• February 10, 2025
  • Ang Diyaryong Pinagkakatiwalaan

Damang-dama pa rin ang pagtatangap sa kanila: JOLINA, aminadong kinikilig pa rin sa loveteam nila ni MARVIN

SA halos tatlong dekada na nina Jolina Magdangal at Marvin Agustin sa showbiz, natanong ang actress/singer/TV host kung bakit hanggang ngayon ay damang-dama pa rin ang init ng pagmamahal ng publiko sa tandem nilang MarJo?

“Ako siguro dahil hindi namin binitiwan yung mga nagsu-support sa amin, yung mga nagmamahal sa amin,” sambit niya.
“Na talaga namang bigay na bigay ang pagkakilig nila magkatinginan lang kami.
“And siguro ang nangyari kasi doon hindi kasi namin ever ginawang script ni Marvin kung ano yung gagawin namin.
“Minsan lumalabas na lang sa amin tapos iyon yung natural, siguro nagba-bounce lang yung aming energy na talagang kinikilig… ako kinikilig ako dun sa loveteam ha, talaga.
“Pero sana hindi lang din may movie ulit, talagang kahit ano pa’ng gawin…  tsaka ang nangyari naman kahit nag-restaurant si Marvin, ako naman meron akong mga iba pang projects na ginawa, hindi naman kami nagkaaway or hindi kami nagkagalit kaya siguro merong MarJo pa rin and meron ding Marvin and Jolina, di ba?
“So… ‘pag mahal mo talaga ang industriya I guess maganda rin ang ibibigay sa iyo, yung isusukli sa iyo,” pahayag pa ni Jolina.
Masarap din sa pakiramdam niya kapag naririnig niyang nagsilbing inspirasyon sila ni Marvin at ang mga proyektong ginawa nila noon para sa maraming tao.
Tulad ngayon na may bago silang pelikulang ipapalabas, ang ‘Ex Ex Lovers’ sa February 12.
“Ako kinikilig ako,” pag-amin ni Jolina.
“Kasi sila ngayon yung alam nila kung ano yung nangyayari ngayon, alam nila yung mga dapat napapanood na rin.
Pagpapatuloy pa ni Jolina, “And iba na rin yung ideas ngayon ng paggawa ng pelikula at ng istorya.
“So parang pag nasasabi na inspirasyon kami at yung naging proyekto namin, parang ang sarap ng feeling dahil nung ginagawa namin iyon, hindi naman… ako nung ginagawa namin yung mga movies namin hindi ko naman inisip na parang, ‘Ah, para good example ito.’
“Hindi, e! Talagang in-enjoy ko lang talaga yung movie na kasama si Marvin, yung istorya ang ganda, para talaga dun sa edad namin nung time na yun.
“So masarap yung feeling. Ako minsan hindi pa makapaniwala e, baka binobola niyo lang ako ha,” at tumawa si Jolina.
“Pero minsan hindi na namin tinitingnan ni Marvin, hindi na namin pinapanood kung ano yung naging eksena namin kasi ako basta makita ko lang sila direk tsaka maiyak sila or matawa sila, kiligin sila, that’s it pansit, iyon na yun.”
Mula sa Project 8 Projects, Cornerstone Entertainment at distributed locally ng Warner Bros. Pictures ang ‘Ex Ex Lovers’ na mula sa direksyon ni JP Habac. 
(ROMMEL L. GONZALES)
Other News
  • Lambda variant, hindi variant of concern- Sec. Duque

    ITINUTURING ng pamahalaan na variant of interest at hindi variant of concern ang Lambda variant ng Covid 19 na mula naman sa mg bansang Peru at sa Latin America.   Sa press briefing ni Presidential Spokesperson Harry Roque, sinabi ni Health Secretary Francisco Duque III na bagama’t hindi naman nakakaalarma ang Lambda variant ay mananatili […]

  • Siklab Awards lalarga sa December 5

    Gagawaran ng para­ngal ang mga bagitong atleta na nagpasiklab sa nakalipas na taon sa gaganaping Nickel Asia Corporation Siklab Youth Sports Awards 2024 sa Disyembre 5 sa Market! Market! Activity Center, Ayala Malls BGC sa Taguig City.       May 79 youth at junior athletes mula sa 36 sports ang kikilalanin sa ikaapat na […]

  • Laguna trips ng PNR suspendido; DOTr baka kanselahin ang loan agreement sa China

    SINUSPINDE ng Philippine National Railways (PNR) ang operasyon nito sa Laguna simula noong nakaraang Huwebes habang ang mga bagon ay sasailalim sa maintenance works.       Ginagawa ang maintenance upang masiguro ang kaligtasan ng mga pasahero ayon sa Department of Transportation (DOTr).       Ayon sa DOTr ang train na umaalis ng 6:30 […]