• March 29, 2024
  • Ang Diyaryong Pinagkakatiwalaan

Caloy sabak agad sa ensayo pagbalik sa Japan

ISA hanggang dala­wang araw lang ang magi­ging break ni two-time world gymnast champion Caloy Yulo para paghandaan ang mga lalahukan pang international competitions ngayong taon.

 

 

Isa sa mga ito ay ang Asian Gymnastics Championships sa Hunyo 15-18 sa Doha, Qatar na magsisilbing qualifying tournament para sa 41st FIG Artistic Gymnastics World Championships sa Liverpool, England sa Oktubre.

 

 

“Imposible kay coach Mune (Munehiro Kugimiya) ang mahabang break,” wika ng 22-anyos na Pinoy gymnast. “Isang araw tama na.”

 

 

Limang gold at dalawang silver medals ang inangkin ni Yulo sa pagtatapos ng kanyang kampanya sa 31st Southeast Asian Games sa Hanoi, Vietnam.

 

 

Dinuplika niya ang limang gintong medalyang nakuha ni gymnast Rolando Albuera noong 1979 Jakarta SEA Games.

 

 

Naghari ang Batang Maynila sa men’s floor exercise, vault, still rings, horizontal bar at individual all-around at sumegunda sa team event at parallel bars.

 

 

Sa pommel horse lamang siya nabigong makahablot ng anumang medalya.

 

 

Sa kabuuan ng kanilang kampanya sa Vietnam SEA Games ay nagposte ang national gymnastics team ng 7 golds, 4 silvers at 1 bronze kumpara sa nakamit na 3 gold, 5 silver at 4 bronze medals noong 2019 edition.

 

 

Bukod sa limang ginto ni Yulo ay nagdagdag din si Fil-Am Aleah Finnegan ng dalawa pa sa vault at women’s team event.

Other News
  • Mahigit 1-M mga indibidwal lumikas na mula sa Ukraine mula nang salakayin ito ng Russia

    MAHIGIT isang million na mga indibidwal na ang lumipad paalis sa Ukraine simula nang magsimulang salakayin ito ng Russia.     Ayon sa datos ng UN refugee agency, tinatayang nasa 8.5 percent sa mga ito ay tumakas sa bansa patungo sa mga kalapit na bansa tulad ng Poland, Slovakia, Hungary, Moldova, Belarus, at Russia.   […]

  • Fajardo isasabong na sa Abril ni Austria sa SMB

    HINDI na pala dapat mag-aalala ang mga tagasunod ng Philippine Basketball Association (PBA) at ng San Miguel Beer.     Inalis na kamakalawa ni Leovino ‘Leo’ Austria ang pangamba ng mga fan hinggil sa pagbabalik na ni June Mar Fajardo sa 46th PBA 2021 Philippine Cup na magbubukas sa Abril matapos ang 36th PBA Draft […]

  • Kabastusan sa mga jeep at tricycles, iayos a rin!

    MAY isang nanay ang nagpadala ng hinaing sa Lawyers for Commuters Safety and Protection (LCSP) tungkol sa mga bastos daw na rap song na madalas nang pinapatugtog ng mga jeepney drivers habang bumabiyahe.   Ang sumbong sa akin, malalaswa at bastos ang mga kanta na noon lang niya narinig nang sumakay siya ng jeep. Gaya […]