Bong Go: Walang oras, minuto na masasayang sa aking serbisyo
- Published on November 17, 2021
- by @peoplesbalita
“Mahal ko ang aking kapwa Pilipino, gusto ko pong magserbisyo sa kanila at pangako ko sa inyo, walang isang oras, walang minuto na masasayang, magseserbisyo ako sa inyong lahat!”
Ito ang ipinangako ni Senator Christopher “Bong” Go na naghain noong Sabado ng kandidatura bilang standard-bearer ng Pederalismo ng Dugong Dakilang Samahan sa May 2022 presidential elections.
Si Go ay personal na sinamahan ni Pangulong Rodrigo Duterte sa Commission on Elections main office sa Intramuros, Maynila.
Ipinaliwanag ng presidential aspirant na kinakailangan niyang umangat ng posisyon para matiyak ang tuluy-tuloy na reporma at mga programa ng Duterte administration.
Nangako siya na magsisilbi upang maging tulay sa pagitan ng pamahalaan at sambayanang Filipino—partikular ng mahihirap, nawawalan ng pag-asa at walang malapitan—na matutugunan ang kanilang mga pangangailangan at hinaing.
Nagdesisyon si Go na tumakbong Pangulo matapos maghain si Davao City Mayor Sara Duterte na kandidatura sa vice presidency sa ilalim ng Lakas-CMD party.
Nangako siya na puspusang magtatrabaho para ma-accomplish ang mga nalalabing plano ni Pangulong Duterte na magbebenepisyo sa sambayanang Filipino.
Idiniin ni Go na kanyang ipagpapatuloy ang krusada ng Pangulo laban sa illegal drugs, kriminalidad at katiwalian.
“Ang puwede ko pong mai-offer sa kanila, ang puwede ko lang mai-offer sa Pilipino, ‘yung sipag ko po at pagseserbisyo sa aking kapwa Pilipino. ‘Yung totoong malasakit po, ‘yun lang” patuloy ni Go.
“Hintayin niyo na lang po kung resulta lang po. Kung trabaho ang pag-uusapan, bagama’t tatlong taon lang po akong senador, pero iyong nakikita ko pong ginagawa ni Pangulong Duterte na sakripisyo para sa bayan, sino pong magpapatuloy? Iyon po ang ipagpapatuloy ko,” idiniin niya. (Gene Adsuara)
-
NCR finance managers, sinanay para sa transparent, efficient fund use- DBM
IBINAHAGI ng Department of Budget and Management (DBM) na ginawa nitong mahusay ang 255 public financial management (PFM) practitioners, kabilang na ang mga budget officers, auditors, at finance officers mula local government units (LGUs) ng Kalakhang Maynila upang masiguro ang ‘responsable, transparent at episyenteng’ paggamit ng public funds. Sinabi ng DBM na ang […]
-
Derek, nag-react sa basher
PINAG-USAPAN ng netizens ang ‘walang malisya’ post ni Ruffa Gutierrez ng mga photos na magkasama sina Derek Ramsay at Ellen Adarna. As usual, super react na naman ang netizens, may nakipagpustahan pa ng for sure, magkakatuluyan ang dalawa. May nag-connect naman sa kanilang tatlo kay John Lloyd Cruz at isinabit na lang si […]
-
Ads August 21, 2020