Dagdag pondo sa mawawalan ng trabaho sa lockdown
- Published on August 4, 2021
- by @peoplesbalita
Nanawagan ng dagdag na pondo ang Department of Labor and Employment (DOLE) na gagamitin umano sa pagtulong sa mga ‘formal at informal workers’ sa Metro Manila na inaasahan na mapuputulan ng pagkakakitaan sa 14 na araw na enhanced community quarantine (ECQ).
Sinabi ni Labor Secretary Silvestre Bello III na may naiwan pang pondo ang Department of Budget and Management (DBM) at ang Office of the President sa kanilang tanggapan para sa mga mawawalan ng trabaho.
“Mas mabuti sanang dagdagan nila kasi we have to be very ready for any eventuality kung talagang matindi ang epekto nitong ECQ (enhanced community quarantine),” paliwanag ng kalihim.
Sinabi niya na pinag-uusapan na ng DOLE, Department of Trade and Industry, Department of Health at Department of Social Welfare (DSWD) kung anong uri ng tulong ang ibibigay sa mga apektadong manggagawa.
“Hindi lamang 15 days na mawawalan ng trabaho ’yung ating mga kababayang manggagawa, kundi simula rin ngayon… Ang kasunod niyan, gutom ang katumbas sa mga manggagawa natin,” giit pa ng kalihim.
Sa kasalukuyan, maaari pa ring maka-avail ang mga formal workers ng isang beses na cash assistance na P5,000 sa ilalim ng COVID-19 Adjustment Measure Program (CAMP), habang ang mga informal workers ay binibigyan ng trabaho sa ilalim ng TUPAD na may suweldo na katumbas ng ‘minimum wage’.
-
Number 16 ni Paul Gasol, retirado na
Tuluyan ng niretiro ng Los Angeles Lakers ang jersey number ni retired player Pau Gasol. Isinagawa ang isang seremonya sa Crypto.com Arena sa halftime sa laban ng Lakers kontra Memphis Grizzles. Dito ay ipinakita ng Lakers ang number 16 na jersey ni Gasol at niretiro na nila katabi ang jersey number 24 ng […]
-
Sa prestigious 26th Tallinn Black Nights Film Festival: THERESE, proud na nag-iisang Asian at pinakabatang jury member
NINANAMNAM ng award-winning Kapuso actress na si Therese Malvar ang pagkakasama sa kanya bilang jury member sa prestigious 26th Tallinn Black Nights Film Festival na ginanap sa bansang Estonia. Sa First Feature Competition category ng naturang festival umupo bilang jury si Therese. Sa kanyang pinost sa Instagram, nag-share siya ng kanyang […]
-
Tiangco brothers nagbigay ng ayuda sa mga nasunugan sa Navotas
KAAGAD nagbigay ng tulong pinansyal sina Mayor John Rey Tiangco at Congressman Toby Tiangco sa halos 60 pamilyang nawalan ng tirahan matapos tupukin ng apoy ang kanilang mga bahay sa Navotas City. Personal na binisita at kinamusta ni Mayor Tiangco, kasama ang ibang pang mga opsiyal ng lungsod ang mga nasunugan na karamihan […]