Bukod sa pagiging abala sa pagdidirek: XIAN, bibida uli sa teleserye at makatatambal si Ashley

SI Xian Lim ang magdidirek ng bagong music video ni Glaiza de Castro.

Naging close ang dalawa pagkatapos nilang magtambal sa GMA teleserye na ‘False Positive’.

Sa kanyang Instagram, nag-share si Xian ng ilang photos sa unang araw niya ng shooting kasama ang OC Records sa Rancho Bernardo Luxury Villas sa Bataan.

Makikita naman si Glaiza na binibigyan ng instructions ni Xian sa shoot ng music video.

“Nice working with you po direk,” comment ni Glaiza sa IG post ni Xian.

Si Xian din ang nagdirek ng isang upcoming episode para sa ‘Wish Ko Lang’. May dinidirek din siyang pelikula titled ‘Hello Universe’.

Bukod sa pagdidirek, may gagawin ulit na teleserye si Xian sa GMA titled ‘Frozen Love’ kunsaan leading lady niya si Ashley Ortega.

***

NAG-SHARE si Jackie Lou Blanco ng ilang photos sa social media ng birthday celebration ng mother niya, ang Asia’s Queen of Songs na si Ms. Pilita Corrales.

Nag-turn 85 si Mamita last August 22. Present din sa simpleng salu-salo ay ang kapatid niyang si Ramon Christopher Gutierrez.

Two years daw kasing hindi ito nakapag-celebrate ng kanyang birthay dahil sa pandemic. Hindi rin daw ito nakakalabas ng kanyang bahay. Dahil maluwag na ang lahat, naisipan ni Jackie na bigyan ng party si Mamita at ang iba pang members ng pamilya nila na matagal na niyang hindi nakita.

Post ni Jackie sa Instagram: “Family Time. Celebrated birthdays of My Mom, Tita Ting, Max, and Mon! Got to see other family members too after a long time. So happy we got to do this again! What a blessing!”

Thankful si Jackie na nasa magandang kalusugan si Mamita at ang iba pang miyembro ng kanilang pamilya. Naging busy rin si Jackie sa lock-in taping ng ‘Start-Up PH’ kunsaan kasama niya sina Alden Richards at Bea Alonzo.

Sa ‘Start-Up PH’, ginagampanan ni Jackie ang role na Sandra Yoon, ang CEO ng Sandbox and SH Venture Capital.

***

NAGKAROON ng mini-reunion ang ilang cast ng hit comedy series na ‘Modern Family’ sa wedding ng isang cast member na si Sarah Hyland last August 20 sa Sunstone Winery in Santa Barbara, California.

Ginampanan ni Sarah ang role na Hayley Dunphy sa ‘Modern Family’ na umere for 11 seasons. Kinasal siya sa kanyang longtime fiance na si Wells Adam, na dating contestant sa 12th season ng ‘The Bachelorette’.

Na-engage sila sa Fiji noong 2019, pero na-push back ang wedding plans nila for two years dahil sa global pandemic.

Present sa long-delayed wedding ay ang pamilya ni Sarah sa ‘Modern Family’ na sina Julie Bowen, Ariel Winter, Sofia Vergara, Nolan Gould, at Jesse Tyler Ferguson na siyang nag-officiate ng wedding.

Sey ni Sarah: “I’ve known Jesse since I was 18 years old. I remember his first date with his husband Justin (Mikita). So we’ve been through so much. Jesse and Justin and Wells and I have traveled together, just the four of us. So it was really special to have him up there. I had Vera Wang put pockets into my dress, so I was able to have my handkerchief and q-tips at the ready.”

Ilan sa cast members na hindi nakarating sa wedding ay sina Ed O’Neil, Eric Stonestreet, Ty Burrell, Rico Rodriguez, Audrey Anderson-Emmons, Jeremy Maguire, at Reid Ewing.

Umere ang 11th and final season ng ‘Modern Family’ noong April 2020.

(RUEL J. MENDOZA)