• February 9, 2025
  • Ang Diyaryong Pinagkakatiwalaan

Dahil sa pinaigting ma kampanya ng LTO sa paggamit ng seatbelt, higit 134K nahuli 2024

MAHIGIT 134,000 motorista ang nahuli sa buong bansa noong 2024 dahil sa paglabag sa Republic Act 8750 o Seat Belts Use Act of 1999, ayon sa Land Transportation Office (LTO) nitong Miyerkules, Enero 8.
Ayon kay LTO Chief, Assistant Secretary Atty. Vigor D. Mendoza II, ang masigasig na pagpapatupad ng batas hinggil sa paggamit ng seatbelt ay nagresulta sa pagkolekta ng P179.9 milyon mula sa mga multa ng mga lumabag.
“Patunay ito na seryoso kami sa pagpapatupad ng batas na ito. Kung dati ay maaaring makalusot, ngayon ay hindi na, lalo na’t pinaigting namin ang kampanya para sa paggamit ng seatbelt ngayong taon,” ayon kay Asec. Mendoza.
“Kaya naman nananawagan kami sa ating mga motorista na sundin nang maayos ang batas dahil, ayon na rin sa ating DOTr Secretary Jaime J. Bautista, ito ay para sa kanilang kaligtasan at bahagi ng pagsisikap ng gobyerno na masiguro ang kaligtasan ng lahat ng gumagamit ng kalsada,” dagdag niya.
Batay sa datos ng LTO, ang LTO-CALABARZON ang may pinakamataas na bilang ng nahuling lumabag sa Seatbelt Law na umabot sa 32,485, sinundan ng LTO-Region 3 na may 10,774, at LTO-Region VI na may 10,270.
Mula Enero 1, 2024 hanggang Disyembre 31, 2024, kabuuang 134,147 motorista ang nahuli dahil sa paglabag sa Seatbelt Law, kung saan 124,712 na ang nagbayad ng multa, 53 ang patuloy na kinokontes ang kanilang kaso, habang ang iba ay hindi pa nakakapagbayad.
Nangako si Asec. Mendoza na ipagpapatuloy ang masigasig na operasyon laban sa mga lumalabag sa Seatbelt Law bilang bahagi ng kampanya ng LTO na Stop Road Crash.
Ngunit sinabi rin niya na sasabayan ito ng agresibong kampanya sa pagbibigay ng impormasyon upang hikayatin ang mas maraming motorista na gumamit ng seatbelt.
“Ang aming diskarte sa usaping ito ay may dalawang bahagi, ang una ay mahigpit na pagpapatupad sa pamamagitan ng pagpapakalat ng aming mga enforcer at pakikipag-ugnayan sa iba pang mga ahensya ng tagapagpatupad ng batas. Ang pangalawa ay isang malawakang kampanya sa impormasyon upang ipaintindi sa mga motorista ang kahalagahan ng pagsusuot ng seatbelt,” ani ni Asec. Mendoza.
Sa ilalim ng kampanya para isulong ang paggamit ng seatbelt, makikipag-ugnayan ang LTO sa mga lokal na pamahalaan at gagamit ng tulong mula sa mga grupo ng mamamayan at mga organisasyon ng komunidad upang isulong ang kamalayan sa kaligtasan ng publiko.
Kasama rin sa mga hihikayatin ang mga transport group, paaralan, at iba pang stakeholders upang mas palawakin ang kampanya sa impormasyon at komunikasyon para madagdagan ang kaalaman ng mga driver at pasahero tungkol sa kahalagahan ng paggamit ng seatbelt. (PAUL JOHN REYES)
Other News
  • SUNSHINE, tahimik lang sa balitang lumipat na ng ABS-CBN; unang serye, makakasama sina PAULO at JANINE

    TAHIMIK lang ang actress na si Sunshine Dizon kahit na naglalabasan na ang mga balitang lumipat na siya ng ABS-CBN mula sa pagiging isang Kapuso.     Ang daming nagulat sa totoo lang bilang si Sunshine ang isa sa masasabing Kapuso all through-out her career.     Wala rin statement na inilalabas pa ang kanyang […]

  • $600 milyong infrastructure deal naisara sa Japan trip

    NAKAKUHA ng $600 milyong infrastructure investment ang Pilipinas mula sa mga Japanese investors.     Ito’y matapos magkasundo ang Filipino business tycoon na si Manny V. Pangilinan at major Japanese investor na Mitsui & Co. na mamuhunan sa sektor ng imprastraktura.     “We signed an agreement with Mitsui and several parties and management to […]

  • Sekyu kalaboso sa panghahablot ng cellphone

    BAGSAK sa kulungan ang isang security guard matapos hablutin ang bag na may laman cellphone ng 18-anyos na binata sa Valenzuela City, kamakalawa ng gabi.     Kinilala ang naarstong suspek na si Reynaldo Catada, 45, security guard at residente ng Road 3, Lingahan St., Brgy., Malanday na nahaharap sa kasong Robbery Snatching.     […]