• February 10, 2025
  • Ang Diyaryong Pinagkakatiwalaan

Dahil hindi nakumpleto ang hinihingi ng MTRCB: ‘Pepsi Paloma’ movie ni Direk DARRYL, ‘di tuloy ang showing sa mga sinehan

HINDI nga matutuloy ang showing ng pelikulang “The Rapists of Pepsi Paloma“ sa February 5 dahil hindi pa nakukumpleto ni Direk Darryl Yap ang mga dokumentong hinihingi ng Movie and Television Review and Classification Board.
Inihayag ito mismo ni Direk Darryl sa kanyang Facebook account kasama  art card ng mukha ng sexy star na si Pepsi Paloma na may caption na…
“Natanggal man ang tansan, nananatili ang iyon ispirito.”
Sa statement ng kontrobersyal na direktor, “Ipinaabot ko po sa lahat ng nakasubaybay na bigo po ang panig ng inyong lingkod na agarang makumpleto ang mga dokumentong hinihingi ng pamunuan ng MTRCB.
“Kaya’t imposible pong maipalabas sa mga sinehan ang ating Pelikula sa February 5.
“Pinag-iisipan na rin ang posibilidad na maunang maipalabas ito sa labas ng bansa o ipagpaliban na ang pagpapalabas sa sinehan at magpokus na lamang sa streaming platforms.
“Kung anu’t anuman ay agad itong malalaman ng publiko.
“Maraming Salamat po.”
Wala na raw available na playdate ang Pebrero at Marso sa mga sinehan dito sa Pilipinas ayon pa sa direktor.
“Puno na rin kasi ang February at March, pero makakahanap lang kami ng available screening dates once ok na ang hinihinging karagdagang documents. Salamat!” sabi ng direktor.
Kaya sa malamang na mauna talaga maipalabas ang ‘Pepsi Paloma sa ibang bansa at sa streaming platforms. (ROHN ROMULO)
Other News
  • Malakanyang, pinawi ang pangamba ng publiko na agad na tutukuyin bilang terorista

    WALANG dapat na ipangamba ang publiko matapos tukuyin ng Anti-Terrorism Council (ATC) si Communist Party of the Philippines (CPP), founder si Jose Maria ‘Joma’ Sison at  18 na iba pa na mga terorista ng bansa.   Sa inilabas na ATC Resolution No. 16 at 17 na pirmado at inaaprubahan ni National Security Adviser (NSA) Hermogenes […]

  • Malaki ang pasasalamat sa lahat ng sumuporta: RURU, naging sentimental sa nalalapit na pagtatapos ng ‘Black Rider’

    NAGING sentimental si Ruru Madrid sa social media dahil sa malapit na pagtatapos ng ‘Black Rider’ sa GMA Prime.     November 2023 umere ang unang episode ng ‘Black Rider’, pero July 2023 nung magsimula sila sa pre-production ng serye kaya isang taon niyang nakasama ang buong cast and crew.       Post ni […]

  • Thankful na naimbita na maging host ng show: GLAIZA, inaming aware sila sa mga isyu kaya mas nagiging maingat

    THANKFUL si Kapuso actress Glaiza de Castro, na naimbita siyang maging isa sa mga hosts ng noontime show na “Eat Bulaga” ng TAPE, Inc. na napapanood sa GMA-7, Mondays to Saturdays.       Ini-enjoy daw niya ang mga ginagawa nila sa show with her co-hosts.     “Thankful ako, kasi akala ko, mga isa, o […]