ang tunay na pangalan at 24-anyos lamang siya.
“These human traffickers go as far as providing their victims documents that assume the identity of others,” ayon kay BI Commissioner Jaime Morente. “This has to stop. They are taking advantage of our kababayan in the midst of a pandemic,” dagdag pa nito.
Ipinaliwanag ni Morente na ang mga nasabat na biktima ng human trafficking victims ay isinasanguni sa Inter-Agency Council Against Trafficking (IACAT) para maibestigahan ang kanilang recruiters at para sila masampahan ng kaso.
“We pray that cases of these victims push through so that those who victimize the vulnerable will find themselves facing the harshest penalties to finally end this modus,” ayon pa sa BI Chief. (GENE ADSUARA)
-
Dating pangulong Duterte, dumalo sa pagdinig ng Kamara
DUMALO sa ika-11 pagdinig ng Quadcom committee si dating pangulong Rodrigo Roa Duterte kaugnay sa imbestigasyon sa naganap na extrajudicial killings sa ilalim ng war on drugs ng dating administrasyon. Nakatabi pa nito sa pagdinig si dating senadora Leila de Lima na dumalo rin sa hearing ng komite. Bago nagsimula ang hearing, pinaalalahan […]
-
PBBM, nakipagpulong sa Indonesia para sa security, trade at culture
UMALIS biyaheng Indonesia si Pangulong Ferdinand Marcos Jr., araw ng Linggo, Setyembre 4, 2022. Ito ang kauna-unahang foreign trip ni Pangulong Marcos nang maupo siya bilang halal na Pangulo noong Hunyo. Inaasahan naman na makikipagkita ang Pangulo sa Filipino community sa kanyang pagdating sa Indonesian capital. “This is to […]
-
Ej Obiena nagtapos sa ika-4 na puwesto sa Berlin Tournament
Nagtapos sa pang-apat na puwesto si Filipino pole vaulter EJ Obiena sa ISTAF Berlin Tournament sa Germany. Nabigo kasi ito sa 5.81-meter mark na talunin sa nasabing torneo. Pawang mga Americans ang nakakuha sa una hanggang pangatlong puwesto na pinangunahan ni Sam Kendricks, Christopher Nilsen at KC Lightfoot. Magugunitang […]