• July 20, 2024
  • Ang Diyaryong Pinagkakatiwalaan

Bryan Quiamco hari ng Ho Chih Minh City International Marathon

Giniyahan ni Bryan Quiamco ang pasabog ng Team Philippines 7-Eleven nitong Linggo sa 10th Ho Chi Minh City International Marathon 2022 sa Vietnam.

 

 

Kumawala sa 3-man lead pack sa 33K mark ang 36 na taong-gulang na Pinoy na tubong Kawit, Kauswagan, Lanao Del Norte pero residente na ng Roosevelt, Tibanga, Iligan City upang masungkit ang una niyang titulo sa tatlong international 42.195K footrace.

 

 

Tinugaygay ni Quiamco, ama ng tatlong supling, ang makabali-tuhod at makasabog bagang karera sa 2:38:28 sa pamumuno sa 1-2 walis ng ‘Pinas upang ibulsa ang VND40M (P112K) cash prize.

 

 

Si Jerald Sabal ng Bagumbayan, Sultan Kudarat ang sumegunda sa 2:4104 (VND24M) at si Vietnamese Dang Anh Quyet ang tersera (2:44:44, VND20,400). Pumang-apat ang isa pang Pinoy na si Florendo Lapiz (2:44:52, VND18M).

 

 

“Sobrang saya ko po dahil makakaipon na ako ng konti at makakabili na ng gamit ng aking anak na nag-aaral,” ani Quiamco na pumangalawa sa 2018 Jeju International Marathon (Korea) at sa 2019 Phuket Marathon (Thailand). “Nagpapasalamat po ako sa 7-Eleven dahil sila po ang nagbigay opportunity na makapaglaro ako sa ibang lugar.”

 

 

Nag-2-3-5 sa women’s division sina Jedelyn Miranda (3:13:04), Maricar Camacho (3:13:33) at April Rose Diaz (3:23:46). Si Vietnamese Doan Thi Hien ang reyna sa 3:08:54. (CARD)

Other News
  • P31M inilaan ng DOST para sa 5 commodities, food security

    Naglaan ang Department of Science and Technology (DOST) ng karagdagang P31.6 milyon para sa food security research and development (R&D) projects na sumasakop sa limang commodities.   Sa isang online interview, sinabi ni DOST Secretary Fortunato dela Peña na bukod ito sa P36 million na inilaan ng DOST para sa mga proyekto na sumusuporta sa […]

  • Japan, nagbigay ng $4.2-M

    NAGPALITAN ng diplomatic notes ang Japan at ang International Organization for Migration (IOM) para sa USD4.2 million (P215.9 million) project na makapagbibigay ng “shelter kits, health clinic support, at medical equipment” sa mga lalawigan at ilang bahagi ng Pilipinas na labis na sinalanta ng bagyong Odette noong nakaraang taon.     “Japan, in light of […]

  • NAVOTAS SCHOLARS TUMANGGAP NG ALLOWANCE

    TUMANGGAP ang academic scholars ng Pamahalaang Lungsod ng Navotas ng kanilang allowance para sa March hanggang June 2021.     Nasa 62 beneficiaries ng NavotaAs Academic Scholarship ang nakatanggap ng P4,000-P20,800 educational assistance. 55 dito ang high school students, dalawa ang college, at lima ang teachers.     “Metro Manila will be under Enhanced Community […]