Clarkson mainit sa panalo ng Jazz
- Published on March 15, 2022
- by @peoplesbalita
NAGPASABOG si Fil-American guard Jordan Clarkson ng career-high 45 points para tulungan ang Utah Jazz sa 134-125 pagligwak sa Sacramento Kings.
Kumonekta si Clarkson ng pitong triples at may perpektong 8-of-8 shooting sa free throw line para sa Jazz (42-25) na nanatili sa No. 4 spot sa Western Conference.
Nag-ambag si Bojan Bogdanovic ng 26 points kasunod ang 25 markers ni Donovan Mitchell para sa Utah na kinuha ang 111-95 bentahe sa fourth quarter bago makalapit ang Sacramento sa 106-111.
Sa San Francisco, naglatag si Klay Thompson ng season-best 38 points para akayin ang Golden State Warriors (46-22) sa 122-109 pagdakma sa nagdedepensang Milwaukee Bucks (42-26).
Ang kabiguan ang pumutol sa six-game winning streak ng Bucks (42-26) na second placer sa Eastern Conference.
Sa Miami, umiskor si Jaylen Nowell ng 16 points at may tig-15 markers sina Karl-Anthony Towns at Anthony Edwards sa 113-104 panalo ng Minnesota Timberwolves (39-30) sa East-leading Heat (45-24).
Sa Chicago, naglista si DeMar DeRozan ng 25 points sa 101-91 pagsuwag ng Bulls (41-26) sa Cleveland Cavaliers (38-29).
Sa iba pang laro, dinomina ng Toronto Raptors ang Denver Nuggets, 127-115; panalo ang Indiana Pacers sa San Antonio Spurs, 119-108; at wagi ang Portland Trail Blazers sa Washington Wizards, 127-118.
-
WBA nag-sorry, ‘Champion for Life’ award igagawad kay Pacquiao
Humingi na nang paumanhin ang World Boxing Association (WBA) kay Filipino boxing champion Manny Pacquiao matapos na bawiin ang kaniyang boxing belt dahil sa hindi pagiging aktibo sa boxing. Sinabi ni WBA President Gilbert Mendoz na nagkaroon lamang sila ng kalituhan tungkol sa “super” WBA welterweight title. Kasabay din nito ay […]
-
Obiena tama ang pagpayag
MABUTI at sumang-ayon na si 2020+1 Tokyo Olympian men’s pole vaulter Ernest John Obiena sa mediation ng Philippine Sports Commission (PSC) para sa gusot niya sa Philippine Athletics Track and Field Association (PATAFA). Ito ang naging tugon niya sa mga senador sa mahigit limang oras na hearing ng Senate Committee on Sports at […]
-
Pacquiao nasa PH na kasunod ng laban vs Ugas; naka-quarantine na sa isang hotel sa Pasay
Dumiretso sa Conrad hotel sa Pasay City na si Sen. Manny Pacquiao kasama ang kanyang pamilya para sa kanilang 10-day quarantine matapos na dumating na sa bansa kaninang madaling araw. Alas-3:23 ng umaga lumapag sa Ninoy Aquino International Airport mula Los Anges ang PAL 103 lulan sina Pacquiao, na kakagaling lamang sa laban […]